Río Garganta

De Biquipedia
Ir a la navegación Ir a la búsqueda
Río Garganta
Administración
Estatos Espanya
Territorios Flag of Aragon.svg Aragón
Cheografía
Longaria  km
Altaria d'o naixedero  m
Naixedero
Desembocadura río Guadalaviar
Superficie d'a cuenca km²
Cabal meyano m³/s


Lo río Garganta ye un afluent de lo río Guadalaviar por la suya marguin ezquierda y en la comarca de la Sierra d'Albarrazín. Desaugua la versant sudeste de la Sierra d'el Tremedal travesando los termins municipals de Noguera d'Albarrazín y Tramacastiella, a on que se reculle en lo río Guadalaviar. La suya val muga a lo sud con la paramera de Villar d'el Cobo[1].

Hidronimia[editar | editar código]

Lo hidronimo Garganta ye recurrent en la Sierra d'Albarrazín pa indicar formas de lo terreno con aspecto de foces (La Garganta en Bronchales). Dos ríos de piedras de Oriuela tienen la parola garganta en lo suyo nombre (barranco de la Garganta y barranco de Garganta-Avellanos). Manimenos ya dende la baixa Edat Meya la "garganta" mes emblematica d'esta zona ye la que bi ha en Noguera d'Albarrazín[2], que ya se cita en textos medievals. En lo "Libro de Pasos" de 1326 se fa mención d'unas vías pecuarias entre El Puerto-La Garganta y El Paso-Penya Serrano-Fuent de las Talayas-Cabezuelo de la Garganta, que tiempo dimpués farán part de lo rete de canyadas reyals, en concreto de la Canyada de la Sierra Alta y la Canyada de las Texedas.

En un texto de l'Archivo municipal d'Exea d'Albarrazín de 1486 referiu a un habitant de Bronchales y escrito en aragonés local bi ha una referencia a l'augua de la Garganta que espleitaba un molinero:

Item, más dexo a Pedro el molino con su casa et aguas, es a saber, hell agua de la canyada el Saz y la de la Garganta, las quales me vendió el concejo quando le compré el molino. [3]

En un inventario de 1506 escrito en castellán se fa mención a una heredat y casa de La Garganta y que corresponde a l'actual Masía de la Garganta de Noguera d'Albarrazín:

de sus casas e heredat de tierras, hera, pagar e cassa de La Garganta del dicho lugar, con todas sus tierras labradas e por labrar, anssy en el dicho lugar e termino de aquel como en la Garganta,

Referencias[editar | editar código]

  1. (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN: 84-86982-97-9. pp 44-45.
  2. (es) Jose Manuel Berges Sánchez Actividad y estructuras pecuarias en la Comunidad de Albarrazín (1284-1516). Centro de Estudios de la Comunidad de Albarracín. Colección Estudios, 5. Primera edición, 2009. p 249.
  3. (es) Juan Manuel Berges Sánchez, Raúl Ibáñez Hervás: El culto a la virgen del Tremedal. CECAL. 2012, p 244.


 
Cuenca hidrografica de lo río Garganta
Marguin izquierda Barranco de la Penya Aguda | Reguero de los Canyos | Río Noguera
Marguin dreita Barranco d'el Recuenco


Ríos de la cuenca hidrografica de Guadalaviar
Marguin izquierda Griegos | Garganta | Alfambra | Camarena | Deva | Arcos | de Chelva
Marguin dreita Fuent d'el Berro | Rambla de la Chartera | Ebrón | Boílgues | Sot