Sierra de Chabalambre

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo ye sobre la sierra de Chabalambre. Pa atros emplegos se veiga Chabalambre.
Sierra de Chabalambre
Sierra de Chabalambre
Cheografía
Cordelera {{{cordelera}}}
Sector {{{sector}}}
{{{tpran}}} {{{ran}}}
Maxima altaria 2.020 m
Cimas importants
Largaria
Amplaria
Superficie
Vértiz cheodesico
Subsistemas
Administración
Estau
País Aragón
País Valenciano
Comarca Gúdar-Chabalambre
Los Serrans
Cheolochía
Edat Mesozoico
Materials
Tipo {{{tipo}}}
Mapa

La sierra de Chabalambre ye un macizo montanyoso de la provincia de Teruel y lo País Valenciano, adintro de la parte sud de las comarcas de Gúdar-Chabalambre y Los Serrans. Ye uno de los macizos u conchuntos de sierras mes grans de lo Sistema Iberico.

Lo macizo montanyoso, a on que predominan los materials mesozoicos (sobretot rocas calsinosas y archilas), s'alza dica los 2.020 metros sobre lo livel d'a mar, formando una gran cupula u domo.

Altarias[editar | modificar o codigo]

La principal altaria ye lo pico Chabalambre con 2.020 m sobre lo livel d'a mar, seguiu d'atras como lo cerro de Chabalambre (2.002 m), l'alto d'el Ventisquero (2003 m), Falso Chabalambre (1.985 m), La Vuitrera (1.848), lo cerro Cavero (1.984 m), lo pico d'el Vuitre (1.957 m), lo cerro Calderón (1.837 m), y belatras.

Hidrografía[editar | modificar o codigo]

La sierra de Chabalambre ye una divisoria d'auguas entre las compleganzas de lo río Guadalaviar u Blanco enta l'ueste y los ríos Millars y Palancia enta l'este.

Tres ríos de relativa importancia naixen en la sierra de Chabalambre y la desauguan enta l'ueste, recullindo-se en lo río Guadalaviar: Camarena, Deva y Arcos.

Enta l'este lo solo río de relativa importancia ye lo río Albentosa, afluent de lo río Millars. Los cursos d'augua que desauguan la sierra de Chabalambre enta la cuenca de Palancia no son que barrancos.[1]

Las vals de los ríos Arcos y d'Albentosa creyan un sulco de dirección sudueste-nord-este que divide lo macizo de Chabalambre en dos. La part mes altera ye a lo norte y se nombra como Chabalambre Alto en bella publicación.[2] La part sud queda en lo cabo sud d'Aragón y s'estendilla sobre tot por territorio valenciano.[1]

Clima[editar | modificar o codigo]

Lo clima ye muito extremau, estando caracterizau por hibiernos muito fridos y veranos suaves. Las precipitacions no son guaire abundants y lo que si son ye irregulars, estando entre los 400 mm en las vals y los 700 mm en las zonas altas.

Ecosistemas[editar | modificar o codigo]

La vechetación presenta una gran variedat y orichinalidat. En las vals y costeras bi ha pinars de pin royo y pin nasarro, sabinars de sabina albar, caixicars y carrascals. En las zonas mes altas lo mes caracteristico ye lo pinar de pin royo con sabina chaparra (Juniperus sabina), que encara que no ye exclusivo (bi n'ha tamién en Cantaviella u en la Sierra d'Albarracín), ye a on que millor conservau ye. Lo pinar con sabina chaparra forman un paisache que fa recordar a piel de pantera y ye a on se troba bel endemismo botanico como Oxytropis jabalambrensis y Sideritis jabalambrensis, amés de atras muitas especies raras y de gran valura biocheografica.

De la suya riqueza en animals pueden destacar-se mamifers como lo chabalín, la raposa, la liebre y lo conello, muitas rapaces diurnas y nocturnas, perdiz, paixaros forestals y gran variedat de reptils, amfibios y insectos.

La sierra de Chabalambre tien unas notables valuras naturals y paisachisticas que, no tienen encara una proteccion adecuada encara que ye incluyida en lo rete europeu Natura 2000 y estar Lugar d'Intrés Comunitario (LIC). Totas estas valuras naturals no ha impedito que se i faigan unas pistas d'esquí que cheneroron gran polemica.

Toponimia[editar | modificar o codigo]

L'oronimo Chabalambre ye d'orichen arabe. En lo mundo arabe bi ha por lo menos atros dos toponimos con igual etimolochía: un Chabal Amr en Yemen y un atro en Chordania. Chabal s'escribe en arabe جبل con letra chim, letra que en francés se translitera como dj u j (Jabal, Jebel, Djebel, Djabal) y significa mont. En aragonés trobamos la mesma radiz en la palabra Chabalín, arabismo que substituyó a l'aragonés medieval Puerco montés, u siga un tocín de mont. Lo segundo component pareixe estar l'antroponimo arabe Amr u Amir, on a b epentetica s'explica igual como en lo caso de l'aragonés cambra, derivau de lo latín CAMERA, que ha esdevenito asinas porque lo grupo -mr- no yera corrient en romance:

  • CAMERA >*Camra > cambra.

La -e final s'explica por estar -mbr- un grupo consonantico implosivo que necesita vocal final refirmant como en pebre.

En las referencias documentals a esta sierra, en latín u catalán, s'escribiba Jabalambre, asinas por eixemplo cuan en 1266 Chaime I d'Aragón mandó que no se fesen nuevas poblacions en un important terreno de lo termin de la Comunidat de Teruel y que ixe terreno fuese pa que lo bestiar pasturase:

prout dividit terminus de Sarrione, nec in tota serra de Javalambre prout aque vertuntur usque ad flumine de monte de las Eras, nec usque ad summum vallis de la Casa

Chaime I tamién tien en cuenta Chabalambre pa fer la muga de lo Reino de Valencia cuan s'escribioron los Fueros de Valencia:

E de Móra, axí com va a la Font de la Babor, e axí com va el riu d'Alventosa, e ix a la Maçanera, però dellà el riu és d'Aragó, e del riu ençà és del regne de València. E axí com va a la serra de Javalambre; e de la serra de Javalambre axí com ix a Castel Phabib e a Ademuç, e aquests dos castels són del regne de València

En los textos escritos en aragonés relativos a la repoblación de Torrillas y atras localidaz en litichio entre lo Reino de Valencia y la Comunidat de Teruel podemos veyer tamién Javalambre. Lo 2 de setiembre de 1268 s'escribiba Morones de Javalambre cuan lo concello de Teruel nombró seis quinyoners pa l'aldeya de Torrillas:

al río de Truchiellas e hixe a los morones de Javalambre, como las aguas vierten, e da en el morón Orelano sobre la fuent de la Penna, e hixe al castellar de Abexuela....

Cuan lo castellano substituyó a l'aragonés se castellanizó como Xavalambre (dica lo sieglo XVII no existiba la J velar actual). Encara a zaguers de lo sieglo XVIII s'escribiba Xavalambre, por eixemplo en 1788 en lo libro Viage de Espanya: en que se dan noticias de las cosas mas apreciables y dignas:

A la vista de este camino quedan dos altas, y largas serranías: la una se llama de Xavalambre, que es la de mano derecha, y en la otra hay un altísimo cerro, que se llama Peña Golosa

Tamién Ignacio de Asso escribiba Xabalambre en Historia de la Economía Política de Aragón en 1798:

Caminando ácia el sud se descubren las altas sierras de Camarena, y Xabalambre de peña caliza, donde ví por primera vez la Primula vitaliana, y desde allí se vá descendiendo hasta Riodeva último pueblo de Aragón, en cuyo término hai abundantes minas de azufre, siendo la mas curiosa de todas la que está en un cerro de yeso, donde se ve el azufre incorporado en unas tongadas horizontales de marga, que alterna con la arcilla, y espejuelo.

La presencia de la palabra Xabalambre en textos escritos en aragonés en los sieglos XX y XXI se debe a malas adaptacions dende lo castellano aplicando una xeada sistematica, erronia y ignorant de las fuents. Las formas con j que se pronuncian como ch son las solas que se documentan cuan se charraba y escribiba l'aragonés en esta sierra.

Se fa mención d'una sierra el Buitre en l'anyada chudicial 1467-1468 de las "Cronicas de los Chudeces de Teruel" que podría corresponder a la sierra de Chabalambre, si ye que se refiere a lo pico d'el Vuitre:

En esti año cayó otro rayo en la sierra el Buitre y mató a Antón Martínez qui por alli entonces caminava.[3]

Referencias[editar | modificar o codigo]

  1. 1,0 1,1 (es) Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. pp. 33-34.
  2. (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. pp. 63-81.
  3. (an)(es) Fernando López Rajadel: Cronicas de los Jueces de Teruel (1176-1532). Instituto de Estudios Turolenses, 1994. p 277.

Bibliografía[editar | modificar o codigo]


Sierras d'os sectors este y nord-este d'o Sistema Iberico
Alcora - Alcublas - Almanariella - Arca - Arcos - Batalla - Benifazán - Bertolines - Blanca - Bordón - Brusca - Caballos - Cabezo - Cabezos - Caldera - Calderona - Camarena - Cantera d'el Pinar - Cantera d'el Saso - Canyada - Carrascosa - Cavaller - Chabalambre - Chaparral - Chinebrosa - Celler - Corbalán - Corral Nou - Cortes - Costera - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Exulve - Férriz - Galceran - Galga - Garrocha - Gorda - Gúdar (Molatiellas · Mont Negro) - Lastra - Marondes - Matanza - Matanzas - Mayabona - Molinera - Montanyas de Cervera - Montordí - Ovellera - Monts de Pinar Ciego - Monegrell - Mora - Moros - Muelas de Chert - Nogueruelas - Palomita - Paúls - Pedreras - Pedrizas - Penyagolosa - Penyas Blancas - Perenchisa - Pina - Pinarhueco - Puertos de Moriella - Puertos de Tortosa-Bezeit (Albardes - Aragonesos - Caro - En Canader · Refalgarí - Sant Cristòfol) - Irta - Rayo - Rocha de las Defesas - Rodanas - Sant Chust - Sant Pere - Santa Barbara - Santa Barbara - Savinassos - Sinyor - Segures - Solana - Sollavientos (Monts de Tarrascón) - Talaya - Talayas d'Alcalá - Tajos - Toro - Tortallada - Turmell - Umbrías - Vall d'Àngel - Vallivana - Vellida - Villarroya - Zancado