Sierra d'Exarc
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sierra d'Exarc | |
|---|---|
| Cheografía | |
| Cordelera | {{{cordelera}}} |
| Sector | {{{sector}}} |
| {{{tpran}}} | {{{ran}}} |
| Maxima altaria | 1.427 m (Cerro Mojones). |
| Cimas importants | |
| Largaria | |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | |
| País |  Aragón
|
| Comarca. | Cuencas Meneras. |
| Cheolochía | |
| Edat | Cretacio, Eoceno, Oligoceno |
| Materials | Rocas sedimentarias. |
| Tipo | Orochenesi. |
  | |
La sierra d'Exarc ye un conchunto de lomas que desparten la val d'Exarc y la cuenca de lo río de Campos.
Altarias[editar | modificar o codigo]
La principal altaria ye lo cerro Mojones con 1.427 m seguiu de cabezo Raboso (1.421 m), Villomar (1.423 m), Penya Lisa (1.414 m), cerro de las Aceras (1.381 m), El Molar (1.374 m) y El Cantalar (1.361 m).
Toponimia[editar | modificar o codigo]
L'oronimo sierra d'Exarc se refiere a la localidat homonima y la suya val. João Baptista Labanha en fizo mención en lo suyo libro "Itinerario del Reyno de Aragón (1610-1611)" escrito en portugués:
En l'actualidat este oronimo no fegura en los mapas topograficos y lo que en realidat se troba son denominacions concretas de picos, cerros y lomas. Son lomas d'esta sierra la loma de Villomar, la loma d'el Molar, la loma de Sant Martín y la loma de Cantera de Carra Aliaga.
Cheolochía estructural[editar | modificar o codigo]
En la sierra d'Exarc bi ha dos plegos anticlinals que creyoron las elevacions que desparten la val d'Exarc de la fondada de lo río Campos: l'anticlinal de Mojones con direccion NW-SE y l'anticlinal de Campos con dirección N-S.
L'anticlinal de Mojones plega unas calsineras de lo Cretacio superior. Las formacions terciarias T4 y T5 se refirman sobre los suyos costaus. Estas formacions se disposan en una discordancia progresiva bien vistable en lo costau meridional.
L'anticlinal de Campos tiene un cabo periclinal en esta localidat y ye un "plego en cofre" con costaus prou verticals y cabalto plan. Lo suyo nuclio ye cretacio de facies Weald, que ye embolicau por las atras formacions cretacias y por bella formación terciaria. Las capas verticalizadas de los costaus presentan plegos culebretiants en la zona de lo estreito de l'Aldeyuela. Orichinariament l'anticlinal de Campos feba part d'un mesmo plego que l'anticlinal de Miravet, que quedoron despartius por la superposición d'uns plegos de direccion E-W como lo sinclinal d'el Salobral y l'anticlinal de Santa Barbara.[2]
Cheomorfolochía[editar | modificar o codigo]
La superficie d'erosión fundamental de lo Mioceno superior ye representada en Mojones, la loma de Villomar, la loma de Sant Martín y Penyalisa, el Molar y la loma d'el Molar.
Bi ha cuestas en la vertient meridional de cerro Mojones y arredol de lo nuclio erosionau de l'anticlinal de Campos. En las calsineras de lo Cretacio superior de cerro Mojones bi ha tamién garras.
Bi ha rallas en los costaus verticalizaus de l'anticlinal de Campos, en especial en los almendrons de lo costau occidental y en las calsineras cretacias de lo estreito de l'Aldeyuela. Ye precisament en estas rallas a on son bien vistables los plegos culebretiants.
Hidrografía[editar | modificar o codigo]
Las vertients septentrionals de la sierra d'Exarc desaguan enta cursos d'augua de la cuenca de lo río de Campos u de lo río del Regajo, que traviesa la sierra de norte a sud. Las vertients meridionals lo fan enta lo río de La Val u enta Guadalop a traviés de tributarios de la suya marguin ezquierda. La vertient oriental desaugua enta los barrancos de las Carbonellas y d'el Recuenco, tributarios de lo río de Campos.
La zona central de la sierra d'Exarc ye travesada por diferents cursos d'augua. Lo barranco Lenar u río del Regajo y lo barranco d'el Salobral son tributarios de lo río de la Val por la suya marguin ezquierda. Lo barranco del Villarejo ye un tributario de Guadalop por la suya marguin ezquierda.
Referencias[editar | modificar o codigo]
- ↑ (pt) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Establ. tipog. del Hospicio provincial, 1895. p 191.
- ↑ (es) José Luis Simón: Guía del Parque Geológico de Aliaga. Ayuntamiento de Aliaga, Departamento de Geología de la Universidad de Zaragoza, CEDEMATE, 1998. p 80, p 83, p 84, p 86.
Bibliografía[editar | modificar o codigo]
- (es) Eduardo Viñuales Cobos (coordinador): Red natural de Aragón. nº 30, Cuencas Mineras Prames, 2010.
- (es) José Luis Simón: Guía del Parque Geológico de Aliaga. Ayuntamiento de Aliaga, Departamento de Geología de la Universidad de Zaragoza, CEDEMATE, 1998.
| Sierra d'Exarc | |
|---|---|
| Altos, cerros, muelas, penyas, picos, lomas y sarraus: Lisa | Mojones Collaus, pasos y puertos: collado de Majanos |