Ralla (cheomorfolochía estructural)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Hogback a l'ueste de Denver (Colorado).

Una ralla ye un conchunto compacto y duro d'estratos verticals u cerca de la verticalidat que resaltan en lo paisache respecto a los estratos tovos. Corresponden a hogbacks en la terminolochía cheomorfolochica, encara que en cheomorfolochía se considera que un conchunto d'estratos ye un hogback dende l'inte cuan la superficie estructural presenta una inclinación de 45º.[1] En aragonés lo concepto de ralla s'oposa a lo concepto de cinglo, a on los estratos son prou horizontals.[2]

Eixemplos de hogbacks tipicos que representan rallas son "Os Capitiellos", las "Rallas de Rapún",[3] y las "Rallas de Santo Domingo". En a sierra de Santo Domingo bi ha rallas que corresponden a toponimos con o chenerico tablau.[4] En bel puesto de lo Sistema Iberico los hogbacks pueden corresponder a microtoponimos con cuchillo ("cuitiello" en aragonés), como El Cuchillo de Las Cuevas de Canyart,[5] igual como "Los Cuchillos de Contreras" u "Cuchillos del Cabriel" en La Manchuela.

Una ralla vertical puet crebar-se en diferents unidaz verticals por l'efecto de la erosión y formar paisaches espectaculars como "Les Dents de Finestres" y los "Organos de Montoro".

Referencias[editar | modificar o codigo]

  1. (es) Eumenio Ancochea Soto, Francisco Anguita Virella, Fernando Moreno Serrano: Geología Procesos Externos. Editorial Edelvives.
  2. (es) Juan José Pujadas: Ensayo etnolingüístico. El Campo lexico de las denominaciones orográficas. Ethnica, 11, 1976, pp 149-177.
  3. (es) Ánchel Belmonte Ribas: Guía Geológica del Pirineo, Editorial Pirineo.
  4. (es) Eduardo Viñuales Cobos: Red Natural de Aragón. Comunidad de Cinco Villas, nº 33, 2007. p. 12, p. 61.
  5. (es) Eduardo Viñuales Cobos (coordinador): Red natural de Aragón. nº 3, Maestrazgo Prames, 2006. pp90