Garra (orografía)

Iste articlo tracta sobre as garras como formacions orograficas d'os monts y sarratos. Ta altros usos se veiga garra (desambigación).

Una garra^[1] ye cadagún d'as lomas marguinals que descienden en a baixant d'un mont, sierra u sarrato, de manera perpendicular u oblicua a l'eixe d'a formación, en formando una estructura elevada y prolargada, d'altaria minguadera conforme s'alparta d'a montanya, que delimita barrancos a os costaus.

A palabra gosa emplegar-se en plural, «as garras», ta referir-se a la baixant u parte baixa d'a montanya u d'una sierra, u de forma metonimica ta designar a posición d'un puesto en respective a bella formación montanyesa que el domina (p. ex. se diz que «o lugar X se troba en as garras d'o mont Y» ta indicar que ye debaixo d'él) de forma semellant a como en belaltras luengas romances s'emplegan analochías con altros obchectos u partes anatomicas, como «la falda».