Río Tacho

De Biquipedia
Ir ta: navego, busca
Tacho
Rio Tejo e Parque das Nações.JPG
Río Tacho en Lisbona.
Administración
Estatos {{{estatos}}}
Territorios Flag of Aragon.svg Aragón
Bandera Castilla-La Mancha.svg Castiella-La Mancha
Flag of the Community of Madrid.svg Comunidat de Madrit
Flag of Extremadura.svg Estremadura
Flag of Portugal.svg Portugal
Cheografía
Longaria 1.006 - 1.008 km
Altaria d'o naixedero 1.593 m
Naixedero Fuent de García, Sierra d'Albarrazín
Desembocadura Ocián Atlantico
Hidrolochía
Superficie d'a cuenca 80.000 km²
Cabal meyano 500 m³/s
{{{mapa}}}

O Tacho (Tajo en castellán; Tejo en portugués) ye o río más largo d'a peninsula Iberica. Ye situato en o centro-ueste d'a peninsula Iberica, trescruzando as comunitatz autonomas d'Aragón (naixedero) Castiella-La Mancha (curso meyo), Estremadura (curso meyo-baixo) y Portugal (curso baixo).

Naixe en os Monts Universals (comarca Sierra d'Albarrazín, provincia de Teruel), a 1.600 metros d'altaria y desemboca en l'Ocián Atlantico cerca de Lisbona formando lo estuario de mar d'a Palla (en portugués Mar da Palha). A longaria total d'o río ye de 1.008 km, 816 en territorio espanyol, en una longaria de 47 km se fa servir de muga entre Espanya y Portugal, y recorre a resta de 145 km en Portugal.

Os prencipals afluents son o Jarama (con o suyo afluent o Manzanares), o Guadarrama, l'Alberche y l'Alagón por a dreita, o Guadiela, o Ibor y o Salor por a chucha. As prencipals poblacions por a on pasan son Aranjuez, Toledo, Talavera de la Reina, Cáceres, Alcántara, Santarém, Sacavém y Lisbona.

O puent más largo sobre o río Tacho ye o puent Vasco da Gama[1] (en Lisbona, Portugal) con un total de 17,2 km, lo que fa que sía tamién o puent más largo d'Europa.

Toponimia[editar | editar código]

En tiempos d'os romans se deciba TAGUS y en a Edat Meya en algarabía u arabe hispanico se deciba نهر تاجوس Wadi Tacho (transliterando a letra chim con o digrafo ch). A G present en o hidronimo latín GALLICUM d'o río Galligo esdevinió Al-Challiq en as cronicas d'o periodo musulmán andaluz.

Seguntes David Lopes y Ramón Menéndez Pidal n'este caso a G latina ha pasado ta chim arabe como en atros casos:

Cosa que no ye estrania porque lo contrario s'ha desvenito: en arabe echipcián a chim arabe se pronuncia como una G.

En o desapareixito aragonés d'as comunidatz aragonesas s'escribiba Tajo d'alcuerdo con a representación d'o fonema africato xordo con grafía etimolochica. Por eixemplo en un texto de 1278 provinient d'a Senyoría d'Albarrazín quan Chuan Núnyez de Lara concede unas tierras a Domingo Pascual de Fridas:

vassallo de Santa Maria e senyor de Albarrazin, do e otorgo a vos Domingo Pasqual de Fridas desde la Puerta de Molina entre amos los adarves fasta a fondón del adarve e par las casas do vos a Nava Seca por heredamiento, asín como vierten las aguas, asín como da la carrera hyxe de la vega de Tajo en angosto de..[2]

Fan mención d'a Vega de Tacho en aragonés en textos de zaguers d'o sieglo XIV relacionaus con o litichio territorial entre los concellos de Cuenca y Albarrazín por la suya posesión[3].

Referencias[editar | editar código]

  1. (es) Prensa Diaria Aragonesa: Los ríos de Aragón. Ríos Mijares, Turia y Tajo. El Periódico de Aragón, Diputación General de Aragón, 2005, pp 40-42
  2. (es) Jacinto Bosch Vilá: Historia de Albarracín y su sierra, Volumen 4. Instituto de Estudios Turolenses. Editor Martín Almagro Basch, 1964, p 98.
  3. (es) Francisco Antonio Chacón Gómez-Monedero Relaciones de vecindad entre Albarracín y Cuenca: una aportación a la diplomática municipal aragonesa. Anales de la Universidad de Alicante. Historia Medieval. Nº 10 (1994-1995). ISSN 0212-2480, pp. 261-310.

Bibliografía[editar | editar código]


 
Ríos d'a cuenca hidrografica d'o Tacho
Marguin izquierda Guadiela | Algodor | Ibor | Almonte | Salor | Sever | Sorraia
Marguin dreita La Hoz Seca | Cabrillas | Gallo | Ablanquejo | Cifuentes | Jarama | Guadarrama | Alberche | Tiétar | Alagón | Erjas | Pônsul | Ribeira de Nisa | Zézere | Alviela | Ocreza | Maior