Sierra de la Lastra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sierra de la Lastra | |
|---|---|
| Cheografía | |
| Cordelera | Sistema Iberico |
| Sector | {{{sector}}} |
| {{{tpran}}} | {{{ran}}} |
| Maxima altaria | 1.657 |
| Cimas importants | La Matea |
| Largaria | |
| Amplaria | |
| Superficie | |
| Vértiz cheodesico | |
| Subsistemas | {{{subsistemas}}} |
| Administración | |
| Estau | |
| País |  Aragón
|
| Comarca | Cuencas Meneras Mayestrato |
| Cheolochía | |
| Edat | Cretacio |
| Materials | Calsineras |
| Tipo | {{{tipo}}} |
  | |
La sierra de la Lastra ye una aliniación montanyosa de lo Sistema Iberico con dirección N-S que fa parte de la branca levantina[1] y de la unidat morfoestructural dita "Serranías de Gúdar"[2]. Se troba en la part oriental de la provincia de Teruel.
La superficie de la sierra de la Lastra perteneixe a los termins municipals d'Aliaga, Pitarc, Fortanet, Villarroya de los Pinars y Miravet de la Sierra.
Altarias
[editar | modificar o codigo]La principal altaria ye lo cabezo de la Matea con 1.657 m, a lo norte de la sierra de Villarroya, despartida de la Lastra por una foz. Atras cimas como La Torre (1.462 m) no destacan pon en bel meyo de lo cantimplano situau a altarias entre 1.400 y 1450 m.
Toponimia
[editar | modificar o codigo]L'oronimo sierra de la Lastra ye transparent en aragonés. La palabra lastra se documenta en lo norte de la Peninsula Iberica con diferents significaus que siempre chiran arredol de "terreno yermo pedregoso u rocoso". La etimolochía de lastra no ye clara y s'ha proposau un orichen prerromán. Manimenos, d'acuerdo con Joan Coromines i Vigneaux ye un derivau regresivo de LASTRICARE ("pavimentar").[3]
Hidrografía
[editar | modificar o codigo]La versant ueste desaugua enta lo río Guadalop, la versant este lo fa enta lo río Pitarc, que tiene una important surchencia karstica en lo congosto que bi ha entre las sierras de la Canyada y de la Lastra (Naixedero de lo río Pitarc).
Cheología
[editar | modificar o codigo]La sierra de la Lastra ye un releu de lo norte de lo sinclinal de Fortanet y destaca la presencia de cinglos de calsineras cenomanianas.[2]
Estas calsineras cenomanianas presentan en una francha de 3–4 km a lo sud de lo río Guadalop una serie de plegos de dirección E-O vistables en la formación Mosqueruela y independients de los plegos de las calsineras aptianas de facies Urgon situadas estratigraficament baixo las formacions Escuita y Utriellas. Estas dos formacions de materials terrichenos (arenas y archilas), desparten los dos livels de calsineras y presentan comportamientos mecanicos diferents por estar menos tiercas, lo que explica que las deformacions de lo livel superior de calsineras cenomanianas no se correspondan con las de lo livel inferior de calcineras aptianas. A lo sud d'esta zona las calsineras cenomanianas van perdendo capuzamiento y van desapareixendo los plegos E-O, destacando un amplo sinclinal de dirección N-S (sinclinal de la Lastra), que tiene continación a lo norte de lo río Guadalop, (fuera de la sierra en la Muela d'el Galabardal), y tiene continuidat con l'anticlinal de Miravet.[4]
Referencias
[editar | modificar o codigo]- ↑ (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 142.
- ↑ 2,0 2,1 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
- ↑ (es) Juan Antonio Frago Gracia: Toponimia navarroaragonesa del Ebro (V) yermos y pastizales. Archivo de filología aragonesa nº XXXVIII. 1986. pp. 105-107.
- ↑ (es) José Luis Simón: Guía del Parque Geológico de Aliaga. Ayuntamiento de Aliaga, Departamento de Geología de la Universidad de Zaragoza, CEDEMATE, 1998. p 80, p 83.
Bibliografía
[editar | modificar o codigo]- (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
- (es) José Luis Simón: Guía del Parque Geológico de Aliaga. Ayuntamiento de Aliaga, Departamento de Geología de la Universidad de Zaragoza, CEDEMATE, 1998.
| Control d'autoridaz |
|
|---|
Datos: Q65396154