Sierra Menera

De Biquipedia
Ir a la navegación Ir a la búsqueda
Sierra Menera
Detall extracions ferro.JPG
Terrers en una mena de fierro de Sierra Menera
Cheografía
Cordelera Sistema Iberico
Sector
'
Maxima altaria
Cimas importants Pueyo de Sant Chinés
Largaria 29 km
Amplaria 5,3 km
Superficie
Vértiz cheodesico
Subsistemas
Administración
Estato Espanya
País Flag of Aragon.svg Aragón
Flag of Castile.svg Castiella
Comarca Xiloca
Comunidat de Teruel
Sierra d'Albarrazín
Senyoría de Molina-Alto Tajo
Cheolochía
Edat Paleozoico, Triasico
Materials Rocas sedimentarias
Tipo


La Sierra Menera ye una aliniación montanyosa de bells 30 km que fa part la branca castellana[1] de lo Sistema Iberico. La suya tuca més alta ye lo Pueyo de Sant Chinés con 1,603 m d'altaria[2]; un atra important altaria ye Mollón Alto con 1,591 m. Sierra Menera fa part de la unidat morfoestructural dita "Serranía d'Albarrazín" chunto con la Sierra d'Albarrazín sensu strictu y los Monts Universals[3].

Administrativament la Sierra Menera perteneixe a la Sierra d'Albarrazín, a la Comunidat de Teruel y a Xiloca en la versant oriental aragonesa y a la Senyoría de Molina-Alto Tajo en la versant occidental Castiella-La Mancha. En qualques cerros bi ha aerocheneradors.

La dirección predominant de la sierra ye NNW - SSE. No ye tant alta u conspicua como atras sierras de lo Sistema Iberico. Dende lo punto de vista hidrografico la Sierra Menera desparte las versants mediterrania y atlantica. Los chicotz cursos d'augua de la part occidental se recullen en lo río Tacho, los de la part oriental en qualques casos son ramblas y se recullen en lo río Xiloca, y beluns de la part septentrional se recullen en la Laguna de Gallocanta.

Lo puesto conoixiu como Mirador de la Marajosa, con un caixigar de Quercus pyrenaica ofreixe una ampla anvista de lo paisache de la redolada.

Historia[editar | editar código]

L'arqueolochía documenta nuclios de población en Sierra Menera relacionaus con la metalurchia de lo fierro ya en lo periodo celtiberico pero que no rechistran las fuents escritas romanas contemporanias.

En lo periodo andalusí bi habió extraccions de fierro y puestos habitaus chunto a las menas. Tamién bi heba alquerías y torres ligadas a los treballos metalurchicos que podeban estar fortificadas, encara que las fortificacions serían chicas y yeran a sobén torres-refuchio. Se considera que la Torre Gabasa y lo Castiello de Uellos Negros son mes antiguas que Saletas y La Torreta de Peracens.[4] Tamién bi heba poblacions situadas en las grans altarias y por lo menos un hisn documentau en Rodenas por Al-Idrisí.

Beluns de los nuclios de población actuals se pueden documentar en tiempos de la Reconquiesta y la repoblación medieval. En las zagueras decadas de lo sieglo XII bi habió una arribada de colonos cristians que dioron prou estabilidat demografica a los nuclios de población que habitoron, y permitioron la formación d'un rete d'aldeyas que ya se documenta a primers de lo sieglo XIII en la versant aragonesa en textos relacionaus con los repartos de las racions que s'adchudicaban a las ilesias de Daroca y Teruel.[5] Las torres-refuchio chicas de lo periodo andalusí (quba) prenioron la denominación romanz de torre en las luengas de los repobladors y s'orichinoron nuevos toponimos basaus en torre u la forma apocopada tor en Sierra Menera y la suya redolada: La Torreta, Torre d'el Buco, Torrillo, Torralba, Torreciella, Torre los Negros, Torre la Cárcel y Torremocha en Aragón y Torredelpalo, Torremochuela, Torrecuadrada de Molina, Tortuera, Tordellego, Tordesilos en la provincia de Guadalachara.[4]

Quan avanzó la reconquiesta dica lo Reino de Valencia Sierra Menera esdevinió de muga entre lo Reino d'Aragón, Reino de Castiella y la Senyoría d'Albarrazín. En este territorio de dificil control bi habió almugávars que saqueyaban localidatz tanto en Aragón como en Castiella y que obligoron a las autoridatz a intervenir en diferents ocasions.[5]

En 1903 la Compañía Minera de Sierra Menera S. A. ubrió una linia de ferrocarril de 200 km con la fin de levar lo mineral de fierro (hematites) de Uellos Negros ta lo puerto de Murviedro. En ixos tiempos estió la linia privada de ferrocarril mes luenga d'Europa. Una instalación d'altos fornos tamién perteneixent a esta companyía tamién se troba en Murviedro, a on bi ha una planta de peletización.

L'actividat menera prolongada a traviés de los sieglos ha causau impactos ambientals en Sierra Menera. Bi ha muitas toneladas d'enruna y escoria ixemenadas por toda la sierra, que producen contaminación de lo suelo y de l'augua subterrania. Dende mitat de lo sieglo XX, la minería a cielo ubierto a gran escala causó una severa degradación de la tierra en amplas arias.[6]

Las instalacions de procesamiento de Murviedro, Altos Hornos del Mediterráneo S.A., cerroron en l'anyo 1984 y la companyía menera de Sierra Menera cayó en bancarrota en 1987, cerrando-se dimpués las menas y las instalacions subsidiarias.[7]

Muita chent en Uellos Negros quedó en paro dimpués d'aturar-se l'actividat menera de la sierra, y en conseqüencia la población baixó dende 3.000 habitants en lo sieglo XX dica 560 en l'anyo 2010. En los tiempos quan cerroron las menas no bi heba garra regulación oficial que obligás a la companyía menera a reparar lo impacto ambiental causau por la suya actividat.[8] La lei espanyola de menas vichent en ixos tiempos no incluyiba una provisión mirando-se lo impacto ambiental de l'actividat menera quan fue promulgada en l'anyo 1973.[9]

Referencias[editar | editar código]

  1. (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, pp 143-145
  2. (es) Eduardo Viñuales Cobos: Red Natural de Aragón. Jiloca nº 18, 2007, pp 106-111.
  3. (es) Jose Luís Peña Monne et al. : Geomorfología de la Provincia de Teruel. Instituto de estudios turolenses, 1984. p 49.
  4. 4,0 4,1 (es) Julián M. Ortega Ortega: Consideraciones sobre la explotación del hierro en la Sierra Menera (Teruel) durante época andalusí, articlo localizau en Minas y metalurgia en al-Andalus y Magreb occidental: explotación y poblamiento 2008, ISBN 978-84-95555-93-9 , pp 95-122.
  5. 5,0 5,1 (es) María Teresa Iranzo Muñío, Julián M. Ortega Ortega: Disciplina agraria y reorganización del poblamiento bajomedieval en el territorio de la comunidad de aldeas de Daroca. Aragón en la Edad Media XXII (2011) pp. 67-126. ISSN 0213-2486.
  6. (es) Miguel Angel Dobón Pérez: Historia minera y conflicto ambiental. El caso de Sierra Menera (Teruel), 1900-1931, 2004, ISBN 84-7733-698-9
  7. (es) La Compañía Minera de Sierra Menera. Breve historia
  8. (es) Luis Diego Arribas: Contemporary Art and Opencast Mining, Revista de Humanidades, University of Zaragoza. 2009.
  9. (es) Lei de Menas de 21 de chuliol de 1973

Bibliografía[editar | editar código]


Sierras de lo Sistema Iberico
Norte y Ueste Achena - Alba - Alcarama - Almuerzo - Armantes - Ateca - Bigornia - Bordecorex - Cabezas - Caldereros - Cameros - Cetina - Corija - Cortado - Costanazo - Demanda - Deza - Hayedo de Santiago - Hontalbilla - Mesa de Cebollera - Ministra - Miñana - Moncalvillo - Moncayo - Montesclaros - Nava Alta - Neila - Parameras de Molina - Pardos - Pégado - Peñalmonte - Peñalosa - Perdices - Pica - Picos d'Urbión - San Miguel - Selas - Solorio - Tablado - Toranzo
Centro y Sud

Aguila - Albarrazín (Carbonera · Nevero · Penya Redonda · Tremedal) - Algairén - Aliaguilla - Altomira - Andilla - Atea - Bascuñana - Bicort - Bicuerca - Cabrillas - Camamila - Camanyas - Campalbo - Caroch - Castellanos - Ceja - Cocha - Cucalón (Badenas · Muela d'Anadón · Orich · Pelarda · Pedregosa · Segura) - Cuenca - Cuerdas - Escornadero - Espigar - Exarc - Ferrera - Juan Navarro - Lidón - Negret - Noria - Majadas - Malacara - Martés - Menera - Mira - Modorra - Molina - Moluengo - Monegret - Mont Albán - Monts de Picaza - Monts Universals (Algarbe · Chabalón · Muela de Sant Chuan) - Morés - Pajaranca - Palancares - Palomera - Peco - Penya Alta - Penyas d'el Diablo - Picarcho - Rocavanos - Santa Cruz - Santerón - La Serrezuela - Tragacet - Tremedal - Umbría Negra - Utiel - Valdecabras - Val de Meca - Val de Minguet - Valdellosa - Valdonya - Virchen - Zafriella

Este y Nordeste Alcora - Alcublas - Almanariella - Arca - Arcos - Batalla - Benifazán - Bertolines - Blanca - Bordón - Brusca - Caballos - Cabezo - Cabezos - Caldera - Calderona - Camarena - Cantera d'el Pinar - Cantera d'el Saso - Canyada - Carrascosa - Cavaller - Chabalambre - Chaparral - Chinebrosa - Celler - Corbalán - Corral Nou - Cortz - Costera - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Exulve - Férriz - Galceran - Galga - Garrocha - Gorda - Gúdar (Molatiellas · Mont Negro) - Lastra - Marondes - Matanza - Matanzas - Mayabona - Molinera - Montanyas de Cervera - Montordí - Ovellera - Monts de Pinar Ciego - Monts de Tarrascón - Monegrell - Mora - Moros - Muelas de Chert - Nogueruelas - Palomita - Paúls - Pedreras - Pedrizas - Penyagolosa - Penyas Blancas - Perenchisa - Pina - Pinarhueco - Puertos de Moriella - Sant Chust - Santa Barbara - Senyor - Toro - Tortallada - Puertos de Tortosa-Bezeit (Albardes - Aragonesos - Caro - En Canader · Refalgarí - Sant Cristòfol) - Rayo - Rocha de las Defesas - Rodanas - Sant Pere - Santa Barbara - Savinassos - Segures - Solana - Sollavientos - Talayas d'Alcalà - Tajos - Turmell - Umbrías - Vall d'Àngel - Vallivana - Vellida - Villarroya - Zancado