Branca aragonesa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Branca aragonesa son una serie de sierras d'o Sistema Iberico Central a lo norte u a lo este d'a Depresión de Calatayú-Teruel y fuesas tectonicas relacionatas.

Perteneixen a esta branca a Sierra de Moncayo, a Sierra de la Virchen, a Sierra de Cucalón, Sierra de Sant Chust, a Sierra de Bicort, a Sierra de Gúdar, atras sierras d'o Macizo d'o Mayestrato y Penyagolosa. A Sierra de Chabalambre s'inclui en a branca aragonesa seguntes Solé Sabarís.

En o sector "Arco de Beceit-Portalrubio" bi ha cabalgamientos y plegos con direccions intermedias entre as d'o Sistema Iberico y as d'as Catalanides.

En o sector oriental y dende o Mayestrato totas as aliniacions estructurals d'a cordelera quedan tallatas por un sistema de fallas escalonatas de dirección cuasi norte-sud paralelas a la costa que funden a cordelera baixo a mar. Os vulcans d'Els Columbrets y Cofrentes son asociatos a estas fallas.

O Paleozoico aflora en una extensión gran, a potencia d'o Mesozoico ye menor. Esto podría significar que yera una zona sedimentaria mas alta u un umbral sedimentario.

Existe un Permo-Trías discordant sobre o Paleozoico plegato en a orochenia hercinica, con facies chermanica. Ye menos potent que en a branca castellana y incompleto. O Bundsandstein (rodeno) manca sobre bels releus paleozoicos, en os que ye dencima o Muschelkalk dreitament. O Keuper tiene poco espesor, ye mas detritico y nomás tiene bella impotancia y desembolique d'Evaporitas en o sudest, en a Cuenca d'o Mayestrato, a sola zona on tamién apareixen as dos barras dolomiticas d'o Mushcelkalk.

Bibligrafía

• (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
• (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.

• Datos: Q13048547