Termin municipal

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Termin municipal d'Aranjuez, en Madrit (Espanya).

Un termin municipal u termino municipal (T.M.; pronunciato /'termin/ y /ter'mino/, y /muniθi'pal/~/muneθi'pal/~/moniθi'pal/~/moneθi'pal/), en Espanya, ye o territorio, perfectament delimitato, d'un municipio; o territorio administrato por un concello municipal. A Ley 7/1985, d'2 de abril, Reguladora d'as Bases d'o Rechimen Local, en o suyo articlo 12.1 lo define como:

O termin municipal ye o territorio on o concello exerce as suyas competencias

Cada provincia espanyola se define como la agrupación territorial d'os suyos términs municipals. D'esta trazas, o territorio nacional ye constituito por o conchunto de totz os suyos términs municipals. Totz chuntos conforman 8.114 términs en Espanya.

A extensión d'un municipio, seguntes o Instituto Nacional de Estadistica, ye a extensión d'o suyo termin municipal.

Dentro d'o termin municipal puet existir una u unas quantas entidatz singulars de población. Una de ellas, on ye o concello, ye a capital d'o municipio, u seu d'o concello.

As entidatz singulars se pueden agrupar en entidatz colectivas de población, que reciben diferents nombres seguntes a zona: parroquias, pedanías, anteiglesias, etc.

Bibliografía[editar | modificar o codigo]

Veyer tamien[editar | modificar o codigo]

Vinclos externos[editar | modificar o codigo]

Población, superficie y densidad por términs municipals. Instituto Nacional de Estadística de España