Caimodorro
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Caimodorro | |
Situación
| |
| Situación |  Muga entre Oriuela y Albarracín (Teruel)
|
| Latitut | |
| Lonchitut | |
| Vértiz cheodesico | |
Cheografía
| |
| Cordelera | Sistema Iberico |
| Sierra | Sierra d'el Tremedal[2] |
| Macizo | |
| Altaria | 1935[1] m |
| Primera puyada | |
| Ruta mas fácil | |
Mapa
| |
  | |
Caimodorro ye un mont que bi ha en la Sierra d'el Tremedal entre las localidaz d'Oriuela (Teruel) y Orea (Guadalachara), entre lo termin municipal d'Oriuela y una "manga" de lo termin municipal d'Albarracín, cerca de la muga entre las provincias de Guadalachara y Teruel.
Caimodorro y los suyos cerros s'alzan bels 300–400 m sobre lo cabaixo de la sierra. En a suya cima bi ha un vértiz cheodesico.
Toponimia[editar | modificar o codigo]
L'oronimo Caimodorro provién de Cabezo Modorro.[3] Bi ha una mención medieval de 1407 como Cabeza Modorra en un texto relacionau con la fixación de mugas entre Molina d'Aragón y Albarracín.[4]
Cheolochía[editar | modificar o codigo]
Caimodorro ye l'altaria mes vistable de la sierra d'el Tremedal, caracterizada por l'afloramiento de los materials paleozoicos de lo "macizo d'el Tremedal", un de los cinco macizos paleozoicos definius por los cheologos en la serranía d'Albarracín.
En Caimodorro abundan las cuarcitas d'edat paleozoica, que s'esgallan por l'acción de la chelifracción orichinando pedrizas, que cayen enta los fondons de las vals de la redolada, a on que se forman los ríos de piedras, borrocales u berrocales.[3] y conoixitos localment como canchales.[5]
Bi ha losetas d'edat paleozoica que por meteorización orichinan archilas y que se ven afectadas por la solifluxión. La solifluxión creya lobulos a on se fan las paúls acidas u tremedals.
Vechetación[editar | modificar o codigo]
Predomina la pineta de pin royo Pinus sylvestris. La pineta de pin royo se considera la vechetacion clímax a partir de los 1.600–1700 m d'altaria, por debaixo d'esta cota podría haber estau favoreixida por l'actividat humana a costa de los caixigars de Quercus pyrenaica,[6] y por ixo ye común veyer un matigal d'esta especie de caixigo baixo lo estrato arborio formau por los pins. Los chinebros (Juniperus communis alpina), las estepas (Cistus laurifolius) y aranyoners (Prunus spinosa) tamién i son presents.
Feguras de protección[editar | modificar o codigo]
La superficie de Caimodorro s'incluye en la PIC Pauls d'Oriuela, en la ZEPA Parameras de Pozondón y en la Reserva de Caza de los Montes Universales.[1]
Referencias[editar | modificar o codigo]
- ↑ 1,0 1,1 (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007, p 38, p 44, p 120, pp 170-171
- ↑ (es) Julio Muñoz Jiménez, Concepción Sanz Herráiz: Guía Física de España. 5 Las Montanyas. Alianza Editorial, 1995, p 144.
- ↑ 3,0 3,1 (es) José Manuel Vilar Pacheco: Lexico y cultura popular de la Sierra de Albarracín. Centro de estudios de la Comunidad de Albarracín, 2008, p 104, p 194.
- ↑ (es) José Antonio Ranz Yubero, José Ramón López de los Mozos Jiménez: El proceso entre Molina y su tierra y la ciudad de Albarracín sobre la mojonera de Sierra Molina: Toponimia menor del patil de sierra. Revista Rehalda, nº 3, 2006 pp 21-23.
- ↑ Patrimonio Natural en a pachina web de Orihuela.
- ↑ * (es) Casildo Ferreras, Maria Eugenia Arozena: Guía física de España II, los bosques. Alianza Editorial. p 210.
Vinclos externos[editar | modificar o codigo]
Bibliografía[editar | modificar o codigo]
- (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007.
- (es) José Manuel Vilar Pacheco: Lexico y cultura popular de la Sierra de Albarracín. Centro de estudios de la Comunidad de Albarracín, 2008.
- (es) Casildo Ferreras, Maria Eugenia Arozena: Guía física de España II, los bosques. Alianza Editorial.