Campos (Cuencas Meneras)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Campos
Lugar d'Aragón
Entidat  • País  • Provincia  • Comarca  • Municipio	Lugar  Aragón  Teruel Cuencas Meneras Aliaga
Partiu chudicial	Teruel
Población  • Total	18 hab. (1999)
Altaria  • Meyana	1.292 m.
Distancia  • 74 km	enta Teruel
Codigo postal	44158
Parroquial  • Diocesi  • Arcipestrau  • Parroquia	Teruel y Albarracín Teruel Immaculada Concepción
Coordenadas	40°43’ 0’’N 0°43’31’’U
Campos Campos en Aragón

Campos ye un lugar de las Cuencas Meneras (Teruel, Aragón), perteneixient a lo municipio d'Aliaga.

Cheografía

Campos ye situato a caballo entre lo nuclio d'Aliaga y Palomar, no guaire luent de lo termin municipal de Exarc de la Val. Ye a 1.292 metros d'altaria, a una distancia de 74 km de Teruel, la capital de la suya provincia.

Historia

A diferencia d'Aliaga perteneixió a la Sexma del Río Martín de la Comunidat de Teruel.

Bi ha un documento de 1163 en lo que Sancho de Tarazona dona a la Orden de lo Hespital lo castiello y villa d'Aliaga y tamién Campos:

et Vidare et Abella, et Xiar, Sancta et Sanctella, et les coves del Rocin et Campos et totam ereditatem ab integro quam abeo in Exeia

Toponimia

Agustín Ventura Conejero opina que ye un toponimo de tiempos de la reconquiesta basando-se que en latín y en la Edat Meya campus teneba lo significato de campo de batalla en oposición a agrum, que ye lo campo cautivato.

Puestos d'intrés

• Casa d'a Villa.
• Ilesia d'a Purísma.
• Restas d'a ermita de Santa Ana.

Fiestas

• Sant Bertolomeu, 23,24 y 25 d'agosto.

Bibliografía

• Agustín Ventura Conejero "TOPONIMIA DE LA PROVINCIA DE TERUEL". Revista Teruel, 48, 1972.

• Datos: Q13048585