Río Guadalaviar

De Biquipedia
Ir ta: navego, busca
Guadalaviar
Turia
RTuria1 Benaguasil.jpg
Guadalaviar en Benaguasil
Administración
Estatos {{{estatos}}}
Territorios Flag of Aragon.svg Aragón
Flag of the Land of Valencia (official).svg País Valencián
Cheografía
Longaria 280 km
Altaria d'o naixedero 1680 m
Naixedero Muela de Sant Chuan
Desembocadura mar Mediterrania
Superficie d'a cuenca {{{cuenca}}} km²
Cabal meyano {{{cabal}}} m³/s
{{{mapa}}}
Naixedero d'o rio Guadalaviar.

O Guadalaviar (tamién dito Turia más que más dende a ciudat de Teruel dica la suya desembocadura), ye un río situato en l'este d'a Peninsula Iberica. Naixe en a ladera sud d'a Muela de Sant Chuan, en a comarca d'os Monts Universals, Sierra d'Albarrazín (Teruel), y desemboca en a ciudat de Valencia dezaga de 280 km de recorrito.

En lo cabalto de la val, lo Guadalaviar y los suyos afluents circulan por una zona de rocas calsinosas a on han formau profundas foces fluvio-karsticas dimpués d'entallar-se en l'antiga superficie d'erosión que i habió a zaguers de lo Terciario. Como lo Guadalaviar y los afluents teneban una trachectoria en forma de meandros por ixa plana, las foces representan recolons en lo substrato rocoso.

Dixando a Muela de Sant Chuan recibe por a ezquierda o río Griegos y o río Guadalaviar dimpués traviesa uns materials d'o Churasico meyo a on forma a foz més profunda d'a redolada, plegando a tallar a roca dica 250–300 m[1]. Quan traviesa a zona karstica de Villar d'el Cobo pierde cabal y en tiempos de sequera plega a desapareixer, por o que se considera una val seca[2].

Quan plega ta Tramacastiella o río talla as dolomías d'o Churasico inferior y s'ixampla quan entra en una zona con materials d'o Triasico superior de facies Keuper, tornando a estretir-se quan los dixa y entra en as calsineras d'o Triasico meyo de facies Mushelkalk. En a zona de Tramacastiella recibe l'augua d'o río Garganta, que tien una foz como indica o suyo nombre[1].

O río Guadalaviar recibe l'augua d'o río de la Fuent del Berro enfrent d'a zona clamata por ixo Entrambasaguas (Entramasaguas en bell texto medieval). Dende Entramambasaguas dica Exea d'Albarrazín bi ha atro sector d'esgarrapamiento d'o río en rocas calsinosas, encara que quan dixa Albarrazín a val s'ixampla por haber-ie un sector con archilas y chesos d'o Keuper, pa tornar a estretir-se quan entra de nuevo en formacions calsinosas que trobaremos dica plegar ta Exea[1].

Dimpués de deixar la Serranía d'Albarrazín entra en la fuesa de Xiloca, a on que lo río Guadalaviar ye muito encaixau[3] y se diriche enta l'este pa entrar en la fuesa de Teruel. Ye en esta zona a on que s'ha feito lo entibo d'El Arquiello.

A pocos km de Teruel recibe l'augua de l'Alfambra. En Villel recibe l'augua d'a Rambla de la Chartera y d'o río Camarena u regajo de Camarena, y poco dimpués de Libros lo regajo de Tramacastiel.

En o Rincón d'Ademuz recibe os afluents río Ebrón y Río Boílgues. En a provincia de Cuenca recibe l'augua d'o río Arcos, que baixa dende a Sierra de Chabalambre.

Toponimia[editar | editar código]

Claudio Ptolomeu escribió:

A costa d'os Edetans tien: a boca d'o río Pallantia, 14:40::38:55, a boca d'o Turulios u Turulis 15::39, Dianium 15:40::39.30

.

En lo diccionario geográfico-histórico de la Espanya antigua dicen:

Turulis se llamaba en tiempos de Ptolomeo el Millares por nacer junto a un castillo llamado Turulias, hoy Torrijas; en cuyo castillo se estableció una casa de templarios, y hoy es un pueblo debajo del cual nace el Millares, que en el Bavor recibe al río Iduveda, que nace en Linares, en la falda occidental de este monte. Por lo tanto tiene dos nombres por sus dos fuentes Turulis u Turulias é Idubeda

Talment relacionato con o presunto antigo nombre d'o Millars, en o termin de Murviedro bi heba una alquería en tiempos d'a reconquiesta dita Torrillas.

A tamas d'a identificación d'o Turulis con o Millars que fació Miguel Cortés y López, o Turulis fue identificato con o Guadalaviar, y dende ambients eruditos patrioticos aimants d'a cultura clasica cambioron oficialment a denominación tradicional de "Guadalaviar" por a denominación Turia, en o contexto que cambioron o nombre d'o "río de Segorb" por Palancia y "Murviedro" por Sagunto.

Capturas fluvials[editar | editar código]

Toda la cuenca de Guadalaviar amuestra sinyals d'anomalía producto de complexos procesos de captura fluvial[3].

La fuesa de Teruel yera inicialment endorreica u verchent enta lo río Cabriuel. La fundimiento de lo Golfo de Valencia activó la erosión regresiva de los ríos de la versant mediterrania y a zaguers de lo Terciario un d'estos ríos dobló la suya cuenca por un proceso de captura fluvial de la fuesa de Teruel en la redolada de Santa Cruz de Moya[3].

Lo feito que la fuesa de Teruel fuese plena de rocas sedimentarias tobas facilitó lo encaixamiento y la erosión regresiva d'este río y los afluents suyos, producindo-se mes tarde la captura fluvial de l'actual curso alto de Guadalaviar entre los Monts Universals y la Sierra d'Albarrazín, que enantes debeba de desauguar enta Xiloca[3].

Referencias[editar | editar código]

  1. 1,0 1,1 1,2 (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN: 84-86982-97-9. pp 48-50.
  2. (es) Jose Luís Peña Monne et al. Geomorfología de la Provincia de Teruel. Instituto de estudios turolenses, 1984. p 55.
  3. 3,0 3,1 3,2 3,3 (es) Jorge Hermosilla Pla (dir.):Los regadíos históricos del Alto Turia turolense. Generalitat Valenciana, Conselleria de Cultura, Educació i Esport, Universidad de Valencia, 2008. ISBN: 978-84-370-7316-3. p 94, p 101.

Bibliografía[editar | editar código]


 
Ríos de la cuenca hidrografica de Guadalaviar
Marguin izquierda Griegos | Garganta | Alfambra | Camarena | Deva | Arcos | de Chelva
Marguin dreita Fuent d'el Berro | Rambla de la Chartera | Ebrón | Boílgues | Sot