Carrascal termofilo levantín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O carrascal termofilo levantín creixe sobre substratos de calsinera u sobre piedra d'arena d'o Triasico inferior (rodeno), ye una formación dominada por a carrasca d'a subespecie Quercus ilex ballota y dichós bi ha un matigal pareixiu a lo d'o carrascal litoral. Se troba en o piso termomediterranio.

O estrato arborio ye monoespecifico de carrasca. O estrato arbustivo ye rico y denso y tien especies comuns con o carrascal litoral como Pistacia lentiscus, Chamerops humilis, o coscollo Quercus coccifera, a olivera borde Olea europaea sylvestris, l'aladierno Rhamnus alaternus, l'arto Rhamnus oleoilis angustifolia, bi ha presencia d'especies tipo tuca como Smilax aspersa, Rubia peregrina longifolia, Asparragus acutifolius, Clematis flammula, Lonicera implexa, mancando-ie especies desichents en humidat como Viburnum tinus, Rosa sempervirens). Bi ha especies que no se troban en o carrascal litoral como Asparagus stipularis, Osyris quatripartita).

Lonicera implexa y Clematis flammnula son menos abundants que en o carrascal litoral. Sobre substrato de calsinera podemos trobar plantas d'a serie de substitución d'o carrascal calcicola de meseta, (Romero, o bruco Erica multiflora, Cystus albidus, Ulex parviflora); sobre suelos silicios trobamos Erica arborea y plantas tipicas d'o estrepal como Calicotome spinosa.

O estrato herbacio ye pobre.

O carrascal termofilo ha estau substituito en gran parte por tierras de cautivo y pinars de Pinus halepensis, y no se conserva que en bel punto d'a Plana Alta de Castellón.