Río Xiloca

De Biquipedia
Ir a la navegación Ir a la búsqueda
Este articlo ye sobre lo río terolán. Pa atros emplegos se veiga Xiloca (desambigación).
Xiloca
Jiloca
Puent román sobre lo río Xiloca en Calamocha
Puent román sobre lo río Xiloca en Calamocha.
Administración
Estatos {{{estatos}}}
Territorios Teruel (provincia).svg Teruel
Flag of Zaragoza province (with coat of arms).svg Zaragoza
Cheografía
Longaria 123 km
Altaria d'o naixedero  m
Naixedero Cella
Desembocadura río Xalón
Hidrolochía
Superficie d'a cuenca {{{cuenca}}} km²
Cabal meyano 3,4 m.3/sg m³/s


La cuenca de lo río Xiloca en la cuenca d'Ebro.

Lo río Xiloca u Exiloca ye un afluent de lo río Xalón que naixe en lo pozo artesián de Cella y circula enta lo norte pa recullir-se en Calatayú.

Pasa por los termins municipals de Cella, Villar Cremato, Santa Olalia, Torremocha de Xiloca, Torre la Cárcel, Alba, Cingla, Villafranca, Mont-reyal, Torrillo, Camín Reyal, Fuents Claras, Calamocha, Luco de Xiloca, Baguena, Burbaguena, Sant Martín d'el Río, Villanueva de Xiloca, Daroca, Manchons, Murero, Villafelich, Montón, Fuents de Xiloca, Morata de Xiloca, Viliella de Xiloca, Maluenda, Paracuellos de Xiloca y Calatayú.

Los lugars y ciudatz por a on pasa se distribuyen en quatro comarcas oficials actuals:

Part de los territorios de la Comunidat de Teruel que abocan las suyas auguas a Xiloca yeran conoixius en ixas envueltas de los musulmans como Sahla, toponimo que ha esdeveniu Cella y que significa "la plana" en arabe. Sahla perteneixeba a la Taifa d'Albarrazín.

Los lugars de la compleganza de Xiloca que perteneixeban a la Comunidat de Daroca en la Edat Meya formaban la Sexma del río Xiloca.

Los lugars de la compleganza de Xiloca que perteneixeban a la Comunidat de Calatayú en la Edat Meya formaban atra Sexma dita tamién Sexma del río Xiloca.

La suya cuenca coincide en gran part con la depresión de Calatayú-Teruel, que incluye la fuesa de Xiloca, la depresión de Calatayú y Mont-albán y la fuesa de Daroca. Los suyos afluents son lo río Pancrudo y ramblas que levan augua més que més en los meses de plevia y en las tronadas de verano.

Bi ha scenarios actuals de capturas fluvials a costa de la cuenca endorreica de Gallocanta entre Torralba de los Sisons y Fuents Claras.[1] Manimenos, estió la cuenca alta de Xiloca la que perdió superficie en lo Pleistoceno, quan la erosión regresiva de río Guadalaviar se dirichió enta la fuesa de Xiloca plegando dica Exea d'Albarrazín y encaixando-se en la zona d'Abuán y d'Arquillo de San Blas. Este encaixamiento quedó topograficament baixo l'altaria de Cella y encomenzó a desauguar enta Teruel y lo golfo de Valencia las auguas de la Serranía d'Albarrazín, que ya no se dirichen enta Xiloca.[2]

La val de lo río s'estretix y entalla lo substrato rocoso en la zona de Luco de Xiloca por la presencia de rocas paleozoicas duras. Manimenos a partir de Luco de Xiloca comienza la fuesa de Daroca[3] y en la redolada de Daroca s'ixampla de nuevo por la presencia de materials tovos que plenoron esta fuesa en lo Plioceno. La fuesa de Daroca plega dica Murero[3], y ya Villafelich y Manchons lo río se troba con atros materials paleozoicos duros y torna a entallar lo substrato rocoso, tornando a ixamplar-se la val en los materials terciarios de la Cuenca de Calatayú, deixando a la dreita la plataforma calsinosa de Miedes. En este sector los solos afluents son ramblas como la rambla d'Aceret.

Se reculle en lo río Xalón en Calatayú.

Toponimia[editar | editar código]

En Al-Udri se troba escrito como Xaluwqah. En los textos medievals en latín y aragonés s'escribe Xiloca, Exiloca, Xiluequa, ecetra. G.Rohlfs considera que ye un toponimo prerromán relacionau con Daroca, manimenos existe la hipotesi que relaciona Xiloca con la mesma radiz arabe que da nombre a lo viento Exaloc, con direccion pareixida a la situación de lo castiello de Xiloca respecto a los castiellos de Calatayú.

Los toponimos que fan referencia a lo río Xiloca no levan articlo definiu (Fuents de Xiloca, Paracuellos de Xiloca, ecetra), ni en l'aragonés orichinal que se charraba en la baixa Edat Meya ni en lo castellán actual. Los elementos cheograficos referius a este río figuran tamién sin articlo en castellán de lo sieglo XVIII, por eixemplo en Historia de la Economía Política de Aragón de Ignacio Jordán Claudio de Asso y del Río (ribera de Xiloca, vega de Xiloca y huerta de Xiloca[4]).

Referencias[editar | editar código]

  1. (es) F. J. García Prieto, Francisco Gutiérrez Santolalla: Geomorfología karstica de las cuencas de Gallocanta y Jiloca (provincia de Teruel). Publicau en Teruel: Revista del Instituto de Estudios Turolenses, Vol. 87, Nº 1, 1999, pp. 63-68.
  2. (es) Jorge Hermosilla Pla (dir.):Los regadíos históricos del Alto Turia turolense. Generalitat Valenciana, Conselleria de Cultura, Educació i Esport, Universidat de Valencia, 2008. ISBN: 978-84-370-7316-3. p 101.
  3. 3,0 3,1 (es) F.J Gracia Prieto: Tectónica pliocena en la Fosa de Daroca (prov. de Zaragoza). Geogaceta, 11, 1992. pp 127-129.
  4. (es) Ignacio Jordán Claudio de Asso y del Río: Historia de la Economía Política de Aragón Editorial MAXTOR, 2010


Ríos y ramblas de la cuenca hidrografica de Xiloca
Marguin izquierda Los Raboseros | El Frontón | La Foz | La Falcona | Valdecodo | Manflorín
Marguin dreita El Ramblón | Pancrudo | d'Anento


Ríos de la cuenca hidrografica de Xalón
Marguin izquierda Nágima | Algadir | Monegriello | Manubles | Ribota | Aranda
Marguin dreita Piedra | Xiloca | Miedes | Griu