Sierra de la Garrocha

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Sierra de la Garrocha
Cheografía
Cordelera Sistema Iberico
Sector {{{sector}}}
{{{tpran}}} {{{ran}}}
Maxima altaria 1.239 m (El Raspador)
Cimas importants
Largaria
Amplaria
Superficie
Vértiz cheodesico
Subsistemas {{{subsistemas}}}
Administración
Estau
País Aragón
Comarca Mayestrato
Andorra-Sierra d'Arcos
Cheolochía
Edat Churasico, Cretacio, Paleoceno, Oligoceno, Mioceno
Materials Rocas sedimentarias
Tipo {{{tipo}}}
Mapa

La sierra de la Garrocha ye una aliniación montanyosa de lo Sistema Iberico que fa parte de la branca levantina y de la unidat morfoestructural de las serranías de Sant Chust-Castellot.[1] Se troba en la part nordoriental de la provincia de Teruel.

Lo río Guadalop desparte la sierra de la Garrocha a lo norte y la sierra Carrascosa a lo sud. La sierra de la Garrocha encomienza por l'ueste en los termins municipals de Villarluengo y Exulve y acaba por l'este en lo termin municipal de Castellot cerca de Dos Torres de Mercader y Santoleya.

Altarias[editar | modificar o codigo]

L'altaria principal ye El Raspador con 1.239 m, seguida d'atras como la penya de los Organos (1.183m ), El Cuchillo (1.115 m), Los Morrones (1.086 y 1.096 m), y Sant Juan (1.049 m).

Toponimia[editar | modificar o codigo]

L'oronimo sierra de la Garrocha presenta un segundo formant que Manuel Alvar documentó en la parla de Las Cuevas de Canyart con significau de "montanya penyascosa",[2] paralelo a lo significau que tiene en catalán garrotxa de "terreno aspro por a on se camina malament", pero que no s'ha documentau en garra vocabulario de la redolada y que podría estar simplament una descripción de la mesma sierra. Las etimolochías proposadas pa garrocha u garrotxa son basadas en una radiz hipotetica *karri que tendría un reflexo en lo basco harri ("piedra"), en lo formant toponimico catalán y languedocián quer, en los toponimos Mont Caro y Caroch. Joan Coromines i Vigneaux considera que la terminación -ocha u -otxa ye un sufixo fosilizau que se troba tamién en la palabra clocha, que derivaría de clot.

En mapas y descripcions cheograficas que zaguers de lo sieglo XX y primers de lo sieglo XXI ye posible trobar-la como sierra de la Garrucha.

Hidrografía[editar | modificar o codigo]

La versant norte desaugua enta barrancos de la compleganza de lo río Guadalop, la versant sud u sudeste lo fa enta lo mesmo río Guadalop. En lo sector de Villaseco bi ha un polje.

Cheolochía[editar | modificar o codigo]

La superficie d'erosión fundamental ye a bels 1.200 m d'altaria en la loma d'el Raspador, que quedó despartida de las parz d'esta superficie de lo cabalto de sierra Carrascosa por formar lo río Guadalop una foz de mas de 500 m de fondaria respecto a l'altaria orichinal.[3]

Referencias[editar | modificar o codigo]

  1. (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. pp. 91-95.
  2. (es) Manuel Alvar: Materiales para una Dialectología Bajo-aragonesa: I: A propósito de la Noticia delhabla de Aguaviva de Aragón, II: El habla de Cuevas de Cañart. Archivo de Filología Aragonesa, 1959, nº 3, pp. 181-224.
  3. (es) José Luís Simón, Luis Mampel y Diego Mallén: Lugares de interés geológico y paleontológico del Maestrazgo. Centro de Estudios del Maestrazgo Turolense. 2011. p 82.

Bibliografía[editar | modificar o codigo]

Se veiga tamién[editar | modificar o codigo]


Sierras d'os sectors este y nord-este d'o Sistema Iberico
Alcora - Alcublas - Almanariella - Arca - Arcos - Batalla - Benifazán - Bertolines - Blanca - Bordón - Brusca - Caballos - Cabezo - Cabezos - Caldera - Calderona - Camarena - Cantera d'el Pinar - Cantera d'el Saso - Canyada - Carrascosa - Cavaller - Chabalambre - Chaparral - Chinebrosa - Celler - Corbalán - Corral Nou - Cortes - Costera - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Exulve - Férriz - Galceran - Galga - Garrocha - Gorda - Gúdar (Molatiellas · Mont Negro) - Lastra - Marondes - Matanza - Matanzas - Mayabona - Molinera - Montanyas de Cervera - Montordí - Ovellera - Monts de Pinar Ciego - Monegrell - Mora - Moros - Muelas de Chert - Nogueruelas - Palomita - Paúls - Pedreras - Pedrizas - Penyagolosa - Penyas Blancas - Perenchisa - Pina - Pinarhueco - Puertos de Moriella - Puertos de Tortosa-Bezeit (Albardes - Aragonesos - Caro - En Canader · Refalgarí - Sant Cristòfol) - Irta - Rayo - Rocha de las Defesas - Rodanas - Sant Chust - Sant Pere - Santa Barbara - Santa Barbara - Savinassos - Sinyor - Segures - Solana - Sollavientos (Monts de Tarrascón) - Talaya - Talayas d'Alcalá - Tajos - Toro - Tortallada - Turmell - Umbrías - Vall d'Àngel - Vallivana - Vellida - Villarroya - Zancado