Quercus faginea

*Quercus faginea*
Caixicos.
Denominacions populars
caixico / caixigo, queixigo
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
Orden:	Fagales
Familia:	Fagaceae
Chenero:	Quercus
Especie:	Q. faginea
Descripción
*Quercus faginea* Lam.,
Distribución cheografica
Mapa de distribución d'o caixico.

O caixico^[1]^{[nota 1]} u queixigo^[1] (nombre cientifico Quercus faginea) ye una especie de robre marcescent y la especie de glanero que se troba mes a sobén en a Peninsula Iberica y Aragón.

Distribución

Abunda en o Sistema Iberico, en especial en suelos calsinosos, on forma caixicars. Ye present en o Prepireneu, pero hibrida con atros caixicos como Q.humilis orichinando o Q.cerrioides. Tamién ye present en os semontanos pirenenco y iberico, on localment puet formar caixicars, pero a sobén se troba como eixemplars minoritarios en os carrascals u en formacions mixtas de carrascas y caixicos. En os Monegros bi ha eixemplars relictos en l'aria de Farlet-Monegriello y un caixicar relicto en Robres.

Fitonimia

En l'Alto Aragón presenta o mesmo fitonimo que cualsiquier especie caducifolia d'o chenero Quercus: caixico y as diferents variants: caixigo, caxico, etcetera, belunas con cheada, cachigo, cachico, y dica castellanizatas con j: cajico, que ye a forma que se fa servir como repui d'Aragonés en a localidat monegrina de Robres.

A forma robre, derivata d'o latín robur se feba servir en l'aragonés d'o Baixo Aragón y d'o Mayestrato en continación territorial con o catalán roure, y en romanz navarro, como podemos leyer en o Fuero Cheneral de Navarra:

Et si el arbol fuere robre ho otro arbol q(ue) ningu(n)a fruyta no(n) trayga puede el seynnor del arbol ramas & todo el cuerpo del arbol puede defender entegrame(n)t

En l'aragonés d'as comunidaz aragonesas se deciba caxigo u rebollo seguntes zonas, y d'astí toponimos como Caxigal u Rebollar que ya se troban en os textos medievals d'o sieglo XV. En l'aragonés d'as Comarcas Churras tamién se deciba rebollo, parola que encara se conserva en o castellano que lo ha substituyiu.