Sierra de la Galga
| Sierra de la Galga | |
|---|---|
| Cheografía | |
| Cordelera | Sistema Iberico |
| Sector | {{{sector}}} |
| {{{tpran}}} | {{{ran}}} |
| Maxima altaria | 688 m |
| Cimas importants | |
| Largaria | |
| Amplaria | |
| Superficie | |
| Vértiz cheodesico | |
| Subsistemas | {{{subsistemas}}} |
| Administración | |
| Estau | |
| País |  Aragón
|
| Comarca | Baixo Aragón |
| Cheolochía | |
| Edat | Churasico con representacions menors de Triasico y Cretacio |
| Materials | Calsineras y archilas chesosas. |
| Tipo | {{{tipo}}} |
  | |
La sierra de la Galga ye una aliniación montanyosa con dirección W-E que fa parte de la unidat morfoestructural dita "serranías marguinals" de lo Sistema Iberico terolano.[1]
Se troba en lo termin municipal de Foz Calanda (Baixo Aragón). Lo río de Calanda desparte la sierra de la Galga a l'ueste y la sierra de Penyas Blancas a l'este, fendo las dos part de l'anticlinal de Calanda, anticlinal cabalgant en contacto con la depresión d'Ebro y despartiu de l'anticlinal de la Cantera de Saso por lo sinclinal de Penyas Blancas.[2]
Toponimia[editar | modificar o codigo]
L'oronimo sierra de la Galga fa referencia a penyas calsineras. Lo que en chistabín se dice cantera (piedra suelta que ha baixau por movimientos de ladera) corresponde a lo castellano galga, termin d'etimolochía no guaire clara y con muitos homonimos. En castellano de lo sieglo XVI s'emplegaba en cantería los catalanismos galga y engalgar derivaus de lo latín AEQUALICARE y AEQUALIS y relacionaus con la mida fixa que han de tener las piedras de construcción y la manera de posar-as bien.[3]
Hidrolochía[editar | modificar o codigo]
Las versants meridional y oriental desauguan enta lo río de Calanda, la versant septentrional desaugua enta un ret indefiniu de barrancos que pueden plegar dica lo barranco de Mas Blanco, tributario de Guadalop.
Referencias[editar | modificar o codigo]
- ↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- ↑ (es) Eduardo Viñuales Cobos (coordinador): Red natural de Aragón. nº 15, Bajo Aragón Prames, 2007. p. 43.
- ↑ (es) Guillermo Herráez Cubino: Catalanismos en el léxico de los canteros del Renacimiento español. Biblioteca Virtual Miguel de Cervantes, Alicant, 2008. pp 702-703.
Bibliografía[editar | modificar o codigo]
- (es) Eduardo Viñuales Cobos (coordinador): Red natural de Aragón. nº 15, Bajo Aragón Prames, 2007.
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- (es) Instituto Geológico y Minero de España: Mapa Geológico de España E 1:50.000. Calanda. Servicio de publicaciones de Ministerio de Industria y Energía, 1978.