Río de la Hoz Seca

De Biquipedia
Ir a la navegación Ir a la búsqueda
Río de la Hoz Seca
Oceseca
Administración
Estatos Espanya
Territorios Flag of Aragon.svg Aragón
Bandera Castilla-La Mancha.svg Castiella-La Mancha
Cheografía
Longaria 24,79 km
Altaria d'o naixedero 1677 m
Naixedero Fuent d'el Canto (Bronchales, Sierra d'Albarrazín).
Desembocadura río Tacho en Orea.
Superficie d'a cuenca km²
Cabal meyano m³/s


Lo río de la Hoz Seca u Oceseca ye lo primer afluent important de lo río Tacho por la suya marguin dreita.

Lo suyo naixedero ye la fuent d'el Canto, a on que bi ha una paúl acida[1], baixo la Penya Cabeza Colosa de la Sierra d'el Tremedal, en lo termin municipal de Bronchales pero cerca de la "manga" de lo termin municipal d'Albarrazín que lo desparte de lo termin municipal d'Oriuela[2].

Dende lo suyo naixedero va desauguando las versants sudoccidentals de la Sierra d'el Tremedal, baixando enta l'ueste a traviés una partida de lo termin municipal conoixida como El Puerto[1] y deixando lo Puerto d'Oriuela y Caimodorro a la dreita, y atros releus de menor importancia a la ezquierda. El Puerto ye una zona a piet de la versant sud de la Sierra d'el Tremedal y uns kilometros a lo norte de las grans muelas de los Monts Universals.

Dimpués de deixar esta zona encomienza a tener augua permanent, de fueras d'una zona de cauz con filtracions que bi ha dica la Cueva del Tornero. Ha esgarrapau una foz de 25 km con recolons dica lo suyo forcallo con lo Tacho.

No bi ha nuclios de población en las suyas marguins. No bi ha que una antiga ferrería, un molín y un cámping. Buena part de la suya cuenca s'incluye adintro de lo parque natural de l'Alto Tacho.

Toponimia[editar | editar código]

Lo hidronimo Hoz Seca ye transparent en castellán y significa "foz seca". Manimenos, nunca no gosa estar seco y en lo forcallo con lo Tacho leva un cabal mes gran que este famoso río, en esta zona redueito a un simple regallo quan la estación seca, d'astí que se diga en castellán Tajo lleva la fama y Oceseca el agua[3].

En lo "Libro de la Montería que mando escreuir el muy alto y muy poderoso rey don Alonso de Castilla y de Leon, vltimo deste nombre" (S. XIV) s'escribiba Foz de Seca d'acuerdo con la ortografía de lo castellán medieval:

para Peralejos, et el Pié ayuso fasta el rio de Tajo: et la otra de como sube la senda de Pinarejos desde dó dá la Foz de Seca en Tajo por cima de la cumbre fasta de yuso del Aldea de Peralejos catante al rio.
...que nol dexê passar a Foz de Seca, e la otra por la cumbre de aquende Tajo...

Lo tramo d'este río en territorio aragonés y antes d'entrar en la zona de foces recibe la denominación de río del Puerto por travesar la partida homonima de lo termin municipal d'Albarrazín.

Referencias[editar | editar código]

  1. 1,0 1,1 (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007. p 50, pp 182-183.
  2. (es) Chabier de Jaime et al. Serranía de Albarracín 2. Zona occidental de la Sierra de Albarracín. Montes Universales. Mapa excursionista 1:40.000 Paseos y excursiones. Prames.
  3. (es) Prensa Diaria Aragonesa: Los ríos de Aragón. Ríos Mijares, Turia y Tajo. El Periódico de Aragón, Diputación General de Aragón, 2005, pp 40-42.

Bibliografía[editar | editar código]


Ríos d'a cuenca hidrografica d'o Tacho
Marguin izquierda Guadiela | Algodor | Ibor | Almonte | Salor | Sever | Sorraia
Marguin dreita La Hoz Seca | Cabrillas | Gallo | Ablanquejo | Cifuentes | Jarama | Guadarrama | Alberche | Tiétar | Alagón | Erjas | Pônsul | Ribeira de Nisa | Zézere | Alviela | Ocreza | Maior