Foz fluvio-karstica

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A Foz de Biniés, esgarrapada por o río Veral.

Una foz fluvio-karstica ye una foz que un río ha esgarrapau en o fondón d'un cauz por erosión mecanica y disolución conchuntament, travesando una zona a on predominan as rocas calsineras.

A erosión mecanica ye tipica d'a erosión fluvial y d'a disolución d'o carbonato calcico ye propia d'os procesos karsticos.

En a cuenca hidrografica d'Ebro bi n'ha muitos eixemplos, destacando en o Prepireneu a foz de Lumbier, a foz d'Arbayún, a foz de Biniés, a foz de Fago, o canyón d'Anyisclo, o congosto d'as Cambras, o congosto de Ventamillo y o congostro de Croqueta, y en o Sistema Iberico L'Estret de Beceit y o estreito de Valloré,[1] entre Aliaga y Montoro.

As foces de Biniés y Fago son incluyidas en o Paisache Protechiu d'as Foces de Fago y Biniés; o Canyón d'Anyisclo ye incluyiu en o Parque Nacional d'Ordesa y d'as Tres Serols.

Referencias[editar | modificar o codigo]

  1. (es) Jose Luís Peña Monne et al: Geomorfología de la Provincia de Teruel. Instituto de Estudios Turolenses, 1984.

Bibliografía[editar | modificar o codigo]

Se veiga tamién[editar | modificar o codigo]