Tartera
Una tartera[1] ye una acumulación de fragmentos de roca crebada en la base de las laderas y formacions montanyosas. S'orichinan en los procesos de meteorización fisica y procesos erosivos que bi ha en los cinglos, estando tipicas de los paisaches de montanya y de lo sistema morfoclimatico periglacial, encara que no exclusivas.
Por un regular lo que fa que i haiga tarteras ye la chelifracción u conchelación de l'augua en las crepas de la roca. L'augmento de volumen creya una de presión que ixampla la crepa y a la fin creba la roca. Los ciclos de chelada-deschelada fan que la roca se crebe en trozos.
En 1954 se produció una esbalzada en las cadreitas d'o Niagara formando-ie una tartera de gran mida en la base.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
| Control d'autoridaz |
|
|---|
