PRAMES, S.A.

De Biquipedia
(Reendrezato dende Prames)
Ir a la navegación Ir a la búsqueda
Publicaciones y Realizaciones Aragonesas de Montaña, Escalada y Senderismo, S.A.
Datos chenerals
Eslogan {{{slogan_interpresa}}}
Establimiento 1989
Localización Flag of Aragon.svg Barrio de Sant Gregorio, Zaragoza, Aragón
Enfiladors {{{enfiladors}}}
Industria Editorial, guías y promoción d'o torismo, construcción y conservación de patrimonio.
Productos
Beneficios {{{reuto}}}
Emplegatos {{{emplegaus}}}
Pachina web
Pachina web www.PRAMES.com
Retes socials
Twitter {{{twitter}}}
Facebook Prames publicaciones

PRAMES, S.A. (sigla de Publicaciones y Realizaciones Aragonesas de Montaña, Escalada y Senderismo, Sociedad Anónima) ye una interpresa aragonesa multidisciplinar especializada en a promoción d'as actividatz en a naturaleza, esportes d'aventura y torismo, con presencia en bells sectors relacionaus, como o sector editorial[1], a promoción y rehabilitación d'edificios[1], l'adequación y balizamiento de camins y de senders[1], a construcción y mantenimiento d'instalacions esportivas[1] y a formación profesional de treballadors d'o sector d'os esportes d'aventura y guías turisticos[1].

Establida en 1989 en o barrio de Sant Gregorio, en Zaragoza, con un empuche important d'a Federación Aragonesa de Montanyismo y a Deputación Provincial de Uesca,[1] o marco d'as suyas actuacions no-editorials ye toda a Comunidat Autonoma d'Aragón. Ye conoixida tamién por fer numerosas d'as suyas actuacions, en materia de conservación d'edificios y adequación de camins, en colaboración y tamién baixo réchimen de concesión con as Administracions publicas y os achuntamientos.

Dica o inte, ye estructurada como una sola Sociedat Anonima (no pas un grupo empresarial), a on que i sobre-surte especialment a suya actividat editorial. PRAMES, S.A. ye a primer interpresa editorial en Aragón[1], y una d'as dos u tres más importants en toda Espanya[1] especializada en montanya y actividatz en a Naturaleza.

Capital[editar | editar código]

En un informe espublicau en 2008, declaraba un capital social de 1.344.763,88 €[2]. Os suyos accionistas mayoritarios yeran a Federación Aragonesa de Montanyismo (F.A.M.), con un 17,86% de participacions (bells 240.000 €), y a CAI y Ibercaja, con o 15,64% cadaguna (bells 210.000€)[2].

Atros accionistas importants son a DChA y a Deputación Provincial de Uesca, con un 10,73% d'as participacions en a S.A (144.200€ cadaguna)[2]. A Deputación Provincial de Teruel y l'Achuntamiento de Zaragoza i tienen a metat de participación que a D.P. de Uesca, pero tamién fan parte d'a Chunta d'Accionistas. A Deputación Provincial de Zaragoza ye a menos representada d'as D.P., con só que o 2,68% d'as accions.

Belatros accionistas menors son diferents clubs de montanyistas y entidatz privadas, y se'n destaca especialment o diario Heraldo de Aragón, con un 5% d'as accions (67.253€)[2].

Referencias[editar | editar código]

  1. 1,0 1,1 1,2 1,3 1,4 1,5 1,6 1,7 (es) Pachina web de PRAMES, consultada o 23 de septiembre de 2015.
  2. 2,0 2,1 2,2 2,3 (es) Dossier de presentación de PRAMES, consultau o 23 de septiembre de 2015

Se veiga tamién[editar | editar código]