Falla (cheolochía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Falla en Bédarieux, Francia.

Frontón de falla de Red Canyon formau en 1959 en Montana dimpués d'un movimiento de falla en un tierratremo.

Una falla ye en cheolochía una superficie de trencadura tectonica plana en a que os bloques rocosos contigos s'han eslizau paralelament a la superficie que los desparte.

Bi ha diferents tipos de fallas: fallas normals, fallas inversas, fallas transcurrents, fallas listricas, etcetera. As fallas pueden asociar-sen en fuesas tectonicas y en horsts tectonicos.

Lo movimiento de bloques d'una falla puet producir tierratremols y representar un risgo sismico. Dimpués d'un movimiento de falla puede formar-se en superficie un frontón de falla.

Frontón de falla

Rayetas y espiello de falla vistables por la erosion d'un frontón de falla en lo disierto de Gobi.

Ta mas detalles, veyer l'articlo Frontón de fallaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Un frontón de falla ye un escalón topografico produciu por lo movimiento relativo entre los dos bloques de falla. L'altaria de lo frontón ye igual a la component vertical de lo salto de falla.

En un frontón de falla la topografía cambia de sopetón con formas rectilinias y planas en perspectiva frontal. La erosión tiende a fer desapareixer luego las diferiencias topograficas entre lo bloque levantau y lo fundiu erosionando antes en primero.

Fallas de los Pireneus

Mapa de l'orocheno pirenenco con la falla nordpirenenca.

• Falla nordpirenenca.

Fallas de lo Sistema Iberico

Envista de la val de Montesa dende l'alto de la Creu (Vallada). La Val de Montesa s'ha formau en la falla sud-valenciana.

• Falla de Calamocha.
• Falla de Concut.
• Falla de Datos.
• Falla d'Exarc.
• Falla sud-valenciana.

Fallas luent de lo dominio lingüistico de l'aragonés

• Falla transformant d'Azores-Chibraltar.
• Falla de Carboneras.
• Falla d'Argentat.
• Falla nordanatoliana.
• Falla de Sant Andreu.

Se veiga tamién

• Encabalgamiento.
• Plego (cheolochía).

Bibliografía

• (es) Francisco Anguita Virella, Fernando Moreno Serrano: Geología. Procesos Internos. Edelvives. Madrit 1978.
• (es) Francisco Anguita Virella, Fernando Moreno Serrano: Procesos Geológicos Internos. Editorial Rueda. Madrit 1991.

• Datos: Q47089
• Multimedia: Faults / Q47089