Sierra de Mont Albán

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Sierra de Mont Albán
Envista de Mont Albán y la suya sierra.
Cheografía
Cordelera {{{cordelera}}}
Sector {{{sector}}}
{{{tpran}}} {{{ran}}}
Maxima altaria 1.271 m
Cimas importants Las Coronas
Largaria
Amplaria
Superficie
Vértiz cheodesico
Subsistemas
Administración
Estau
País Aragón
Comarca Cuencas Meneras.
Cheolochía
Edat Devonián, Carbonifero, Triasico, Churasico.
Materials Rocas sedimentarias.
Tipo Orochenesi
Mapa

La sierra de Mont Albán ye una aliniación montanyosa de la branca aragonesa de lo Sistema Iberico[1] entre la muela d'Anadón y lo puerto de las Traviesas, a lo norte de la depresión de Calatayú y Mont Albán.

Altarias[editar | modificar o codigo]

Las principals altarias se troban en lo sector ueste, minguando enta l'este: Las Coronas (1.271 m), cabezos Altos (1.261 m), cabezo de la Muela (1.232 m), El Pueyo (1.251 m), Aliaga (1.229 m), penya d'el Cit (1.161 m), Santa Barbara (1.105 m), Mengalices (1.083 m) y la penya d'el Cuervo (1.023 m).

Toponimia[editar | modificar o codigo]

En las versions latina y romanz de lo "Fuero de Teruel" se fa mención de mes toponimos y microtoponimos d'esta sierra que en atras mugas terolanas con la fin de precisar la muga de lo concello de Teruel con lo territorio enantes atorgau a Daroca, de que s'esgallaba. Los puntos nombraus gosan quedar fuera de lo territorio terolano con la preposición latina excluyent usque ad ("dica").[2]

Se fa una mención d'un sector d'esta sierra como sierra de Alcofoll en la versión latina de lo "Fuero de Teruel".

...et Fontem Ferratam ad collen in antea, sicut vertunt aque, ad collatum et infra Torreziella ad Fontem Ferratam et deinde infra Securam et Villam Novam per medium montem et exiit ad Moralem que es tota nostra, et deinde ad vallem quod dicitur de Cogorro per serram superius usque ad canatam de Armillis et ad sierram de Alcofoll et ad cabescum de Pozuelo et deinde per vallem al villarem de Junqueras et per serram de Cortes usque ad Ovonciello et per serram ad Pignam Corvi et per covas Sancti Dominici, que sunt nostre, sicul exiit ad Fontem Salicis et ad Villarem Rubeum et ad podium Petri Eximeni et ad Pignam de Cit, usque ad serram de Utrillis,...

En lo "fuero romanz de Teruel" se nombra como sierra de Alcofol:

et Fuent Ferrada por el Collado adelant assín como ujerten las aguas al Collado, entroa Torreciella et a Fuent Ferrada, et de allí adelant entroa Segura et a Ujlla Nueua por medio el mont, et ixe al Moral, la qual es toda nuestra, et de allí adelant al ual que es dicho del Cogorro, por la sierra asuso entroa la Cannada de Armiellas, et ixe a la Sierra de Alcofol et al Cabeço del Pozuelo, et de allí adelant por el ual entroa'l Ujllar de lunqueras et por la Sierra de cortes entroa Ouonciello et por la sierra que ixe a la Penna del Cueruo, et por las Cueuas de Sancto Domjngo, que son nuestras, et assin como ixe a la Fuent del Salze et al Ujllar Ruujo et al Poyo de Peydro Ximeno et a la Penna del Cit entroa la Sierra de Utriellas,...

La palabra alcofoll u alcofol tiene lo mesmo orichen etimolochico en l'arabe al-kohl que la denominación de l'alcohol. Manimenos, se refiere a un cosmetico mineral que ya s'emplegaba en lo Echipto antigo y que encara yera un producto que se comerciaba en lo sieglo XV en Aragón.[3] Miguel Gual Camarena interpreta que este toponimo indica que s'espleitaba este producto mineral igual como en las menas tarragoninas de Bellmunt del Priorat.[4]

Ignacio Jordán Claudio de Asso y del Río se refiere a esta sierra en lo suyo libro Historia de la Economía Política de Aragón (1798) como como una continación de la sierra de Segura,[5] denominación que tamién emplegó bel autor de lo sieglo XIX.

...y por la sierra de Segura, que sigue hasta los cerros de Montalvan, y aldeas proximas, donde se vén las excavaciones antiguas, y modernas, que se han hecho para sacar el azabache, y carbón de piedra...
Este rio, que nace en la sierra de Segura, dirige su curso ácia el norte, y desagua en Ebro cerca de Escatron, después de haber regado quantiosas haciendas de algunos lugares mui granados...

Hidrolochía[editar | modificar o codigo]

La sierra de Mont Albán desaugua enta lo río Martín tanto en la versant sud como en la versant norte. Este río reculle las auguas de la versant sud mientres recorre la depresión de Mont Albán en sentiu ueste-este, traviesa dimpués la sierra formando cluses con foces dende Mont Albán dica Obón, y va recibindo las auguas d'afluyents que baixan dende la versant norte dica Oliet, a on que se reculle lo río Seco.

Cheolochía[editar | modificar o codigo]

En la sierra de Mont Albán bi ha un anticlinorio (l'"anticlinal de Mont Albán") a on aflora un nuclio de materials paleozoicos d'edat principalment devoniana y carbonifera que constituye lo macizo de Mont Albán adintro d'un macizo mes gran conoixiu como macizo de Calatayú y Mont Albán,[6] que pierde la suya continuidat en la muela d'Anadón a causa d'una falla transversal.[1] Enta l'Este lo zaguer afloramiento d'este macizo paleozoico se troba en La Zoma y ye d'edat cambriana u ordoviciana.

En los costaus d'este plego bi ha materials triasicos de rodeno (Buntsandstein), calsineras (Muschelkalk) y chesos (Keuper). Los chesos de lo Keuper fan de livel de despegue pa los plegos menors que se fan en materials churasicos.[1]

La superficie d'erosión fundamental se formó en lo Mioceno superior en materials carboniferos d'esta sierra a unas altarias entre los 1.050 y 1.100 m, con releus residuals en bel meyo como El Pueyo y Aliaga.[1]

Los materials triasicos baixo lo Keuper presentan releus estructurals como cuestas y rallas.[1] Los materials churasicos de lo cabezo de Santa Barbara se presentan verticals u mesmo invertius.[7]

Bi ha chacimientos minerals de galena y atros minerals. En Segura de los Banyos destaca un chacimiento de galena con baritina, siderita, oxidos de fierro y esfalerita que plegó a espleitar-se economicament en la mena Antillón a mitar de lo sieglo XIX. En Maicas se troba galena en la mena Natalia. En Armiellas la galena se troba en lo cabezo d'Otal y en la val d'Alcor en forma de filonez ixemenaus adintro de filons de cuarzo masivo, lo microtoponimo val d'Alcor podría indicar precisament alcofol u cosmetico mineral y no alcor u cabezo. En La Foz de la Viella s'ha citau en la carrera de Segura. En La Zoma bi ha galena en la loma de las Artigas y en Las Vinyuelas.[8]

Daniel de Cortázar comentaba en 1885 que bi ha rimallos de restas d'escorias de plomo en bel lugar de la redolada (Gargallo, Exulve, Canyizar de l'Olivar, Palomar, La Zoma y La Canyadiella), y tamién fornos abandonaus no guaire luent de los chacimientos y que debioron d'estar en bel meyo de los pinars en part desapareixius, lo que indicaría que lo espleitamiento de la galena debió d'estar relativamentament antigo.[9]

Referencias[editar | modificar o codigo]

  1. 1,0 1,1 1,2 1,3 1,4 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 96-100.
  2. (es) Antonio Gargallo Moya: El Concejo de Teruel en la Edad Media volumen I. Instituto de Estudios Turolenses, 1997, pp 90-91 y 219-220 isbn=84-86982-64-2. pp. 219-221.
  3. (es) LÍBANO, Ángeles y SESMA, J. Ángel, Léxico comercial en Aragón (Siglo XV). Institución Fernando el Católico, 1982.
  4. (es) Miguel Gual Camarena: Vocabulario del comercio medieval. Colección de aranceles aduaneros de la Corona de Aragón (siglo XIII y XIV), Tarragona (1968).
  5. (es) Ignacio Jordán Claudio de Asso y del Río: Historia de la Economía Política de Aragón Editorial MAXTOR, 2010.
  6. (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 523-524.
  7. (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9. pp 166-167.
  8. (es) Josefina Besteiro, Miguel Calvo, Andrés Pocoví, Emilia Sevillano, Minerales de Aragón. Mira Editores S.A, 1988, pp 28-29.
  9. (es) Daniel de Cortázar: Bosquejo físico-geológico y minero de la provincia de Teruel. Comisión del mapa geológico de España. Editor:M. Tello, 1885, p 255.

Bibliografía[editar | modificar o codigo]


Sierras de lo Sistema Iberico
Norte y Ueste Abanto | Achena - Alba - Alcarama - Aleza - Almuerzo - Armantes - Ateca - Bigornia - Bordecorex - Cabezas - Caldereros - Cameros - Cascarrera - Cetina - Corija - Cortado - Cortado Alto - Costanazo - Demanda - Deza - Frontón - Guisema - Hayedo de Santiago - Hontalbilla - Mesa de Cebollera - Ministra - Miñana - Miravalles - Moncalvillo - Moncayo - Montesclaros - Nava Alta - Neila - Parameras de Molina - Pardos - Pégado - Pelada - Peñalmonte - Peñalosa - Perdices - Pica - Picos d'Urbión - San Miguel - Selas - Solorio - Tablado - Tajahuerce - Toranzo - Valdecolleros - Yerga
Centro y Sud

Aguila - Albarrazín (Carbonera · Nevero · Penya Redonda · Tremedal) - Algairén - Aliaguilla - Altomira - Andilla - Atea - Bascuñana - Bicort - Bicuerca - Cabrillas - Camamila - Camanyas - Campalbo - Caroch - Castellanos - Ceja - Cocha - Cucalón (Anadón · Badenas · Orich · Pelarda · Pedregosa · Segura) - Cuenca - Cuerdas - Escornadero - Espigar - Exarc - Ferrera - Juan Navarro - Lidón - Negret - Noria - Majadas - Malacara - Martés - Menera - Mira - Modorra - Molina - Moluengo - Monegret - Mont Albán - Monts de Picaza - Monts Universals (Algarbe · Chabalón · Muela de Sant Chuan) - Morés - Pajaranca - Palancares - Palomera - Peco - Penya Alta - Penyas d'el Diablo - Picarcho - Rocavanos - Santa Cruz - Santerón - Serretiella - Serrezuela - Tragacet - Tremedal - Umbría Negra - Utiel - Valdecabras - Val de Meca - Val de Minguet - Valdellosa - Valdonya - Virchen - Zafriella

Este y Nord-este Alcora - Alcublas - Almanariella - Arca - Arcos - Batalla - Benifazán - Bertolines - Blanca - Bordón - Brusca - Caballos - Cabezo - Cabezos - Caldera - Calderona - Camarena - Cantera d'el Pinar - Cantera d'el Saso - Canyada - Carrascosa - Cavaller - Chabalambre - Chaparral - Chinebrosa - Celler - Corbalán - Corral Nou - Cortes - Costera - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Exulve - Férriz - Galceran - Galga - Garrocha - Gorda - Gúdar (Molatiellas · Mont Negro) - Lastra - Marondes - Matanza - Matanzas - Mayabona - Molinera - Montanyas de Cervera - Montordí - Ovellera - Monts de Pinar Ciego - Monegrell - Mora - Moros - Muelas de Chert - Nogueruelas - Palomita - Paúls - Pedreras - Pedrizas - Penyagolosa - Penyas Blancas - Perenchisa - Pina - Pinarhueco - Puertos de Moriella - Puertos de Tortosa-Bezeit (Albardes - Aragonesos - Caro - En Canader · Refalgarí - Sant Cristòfol) - Irta - Rayo - Rocha de las Defesas - Rodanas - Sant Chust - Sant Pere - Santa Barbara - Santa Barbara - Savinassos - Sinyor - Segures - Solana - Sollavientos (Monts de Tarrascón) - Talaya - Talayas d'Alcalá - Tajos - Toro - Tortallada - Turmell - Umbrías - Vall d'Àngel - Vallivana - Vellida - Villarroya - Zancado