Ir al contenido

Río de piedras

De Biquipedia
(Reendrezau dende Ríos de piedras)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Tipico río de piedras en Vitosha (Bulgaria).
Río de piedras en Hawk Mountain (Pensilvania); una forma de lo terreno a la cual, en la Sierra d'Albarracín, se le diz berrocal u borrocal.

Un río de piedras ye una forma d'acumulación periglacial que se forma cuan los chelifractos d'unas costeras confluyen en lo fondón d'una val y continan movendo-sen enta baixo. La conchelación de lo suelo con muita humidat fa puyar las piedras liucherament y dimpués cuan lo suelo se desconchela las piedras tornan a baixar pero ya no tornan a la posición inicial y abanzan liucherament a favor de la versant por efecto de la gravedat.[1]

Ríos de piedras en lo Sistema Iberico[editar | modificar o codigo]

Bi ha ríos de bloques en lo Sistema Iberico se troban en la Sierra d'el Tremedal en los termins municipals d'Orea, Oriuela, Bronchales y mangas de lo termin d'Albarracín. Reciben la denominación de borrocales u berrocales a l'igual que las tarteras[2] u pedrizas. Los millors eixemplos se troban en lo Barranco de la Garganta y lo Barranco de Gargantavellano[3]. Con largarias de dica 2,6 km y amplarias de dica 0,25 km se consideran entre los mes grans de lo mundo.[1]

Referencias[editar | modificar o codigo]

  1. 1,0 1,1 Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007. pp 120-121
  2. José Manuel Vilar Pacheco Lexico y cultura popular de la Sierra de Albarracín. Centro de estudios de la Comunidad de Albarracín, 2008
  3. Jose Luís Peña Monne et al. Geomorfología de la Provincia de Teruel. Instituto de Estudios Turolenses, 1984.

Bibliografía[editar | modificar o codigo]