Sierra d'el Tremedal
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sierra d'el Tremedal Sierra del Tremedal | |
|---|---|
 | |
| Cheografía | |
| Cordelera | Sistema Iberico |
| Sector | |
| ' | |
| Maxima altaria | Caimodorro, 1.920 m |
| Cimas importants | Sierra Alta, San Cristóbal |
| Largaria | |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | Espanya |
| País |  Aragón Castiella
|
| Comarca | Sierra d'Albarracín Sinyoría de Molina-Alto Tajo |
| Cheolochía | |
| Edat | Paleozoico (Ordovicico y Siluriano). |
| Materials | Rocas sedimentarias con grau de metamorfismo. |
| Tipo | |
  | |
La sierra d'el Tremedal ye una aliniación montanyosa de dirección NNW-SSE adintro de la serranía d'Albarracín y de la branca castellana[1] de lo Sistema Iberico. Destaca por los afloramientos de rocas paleozoicas plegadas en la orochenia herzinica[1][2] y erosionadas formando un releu apalachián[3].
Se situa a lo sud con las Parameras de Pozondón, que la desparte de la sierra de Sant Chinés y a l'ueste y norte de la sierra d'Albarracín sensu stricto, que la desparte de la sierra Carbonera u macizo de Sierra Carbonera.
Toponimia[editar | modificar o codigo]
L'oronimo sierra d'el Tremedal se relaciona con la Ermita d'el Tremedal, y devez ye relacionau con las paúls acidas que bi ha. En aragonés medieval ye documentada la parola tremedal, manimenos actualment en lo castellano comarcal la denominación popular gotiales[4][5].
En un texto de l'Archivo municipal d'Exea d'Albarracín de 1486 referiu a un habitant de Bronchales y escrito en aragonés local bi ha una referencia a la part de la sierra a on que ye la ermita como Alto de Oriuela:
En cheolochía recibe la denominación de Macizo d'el Tremedal. Esta sierra ye considerada en cualques descripcions cheograficas como part de la Sierra d'Albarracín. En tot caso tanto la Sierra d'Albarracín y la Sierra d'el Tremedal fan part de la Serranía d'Albarracín chunto con atras sierras de la redolada.
Principals altarias[editar | modificar o codigo]
Las principals altarias son Caimodorro con 1.920 m, San Cristóbal con 1.862 m y Sierra Alta con 1.855 m. Se puet travesar la sierra d'el Tremedal por lo Puerto d'Oriuela, situau a 1650 m d'altaria sobre lo livel d'a mar a l'este de Caimodorro, a l'ueste de Cuesta Pelada (1.887 m) y Puntal de Centella (1.851 m), y a lo norte de la fuent Majada las Vacas, a on que naixe l'arroyo de la Garganta u barranco de la Garganta.
Hidrolochía[editar | modificar o codigo]
La versant norte desaugua enta lo río Gallo, afluent de lo Tacho, la versant sudueste lo fa enta lo barranco d'El Puerto u río de la Hoz Seca, (tamién afluent de lo Tacho), y la versant sudeste enta lo río Garganta, afluent de lo río Guadalaviar.
Superficie por municipios y comarcas[editar | modificar o codigo]
Buena part de la Sierra d'el Tremedal perteneixe a los municipios de Noguera d'Albarracín, Bronchales y Oriuela en la provincia de Teruel, y a Orea en la provincia de Guadalachara, despartius toz por "mangas" de lo termin municipal d'Albarracín.
Cheolochía[editar | modificar o codigo]
Los principals materials cheolochicos representaus en lo macizo paleozoico d'el Tremedal son las cuarcitas armoricanas, las losetas y grauwacas de lo Llandeilo y las cuarcitas de lo Valentiniense inferior[7].
Bi ha una representación chica de porfidos tardiherzinicos.
Cheomorfolochía[editar | modificar o codigo]
En las zonas alomadas de lo cabalto d'esta sierra quedan restos de la plana d'erosión intramiocena[8] de lo Sistema Iberico.
En la glaciación de Würm la Sierra d'El Tremedal yera tot adintro de lo sistema morfoclimatico periglacial, con formación de tarteras, ríos de piedras y grèzes litees.
Referencias[editar | modificar o codigo]
- ↑ 1,0 1,1 (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 144, p 169.
- ↑ (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983.
- ↑ (es) Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. pp 49-51.
- ↑ (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007. p 61
- ↑ (es) José Manuel Vilar Pacheco: Lexico y cultura popular de la Sierra de Albarracín. Centro de Estudios de la Comunidad de Albarracín, 2008.
- ↑ (es) Juan Manuel Berges Sánchez, Raúl Ibáñez Hervás: El culto a la virgen del Tremedal. CECAL. 2012, p 244.
- ↑ (es) Mateo Gutiérrez Elorza, José Luis Peña Monné: Las formas del relieve de la provincia de Teruel. "Cartillas Turolenses Nº 7º". Instituto de Estudios Turolenses, 1990. p 29.
- ↑ (es) Mateo Gutiérrez Elorza, José Luis Peña Monné: Las formas del relieve de la provincia de Teruel. "Cartillas Turolenses Nº 7º". Instituto de Estudios Turolenses, 1990. p 25.
Bibliografía[editar | modificar o codigo]
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
- (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007.
- (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983.
- (es) Liñán, Eladio, Villas, Enrique, Gozalo, R: El Paleozoico de Teruel, articlo publicau en Introducción a la geología de la provincia de Teruel, Instituto de Estudios Turolenses, 1991.
| Sierra d'el Tremedal | |
|---|---|
| Altos, cerros, muelas, picos y sarraus: San Cristóbal | Caimodorro | Sierra Alta Collaus, pasos y puertos: Collau de la Mata | Puerto d'Oriuela |