Sierra d'Armantes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sierra d'Armantes
Sierra d'Armantes
Cheografía
Cordelera	Sistema Iberico
Sector

Maxima altaria	966 m
Cimas importants	Mesa d'Armantes
Largaria
Amplaria
Superficie
Vértiz cheodesico
Subsistemas
Administración
Estau
País	Aragón
Comarca	Comunidat de Calatayú
Cheolochía
Edat	Cenozoico
Materials	chesos, lutitas.
Tipo	erosión remontant
Mapa

La sierra d'Armantes ye un sierra de la branca aragonesa de lo Sistema Iberico^[1] que se situa en la depresión de Calatayú entre la sierra de la Virchen a l'este, la sierra d'Ateca a l'ueste y Xalón a lo sud. La superficie de la sierra d'Armantes perteneixe a los municipios de Cervera de la Canyada, Torralba de Ribota, Calatayú, Terrer y Ateca, toz en la Comunidat de Calatayú.

Altarias

Las principals altarias son la Mesa d'Armantes (973 m), la Cruz d'Armantes (966 m), Los Castillos (929 m), Manyo Manyo (917 m), y lo cerro de la Cruz (894 m).

Toponimia

L'oronimo sierra d'Armantes proviene de lo despoblau d'Armantes, situau en los termins municipals d'Ateca y Cervera de la Canyada.

Hidrografía

La versant nord-este de la sierra desaugua enta la rambla de Ribota, la versant sud-ueste lo fa enta lo río Manubles, la versant sud lo fa enta Xalón, representando la sierra d'Armantes lo interfluvio entre las vals de los ríos Manubles y Ribota.

Cheolochía

Abundan los chesos y las lutitas.^[2] A diferencia d'atras sierras de la redolada, la sierra d'Armantes ye la sola que tiene materials d'edat cenozoica en lo cabalto. La sierra s'ha iu formando por erosionar-se los materials sedimentarios cenozoicos que heban plenau enantes la depresión de Calatayú (vuidau erosivo), persistindo millor los materials que se situan mes luent u equidistants de los achents erosivos, ye a saber, los ríos Xalón, Manubles y Ribota.

Los estratos cenozoicos de la sierra d'Armantes tienen capuzamientos cuasi horizontals, lo que permite la formación de plataformas estructurals. En bel puesto la erosión hay creyau cinglos y ripas, como chunto a la rambla de Ribota un poco auguas ent'alto de la pedanía de Ribota.

Lo cabo sudoriental en contacto cerca de Calatayú presenta frontons y corresponde a toponimos como cuesta de los Frontones y corrales del Frontón.

Referencias

↑ (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995. p 141.
↑ (es) Eduardo Viñuales Cobos: Red Natural de Aragón. Comunidad de Calatayud nº 17. Gubierno d'Aragón, Sodemasa, Prames, 2007, pp 112-119.

Bibliografía

(es) MUÑOZ JIMÉNEZ, Julio, SANZ HERRÁIZ, Concepción: Guía Física de España. 5 Las Montañas. Alianza Editorial, 1995.
(es) VIÑUALES COBOS, Eduardo: Red Natural de Aragón. Comunidad de Calatayud nº 17, 2007.
(es) ECHEVARRÍA ARNEDO, María Teresa: El relieve de la Comunidad de Calatayud, adintro de lo libro Comarca de la Comunidad de Calatayud. Colección territorio, nº 20, 2005.