Sierra de Badenas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sierra de Badenas
Cheografía
Cordelera	Sistema Iberico
Sector	Branca aragonesa
'
Maxima altaria	1.332 m
Cimas importants	Modorra de Badenas
Largaria
Amplaria
Superficie
Vértiz cheodesico
Subsistemas
Administración
Estau
País	Aragón
Comarca	Xiloca
Cheolochía
Edat	Paleozoico, Triasico
Materials	ortoquarcitas, losetas, grauwacas, calsineras.
Tipo	orochenesi
Mapa

La sierra de Badenas ye un conchunto de cabezos de materials paleozoicos y triasicos que bi ha en la serranía de Cucalón a lo nord-este de lo sulco erosivo de Collado de Per Esteban y Perafita, a on que naixen los ríos Camaras y Nogueta. Los materials paleozoicos d'esta sierra perteneixen a lo macizo de Calatayú y Mont Albán, de la branca aragonesa de lo Sistema Iberico.

Altarias

L'altaria principal ye la Modorra de Badenas (1.332 m), seguida de la Modorra de Mezquita con 1.290 m, penya Tajada con 1.382 m, cabezo Royo con 1.374 m, El Cerro con 1.357 m, Corneruelo con 1.336 m, cabezo d'el Cuervo con 1.328 m, penya d'el Cuervo con 1.300 m, la Colorcha con 1.274 m, El Castellar con 1.238 m y El Castillo con 1.200 m.

Toponimia

L'oronimo sierra de Badenas ha caito en desuso substituito en Loscos como La Sierra u Los Cabezos, considerando-se estos releus como part de la sierra d'Orich adintro de la sierra de Cucalón. Bi ha mencions antigas a la sierra de Badenas en textos relacionaus con la guerra de los Peros: en 1359 lo rei Pero lo Cerimonioso ordenó a los pastors de la Comunidat de Daroca que levasen lo ganau a la sierra de Badenas. João Batista Labanha fa mención de la sierra de Badenas en lo suyo libro "Itinerario del Reyno de Aragón (1610-1611)" escrito en portugués:

O maes alto da Serra de Badenas, do or. a m 27. gr.

A Serra de Badena, do or. a m 35.

Cheolochía

Los materials paleozoicos d'este sector de lo macizo de Calatayú y Mont Albán perteneixen en la suya mes gran part a la "unidat de Ferrera", con una representación menor de materials probablement asignables a la "unidat de Mesons". Bi ha materials d'edat cambriana (losetas y ortoquarcitas), y un conchunto formau por calsineras, ortoquarcitas, losetas y grauwacas que van dende l'Ordovicián a lo Devonián. Tamién bi ha una representación chica de rocas volcanicas formadas en la Orochenia Herzinica.

Por dencima de los materials paleozoicos bi ha un Triasico discordant de calsineras de facies Muschelkalk y salagons con cheso de facies Keuper, seguius de representacions chicas de Churasico.

Bi ha un nuclio Triasico d'un anticlinal destripau que desparte esta sierra de la sierra de Cucalón situada a l'ueste.

Bibliografía

• (es) Eduardo Viñuales Cobos: Red Natural de Aragón. Jiloca nº 18, 2007.
• (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983.
• (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.

• Datos: Q63103025