País

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A palabra país puet referir-se a una nación u a una rechión. Ye o prencipal sinonimo d'estato nacional: una aria cheografica y una entidat politicament independient con o suyo propio gubierno, administración, leis, a mayor parti d'as vegadas una constitución, policía, exercito, leis trebutarias y un grupo humano.

Sindembargo, a noción prencipal d'a palabra "país" en aragonés (mesmo que en francés y en atras luengas romances) fa referencia a una entidat no necesariamente nacional, sino que forma un conchunto con una cierta homocheneidat. Ye en ixe sentiu que s'emplega en aragonés ta referir-se a las redoladas historicas d'Aragón, como a Chacetania, o Sobrarbe u as Cinco Villas. L' Himno de Sobrarbe, una canción d'a Ronda de Boltaña dita El País Perdido, en fa emplego ta referir-se a ixa comarca, mesmo en castellano. En Francia tamién gosa emplegar-se en referencia a antigas provincias historicas de Francia, y mesmo a redoladas d'ixas rechions que comparten bellas caracteristicas, tradicions y historia (asinas, una d'as denominacions d'orichen ta o calvados ye pays d'Auge). En catalán ixe mesmo sentito amanix en a expresión Países Catalans.

Se veiga tamién

• A lista d'os estatos d'o mundo.