Pinus sylvestris

*Pinus sylvestris*
Pin royo (Pinus sylvestris)
Denominacions populars
pin royo / pin royal, pin blancal, pin fembra, pin fino
Clasificación cientifica
Dominio:	Eukaryota
Reino:	Plantae
División:	Pinophyta
Clase:	Pinopsida
Orden:	Pinales
Familia:	Pinaceae
Chenero:	Pinus
Especie:	P. sylvestris
Descripción
Pinus sylvestris L., 1758
Distribución cheografica
Mapa d'a distribución d'o pin royo en Eurasia.

O pin royo^[1] u pin royal^[1] (nombre cientifico Pinus sylvestris (L., 1758)), ye un árbol de fuella perén d'o chenero Pinus, en a familia Pinaceae, amplament distribuito per Europa y Asia. En a Peninsula Iberica se troba en os pisos oromediterranio y montano d'as montanyas, per tener preferencia per os puestos de clima frido. En Aragón, ye la especie de pin dominadera en os Pireneus. O nombre popular, cheneral per tot Aragón, demana d'a color royisca d'a suya crosta, encara que tamién se conoixe con atros nombres como pin blancal^[1], pin fembra^[1] u pin fino^[1].

Pueden creixer dica fer 30 metros d'altaria, gosando creixer dica 6 metros en os primers 10 anyos de vida. A suya forma ye piramidal cuan son chóvens, pero se torna irregular en os eixemplars viellos. As fuellas (agullas) son simples, naixendo.-ie de dos en dos, mes curtas que no en altras especies de Pinus, d'entre 3 y 7 cm de lonchitut. Creixen bien isolatos, pero en as selvas siempre puyan escando la luz, per lo que gosan deformar-se manifestando piroleras chiquetas en alto de tot d'un tranco finet que s'enfila bien alto; ixo fa que muitos eixemplars d'estes mas chóvens se troncen cuan quedan isolatos, por eixemplo cuan en tirando la madera se tallan os altros árbols d'arredol. En a silvicultura tradicional de l'Alto Aragón esto se miraba de privar quitando-los-ie toz en corrols, ta que no i quedesen eixemplars isolatos.