Sierra Palomera

Sierra Palomera
Cheografía
Cordelera	{{{cordelera}}}
Sector	{{{sector}}}
{{{tpran}}}	{{{ran}}}
Maxima altaria	1.529
Cimas importants
Largaria	25 km
Amplaria
Superficie
Vértiz cheodesico
Subsistemas
Administración
Estau
País	Aragón
Comarca	Xiloca Comunidat de Teruel
Cheolochía
Edat	Mesozoico.
Materials	Calsineras.
Tipo	Orochenesi y rifting.
Mapa

Sierra Palomera ye una sierra de lo Sistema Iberico con dirección N-S situada a l'este de la Fuesa de Xiloca, a l'ueste de Campo Visiedo y de la fuesa de Alfambra u Teruel, a lo sud de la Sierra de Lidón y a lo norte de la muela de Celadas. Fa part de la mesma unidat morfoestructural que la sierra de Lidón.

La superficie de la Sierra Palomera perteneixe a los termins municipals de Buenya, Archent, Camanyas, Aguatón, Celadas, Santa Olalia, Torremocha de Xiloca, Torre la Cárcel y Cingla.

Altarias

La suya altaria mes gran ye penya Palomera (1.533 m), seguida de Los Rasos (1.428 m), y cerro Gordo (1.222 m),

Toponimia

Lo toponimo Sierra Palomera s'interpreta a partir de "paramo", y viene por lo nombre de la principal altaria, la Penya Palomera. En un texto escrito en 1411 en aragonés terolano ya se fa mención d'esta penya:

& la dita yegua se hauía apartado vn valejo ayuso & que cerqua la Penya Palomera que se hauía esclatado o spenyado.

Tamién se fa mención d'esta penya u de la sierra en "La soterrada viva d'Alfambra", versión aragonesa d'una leyenda europea que tiene como trasfondo la reconquiesta de qualques lugars de Teruel:

El conte, con buena cadena al cuello, tocando la bocina tan fuert que se huya del castiello de Alfanbra. He como yva a piet, yva poco a poco, he tocava el cuerno a grant priesa. Los del conte, que stavan en celada, sallieron bien armados, he con grant virtut fieren a los moros. Algunos se fueron a piedes de rozin; enpero los otros todos murieron. Al rey e a la reyna lanzaronlos en la foguera que sta en Palomera, en hun cerro clamado (en blanco). Quando a nuestro senyor Dios place concuerdanse los fechos. / No sabian res desto aquellos que stavan en Buenya. Los dos hermanos sobredichos, Martin Martinez et Garci Martinez, los quales avian sallido de aquel lugar clamado Marziella, del regno de Navarra, vinieron con muncha gent sobre hun lugar clamado Argent. Los moros avian sopido la nueva de su rey; he como fuesen en la Palomera por ayudar a su rey, et eran un troz fuera del lugar, los xristianos entraron por otro cabo, que no fueron recordados. Las voces fueron a los que avian sallido; quisieron tornar et no pudieron entrar, que los xristianos avian preso el lugar.

Hidrolochía

La suya versant este desaugua enta lo río Alfambra y la suya versant ueste desaugua enta lo río Xiloca, a traviés de tributarios que han despartido lo frontón de la falla de Palomera en facetas trapezoidals.

Cheolochía

La falla de Palomera ye responsable de lo frontón que desparte esta sierra y la fuesa de Xiloca

Vechetación

Los carrascals fan part de la vechetación natural d'esta sierra.

Feguras de protección

Una part de Sierra Palomera entre Banyón y Buenya ye protechida con categoría de PIC en lo Ret Natura 2000 adintro de lo espacio "Sierra Palomera".

Bibliografía

• (es) J. Vilá Valentí, L Solé Sabarís, Manuel Terán: Geografía general de Espanya. Ariel Geografía. 1994.
• (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
• (es) Eduardo Viñuales Cobos: Red Natural de Aragón. Jiloca nº 18, 2007.
• (es) Eduardo Viñuales Cobos: Red Natural de Aragón. Comunidat de Teruel nº 22, 2008.
• (es) Jose Luís Peña Monne et al. : Geomorfología de la Provincia de Teruel. Instituto de estudios turolenses, 1984. p 78-90.

Vinclos externos

• Articlo en la G.E.A sobre la Sierra Palomera