Sierra d'el Cavaller
| Sierra d'el Cavaller | |
|---|---|
| Cheografía | |
| Cordelera | Sistema Iberico |
| Sector | {{{sector}}} |
| {{{tpran}}} | {{{ran}}} |
| Maxima altaria | 1.079 m |
| Cimas importants | La Picossa, punta la Umbría |
| Largaria | |
| Amplaria | |
| Superficie | |
| Vértiz cheodesico | |
| Subsistemas | {{{subsistemas}}} |
| Administración | |
| Estau | |
| País |  Aragón
|
| Comarca | Matarranya |
| Cheolochía | |
| Edat | Churasico, Cretacio |
| Materials | Calsineras. |
| Tipo | {{{tipo}}} |
  | |
La sierra d'el Cavaller ye una aliniación montanyosa con dirección NE-SW que fa part de la unidat morfoestructural dita "serranías marguinals" de lo Sistema Iberico teruelano. Se troba en la part oriental de la provincia de Teruel en la comarca de lo Matarranya.
La superficie de la sierra d'el Cavaller perteneixe a los termins municipals de Penyarroya de Tastavins, Foz Espalda y Val de Robres, de sud a norte.
Altarias
[editar | modificar o codigo]La cima mes vistable y caracteristica ye La Picossa con bels 1.079 m, seguida d'atras como punta la Umbría (1.054 m).
Toponimia
[editar | modificar o codigo]L'oronimo serra del Cavaller ye la denominación d'esta sierra en Val de Robres[1] y tiene relación con los microtoponimos Caseta del Cavaller y barranc del Cavaller de lo termin municipal de Foz Espalda. En los mapas topograficos apareixe la denominación sierra de Fuentespalda correspondient a la part meridional de la sierra entre los termins municipals de Penyarroya de Tastavins y Foz Espalda a lo sud-este de lo barranco de la Serra. Este microtoponimo documental no podría estar la traducción en castellano d'un microtoponimo local en catalán encara no documentau por escrito.
Cheolochía
[editar | modificar o codigo]La sierra d'el Caballer ye formada por un cabalgamiento de materials churasicos y cretacios sobre los materials terrichenos oligocenos de la depresión d'Ebro, que representan lo suyo semontano septentrional. Este cabalgamiento mesozoico recibe la denominación d'"unidat de Foz Espalda",[2] u "unidat Periganyol".[3] u "anticlinal cabalgant de Val de Robres".[4] En la sierra d'el Cavaller este cabalgamiento presenta dos anticlinals despartius por un sinclinal. L'anticlinal situau a lo sud-este d'este sinclinal presenta una largaria mes gran, s'observa bien en La Picossa y contina a l'este de lo río Pena a traviés de toda la sierra de l'Arca y dillá d'ella dica la serreta del Corral Nou.
Hidrografía
[editar | modificar o codigo]La versant nord-ueste desaugua enta los barrancos de Roselló, de Sant Pere Màrtir, de La Serra y lo río Tastavins. La versant sud-este lo fa enta los barrancos d'Els Prats, d'Els Figuerals y río Pena, regulau artificialment por una presa situada en la foz que desparte las sierras d'el Caballer y de l'Arca.
Referencias
[editar | modificar o codigo]- ↑ (es) Carmelo López Esteruelas y Manuel Siurana Roglan: Valderrobres paso a paso. Coedición de lo Concello de Val de Robres, l'Omezyma y l'Asociación Cultural Repavalde. 2005. pp 9-11.
- ↑ (es) Instituto Geológico y Minero de España: Mapa Geológico de España E 1:50.000. Peñarroya de Tastavins. Servicio de publicaciones de Ministerio de Industria y Energía, 1985. pp 32-33.
- ↑ (es) Instituto Geológico y Minero de España: Mapa Geológico de España E 1:50.000. Beceite. Servicio de publicaciones de Ministerio de Industria y Energía, 1985. p 30.
- ↑ (es) Instituto Geológico y Minero de España: Mapa Geológico de España E 1:50.000. Castelserás. Servicio de publicaciones de Ministerio de Industria y Energía, 1977. pp 11-12.
Bibliografía
[editar | modificar o codigo]- (es) José Luis Roda Centelles (coordinador): Red natural de Aragón. num. 5, Matarraña / Matarranya, Prames, 2006.
- (es) José Luis Peña Monné et al.: Geomorfología de la Provincia de Teruel. Instituto de Estudios Turolenses, 1984.
- (es) Instituto Geológico y Minero de España: Mapa Geológico de España E 1:50.000. Peñarroya de Tastavins. Servicio de publicaciones de Ministerio de Industria y Energía, 1978.
| Control d'autoridaz |
|
|---|
Datos: Q65394263