Sierra de la Calderona
| Sierra de la Calderona | |
|---|---|
 | |
| Cheografía | |
| Cordelera | Sistema Iberico |
| Sector | {{{sector}}} |
| {{{tpran}}} | {{{ran}}} |
| Maxima altaria | 907 m |
| Cimas importants | Gorgo |
| Largaria | |
| Amplaria | |
| Superficie | |
| Vértiz cheodesico | |
| Subsistemas | {{{subsistemas}}} |
| Administración | |
| Estau | |
| País | .svg){kind=small}
|
| Comarca | Alto Palancia Los Serrans Campo de Murviedro Campo de Turia Huerta Norte |
| Cheolochía | |
| Edat | Triasico |
| Materials | rodeno, calsineras, archilas, chesos. |
| Tipo | {{{tipo}}}
|
La sierra de la Calderona ye una aliniación montanyosa de lo Sistema Iberico con dirección norueste-sudeste que va dende la sierra de Chabalambre dica lo termin municipal de Pozuel, despartindo las cuencas hidrograficas de los ríos Guadalaviar y Palancia.
La superficie de la sierra se distribuye por los termins municipals de bella localidat churra de Los Serrans (Alcublas), de l'Alto Palancia (Altura, Segorb), y de lo Campo de Turia (Gátova y Marines). Manimenos en cheneral se situa en termins municipals de localidatz de no churras: Murviedro, Segart, Albalat dels Tarongers, Algímia d'Alfara, Estivella, Gilet y Torres Torres (en lo Campo de Murviedro), Liria, Nàquera, Olocau de Carraixet y Serra de Portaceli (en lo Campo de Turia), Pozuel y Pueyo de Cebolla (en la Huerta Norte), chunto a la mar Mediterrania. Lo suyo cabo sudoriental plega dica bells 20 km de Valencia capital.
La part oriental de la sierra queda incluyida en lo Parque Natural de sierra de la Calderona.
Altarias[editar | modificar o codigo]
Las altarias mes representativas de la sierra son: lo Gorgo (907 m), Montmajor (892 m), alto de la Calera (850 m), els Rebalsadors (798 m), alto d'el Pi (798 m), lo puntal de l'Abella (635 m), lo Garbí (593 m) en lo termin d'Estivella, la muela de Segart (565 m), el Xocainet (437 m), lo Picayo de Murviedro (363 m) y lo Cabezo Bord (238 m).
Toponimia[editar | modificar o codigo]
L'oronimo Calderona indicaba orichinariament lo sector mes meridional de la sierra, a on que bi heba un cuello y un barranco con este nombre. Una expresión local tradicional dice a robar a la calderona, y se remonta a tiempos de los moriscos (sieglo XVII), y de los bandidos locals (sieglo XVIII). En lo sieglo XX s'ha cheneralizau en ambients excursionistas l'oronimo sierra de la Calderona u sierra Calderona a costa d'atros equivalents como muntanyes de Portaceli que emplegaba Cavanilles u superposando-se a atros oronimos de sierras menors que no yeran incluyidas tradicionalment en esta sierra como la sierra de la Cueva Santa d'Altura.
En las "Chestas d'el Rei Don Chaime d'Aragón" se nombra la sierra de la Calderona como sierra de Murviedro:
Cheolochía[editar | modificar o codigo]
Bi ha una disposición en plego anticlinal con lo rodeno de facies Buntsandstein en lo nuclio seguiu de toda la serie triasica de calsineras de facies Muschelkalk y archilas de facies Keuper en contacto con atros materials.[1]
Referencias[editar | modificar o codigo]
- ↑ José Quereda Sala: Geomorfología, publicau en lo libro La provincia de Castellón de la Plana, tierras y gentes. Caja de Ahorros y Monte de piedad de Castellón, 1985. pp 33, 34.
Bibliografía[editar | modificar o codigo]
- (es) José Quereda Sala: Geomorfología, publicau en lo libro La provincia de Castellón de la Plana, tierras y gentes. Caja de Ahorros y Monte de Piedad de Castellón, 1985.