Muela (cheomorfolochía)
Muela ye un pueyo u mont con un extenso cabo alto plano[1] u concavo formau por un cinglo d'estratos duros quasi horizontals, por un regular de calsineras.
Muelas d'a depresión d'Ebro[editar | modificar o codigo]
En a depresión d'Ebro y en antigas cuencas sedimentarias terciarias d'o centro y este d'a peninsula Iberica son tipicas as muelas con teito de calsinera si representan o centro d'a cuenca u con teito de piedra d'arena u almendrón si son d'a marguin d'a cuenca, como se veyen en la zona d'o Guadalop y Matarranya.
Belunas son extensas plataformas estructurals, belatras con dimensions més redueitas se pueden considerar como pueyos testigo derivaus d'ixas plataformas, y por erosión d'o cinglo que las proteche pueden esdevenir antepueyos.
- Mont Albo.
- Muela de Borcha.
- Muela d'El Castellar.
- Muela de Zaragoza.
- Plana Negra.
- Plana Santa María.
Muelas d'o mesozoico d'o Sistema Iberico[editar | modificar o codigo]
Bi ha muelas en materials mesozoicos d'o Sistema Iberico con cabo alto concavo que se relacionan con sinclinals pendius, constituindo releus invertius. Encara que toponimicament bell sinclinal pendiu siga una muela, cheomorfolochicament no se puede considerar muela que las que tienen lo cinglo d'alto horizontal u quasi horizontal.[2] A mayor part s'han feito en materials cretacios, pero atras como a Muela de Fridas s'han feito en materials churasicos.
- Cabezo Budo.
- Cabezo de Santa Ana.
- Muela d'Anadón.
- Muela d'Aras.
- Muela de Camariellas.[2]
- Muela de Monchén.
- Muela de Fridas.
- Muela de Sant Chuan.
- Muela de Cortes de Pallars.
- Muela de l'Albeitar.
Muelas d'o terciario d'o Sistema Iberico[editar | modificar o codigo]
En a fuesa de Teruel as muelas se formoron principalment en o Quaternario con o proceso d'encaixamiento d'os ríos d'a cuenca hidrografica d'o Guadalaviar, en rematar as zagueras deformacions tectonicas d'o Plioceno superior[3].
Referencias[editar | modificar o codigo]
- ↑ (es) Juan Antonio Frago Gracia Toponimia navarroaragonesa del Ebro (IV): Orónimos ISSN 0210-5624, Vol. 30-31, 1982 , pachinas. 23-62 [1]
- ↑ 2,0 2,1 2,2 (es) Jose Luís Peña Monné et al. : Geomorfología de la Provincia de Teruel. Instituto de estudios turolenses, 1984. p 94.
- ↑ (es) Mateo Gutiérrez Elorza, José Luis Peña Monné: Las formas del relieve de la provincia de Teruel. "Cartillas Turolenses Nº 7º". Instituto de Estudios Turolenses, 1990. pp 46-48.
Bibliografía[editar | modificar o codigo]
- (es) Francisco Pellicer Corcellano, María Teresa Echevarría Arnedo: Formas de relieve del centro de la depresión del Ebro. Institución Fernando el Católico. 1989.
- (es) Mateo Gutiérrez Elorza, José Luis Peña Monné: Las formas del relieve de la provincia de Teruel. "Cartillas Turolenses Nº 7º". Instituto de Estudios Turolenses, 1990.