Boltanya

De Biquipedia
Ir ta: navego, busca
Iste articlo tracta sobre a villa y municipio de Boltanya. Ta altros usos d'o toponimo «Boltanya» se veiga Boltanya (desambigación).
Boltanya
Municipio d'Aragón
Bandera Escudo d'armas
Boltaña (2).JPG
Boltanya y Malgurguet, en a dita valle de Boltanya.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Huesca (province).svg Uesca
Sobrarbe
Superficie 139,5 km²
Población
 • Total

1051 hab. (2010)
Altaria 643 m.
Distancia
 • 96 km

enta Uesca
Codigo postal 22340
Patrons Sant Pavlo
Parroquial
 • Diocesi
 •Arciprestato

Bp. de Balbastro-Monzón
Sobrarbe
Ríos Ara
Coordenatas 42°26’24’’N 0° 3’36’’E
Boltanya en Aragón
Boltanya
Boltanya
Situación de Boltanya en Aragón
www.boltana.es

Boltanya (oficialment, en castellán, «Boltaña»[1]) ye una villa y municipio aragonés en a comarca d'o Sobrarbe y a provincia de Uesca. A suya población ye de 1.051 habitants (2010[1]), en una superficie de 139,5 km² y una densidat de población de 7,54 hab/km².

A villa ye capital d'o municipio, co-capital d'a comarca de Sobrarbe (en chunto con l'Aínsa) y tamién ye capital d'o partido chudicial de Boltanya.

Cheografía[editar | editar código]

A villa de Boltanya se troba en a ribera d'o río Ara en a metat de lonchitut de la que se conoix como a valle de Boltanya; 6 kilometros en norueste de l'Aínsa y, por tanto, de la desembocadura de l'Ara en a Cinca. Sinyorea la villa por alto lo castiello de Boltanya, que ye en a corona d'o tozal en as garras d'o qual s'extendillan os casars de la villa.

O termin municipal de Boltanya ye extenso, y se i troba incluitos mayoritariament nuclios en a valle de Boltanya y en as valletas d'os barrancos que afluyen en o río Ara, pero tamién bells nuclios de población que fan parte de belaltras cuencas hidrolochicas que marchan ta fuera d'o Sobrarbe, como pueden estar as d'os ríos Balcetz, Mascún y Alcanadre, u una menima parte d'o Sarrablo historico, todas ellas localizadas preponderalment en sud d'o termin municipal. En l'extrimo norte d'o termino, tamién os despoblaus de Sant Pietro y Moriello de Sant Pietro forman achuntamiento con Boltanya, anque son fisicament adintro d'a valle de Vio.

Por tot isto, o termin de Boltanya tiene una cheografía complicada, y anque a villa cumple una función de cabecera ta la valle a on se troba, qualques d'os nuclios que en l'actualidat fan parte d'o municipio se i han dido achuntando por absorción d'os achuntamientos que los incluiban,[2] y cheograficament y historica se troban difuera de l'aria d'influencia directa de la villa.

O termin municipal de Boltanya tiene mugas con os municipios sobrarbencos de Fanlo, A Buerda, l'Aínsa-Sobrarbe y Fiscal, y con o municipio de Samianigo, en a vecina comarca de l'Alto Galligo.

Camins[editar | editar código]

Carreteras, camins, pistas y senders que naixen d'a villa y se'n van ta altros lugars d'a redolada.

Moriello de Sant Pietro / Ascaso Sant Fertús Sant Vicient d'a Buerda
Chanovas / La Velilla (Ctra. N-260); Seso Reinel wind rose round.png
Campodarbe (Ctra. A-1604); Silves / Espierlo / l'Aguilar Sieste Malgurguet y l'Aínsa (Ctra. N-260);

Valle de Boltanya[editar | editar código]

L'articlo principal d'iste alpartau s'espera que sía val de Boltanya.

A valle de Boltanya ye o nombre como se conoix o transecto d'a valle de l'Ara dende que o río esnaviesa por a cerrada de Chanovas y o Balupor dica que remata en l'Aínsa.

En ixe segmento, que forma lo termin tradicional de Boltanya, a villa i representa o principal nuclio de población, por o que se fa de comprender de por qué ye que se le diz asinas.

O río Ara en pasando por Boltanya. A basa que se'n diz A Gorga.

A «valle de Boltanya» incluye tamién as valletas menors d'o barranco d'Ascaso y o barranco de Canyimars, con l'afluent d'iste zaguer, o barranco de Sant Martín. La desepara contra la ribera de Fiscal a cerrada u congosto de Chanovas (a on que se prochetó lo controvertido embalse); contra la valle d'a Solana la sierra d'o Nabaín, contra la valle de Vio lo portiello d'as Valles y contra la valleta d'o barranco Sarrato (u de Sant Vicient) as estribacions d'a sierra de Sant Visorio que por a part de Boltanya son representadas por o «tozal d'as Cruces» y o «tozal de Regaderas».

Por a ribera sud as valletas d'os barrancos afluents de l'Ara son millor deseparadas, por lo que no se puede considerar que faigan parte, d'una forma prou evident, d'a valle de Boltanya. Son, en sentido descendent, a valle de Campodarbe (bco. las Banyeras), a valle de Sieste (bco. de Sieste) y a valle de lo río Ena, que mayoritariament fa parte en o termin municipal de l'Aínsa-Sobrarbe.

De tot en meyo d'ista valle, sobre o punto a on que s'achunta o barranco de Canyimars con o río Ara, o tozal d'o castiello de Boltanya marca o puesto millor indicau y más fácil ta guardar que ye a on s'instaló la villa de Boltanya.

Casco de la villa[editar | editar código]

Un d'os principals atractivos de Boltanya ye lo suyo casco historico,[3] considerau un d'os conchuntos constructivos d'epoca más extensos de l'Alto Aragón.[3]

O centro neural d'a población ye a colechiata de Sant Pero, ilesia mayor de la villa, gotica d'o sieglo XVI,[2] que se troba en a plaza mayor d'a localidat. Como gosa pasar en as poblacions baixomeyevals, as principals carreras se troban en a dita plaza, y de la extensión de la plaza se gosa poder deducir a importancia d'iste espacio.

As carreras d'o casco medieval de Boltanya se troban en fendo costera por lo que en bells tiempos habión d'estar as faixas de lo tozal d'o castiello, y os eixamples s'han feito dimpués en a terraza fluvial en a ribera de l'Ara. En as carreras d'o nuclio antigo, as casas más antigas datan d'o sieglo XV,[2] anque lo mayor numer de construccións se i fízon en os sieglos XVI y XVII.[2]

Historia[editar | editar código]

A villa de Boltanya ha quitau o suyo nombre de l'antiga rechión de Boletania,[2] que ye como se deciba una aria dificil de precisar, en l'ueste d'o río Cinca, en os zaguers tiempos de la Edat Antiga y principio de l'Alta Edat Meya,[4] y d'a que probablement n'habría estau a capital. S'ha trobau un chacimiento de ceramica y bellas monedas ibericas que dan treslau de la existencia de bell asentamiento en o sieglo I aC.[3]

Qualques inscripcions funerarias trobadas en o termin municipal de Lo Grau (Semontano de Balbastro), datadas d'entre os sieglos IV y V dC, diz que muestran l'adchectivo «boletano»[4] referent a las oríchens de bell un d'os presonaches soterraus, a la par que tamién se fa servir «barbotano» y «pompeianus» en qualques altras.[4] D'alcuerdo con l'historiador Rodrigo Pita, ixo significaría que por ixas envueltas s'identificaba de forma clara como «Boletania» la rechión que alto u baixo coincide con l'actual Sobrarbe[4] (sacando-ne La Fueva).

A «terra Boletana» se troba tamién citada, d'alcuerdo con o mesmo autor, en documentos d'o sieglo XI, u puede estar que d'o XII, que recullen lo que ell afirma que son conoiximientos «fundamentaus en fuents historicas que huei s'han perdidas»,[4] anque, en atorgando-les qualque valideza, da lo que podría haber estau as mugas d'aquella «comarca» d'epoca visigotica: En l'este mugaría con a «terra Labitolosana» (que correspondería con l'actual tierra de Campo y a valle de l'Esera), en sudeste habría limitau con a terra Antona (a Fueva de Tierrantona), en sudueste con a terra Barbotana (de l'actual Balbastro), por l'ueste habría tenido mugas con as tierras d'os Fibullarienses[4] y jacetani, y en norte con a Novempopulania.[4]

S'ha documantau una ceca (punto d'acunyación de moneda) que se deciba Volotania, en tiempos d'o rei Gundemaro I (610-612),[5] y que se suposa que correspondería con l'actual Boltanya.

En a Edat Meya, baixo dominación musulmana, se construyó l'actual castiello de Boltanya. No se sabe guaire sobre a población musulmana de Boltanya, pero bells autors (como R. Pita) han quiesto suposar que a fortificación habría quedau baixo dominación d'os sarracins en bell momento proximo a lo cambeo de sieglo IX-X (arredol de l'anyo 900 dC.).[4] Ixe autor cita como referencias, por eixemplo, la caida de Leida en mans d'Al-Tarwil en l'anyo 889[4] y as presas de Monzón, Alquezra y Balbastro por as tropas d'ixe mesmo presonache en 910,[4] de lo que presuposa que Boltanya habría quedau en mans de lo sinyor musulmán de Waska en bell momento d'entre ixes anyos.[4]

As enrunas d'a torre de l'homenache, en o castiello de Boltanya.

Tampoco no se tiene garra datos sobre o momento historico quan que a fortificación de Boltanya se tornó una posesión cristiana. Anque o presumto mito d'os «sirtaniyyin» de las cronicas moriegas (que bells autors han considerau relacionatos con os «cerretans»[5] d'epoca imperial, pero tresladaus en a Edat Meya,[5] y no islamizaus, por analochía con os nativos no romanizaus de l'Antiguedat) y la presumpta independencia de lo que en l'actualidat se conoix como Viello Sobrarbe s'han meso muit seriament en tela de chudicio en os zaguers anyos,[5] existe un grupo d'historiadors que encara considera muit posible que a plaza de Boltanya estase dominada por musulmans, y que dende o nuclio cristiano de Viello Sobrarbe se reconquerise ista y belaltras fortificacions.

Lo que sí que pareix que ye más claro ye que en tiempos de Sancho Remíriz, II rei d'Aragón, o castiello de Boltanya yera controlau por cristians, y que se nombró tinent de lo castiello a un noble que heba nombre Ximeno Garcés.

En 1124, Alifonso I d'Aragón dotó de carta puebla a l'Aínsa, que posiblement dica alavetz no heba estau sique una aldeya. A concesión de carta puebla dotaba de previlechios a una localidat, d'entre os que s'incluiba lo previlechio de formar mercau. Tot isto, probablement, suposó un creiximiento de la villa de l'Aínsa que debió d'estar en detrimento de Boltanya, pus por lo que se'n ha puesto saber, quedó reducida a una aldeya dependient de la villa de la Cinca.

Demografía[editar | editar código]

De la villa:

Evolución demografica
1992 1994 1996 1997 1998 1999 2000 2001 2002
- - - - - - 723 717 714
2003 2004 2005 2006 2007 2008 2009 2010 2011
716 751 790 804 840 876 889 892 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

D'o municipio:

Evolución demografica
1992 1994 1996 1997 1998 1999 2000 2001 2002
- - - - - - 855 846 833
2003 2004 2005 2006 2007 2008 2009 2010 2011
838 870 917 924 977 1.022 1.035 1.051 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals[6][7]
Partito 1979 1983 1987 1991 1995 1999 2003 2007 2011
Partido de los Socialistas de Aragón - 7 4 4 3 2 4 4 5
Partido Popular - - 3 2 2 3 1 1 2
Partido Aragonés - - - 1 - 1 1 1 1
Chunta Aragonesista - - - - - 1 1 1 1
Independients 3 - - - 2 - - - -
Unión de Centro Democrático 4 - - - - - - - -
Total 7 7 7 7 7 7 7 7 9

Alcaldes[editar | editar código]

Lista d'alcaldes
Lechislatura Nombre Partido politico
19791983
19831987
19871991
19911995
19951999
19992003
20032007 José Manuel Salamero Villacampa Partido de los Socialistas de Aragón
20072011 José Manuel Salamero Villacampa Partido de los Socialistas de Aragón
20112015 José Manuel Salamero Villacampa Partido de los Socialistas de Aragón

Monimentos[editar | editar código]

En a villa:

Frontera principal d'o monesterio d'o Carmen, que agora ye un hotel.
  • A plaza y o conchunto d'o casco antigo, a on que i hai casa infanzonas con blasonería y repicaus en a penya en as fronteras.

Fiestas[editar | editar código]

  • 19 de chinero, «trucos de Sant Antón».[8] Esquillada popular con trucos cerimonials, que en os zaguers anyos se ye fendo sobretot en Malgurguet y ya no en o casco urbano de Boltanya.[8]
Una carrera en o casco de Boltanya.
  • 25 de chinero, Fiesta Mayor tradicional, fendo-le honras a Sant Pavlo. S'emprenden fogueras y se fa una chentada popular. Ista fiesta guarda muita relación con La Ronda de Boltaña, pus o grupo se formó ta dar-le musica a iste día, tot recuperando lo costumbre d'antigos de fer ronda en a fiesta de Sant Pavlo.[9] Tamién ye o día quan o grupo local de danzants fa lo danze d'o palotiau.

En chinero se concentran as fiestas de quatro santos, os «Santos Barbudos», que tienen muita tradición d'honrar-se-les en a villa. Sobre o costumbre de fer-les fiestas en un tiempo tan frido como gosa estar o mes de chinero en o Sobrarbe, se diz una chanza desenfadada:

Sant Sabastián, Sant Blas, Sant Pavlo y Sant Antón
ta deschelar a barba empinan o porrón.
Popular.
  • 5 de febrero, fiesta d'as mullers, fendo-le honras a Santa Águeda.[8] As fiestas d'as mullers son muit populars por tot l'Alto Aragón, y se suelen celebrar fendo unas bailes, y en repartindo torta (en a cultura tradicional, d'isto se'n diz a «caridat»). Bells lugars la fan a l'aire libre, pero como l'orache de frebero ye tan imprevisible, os que en tienen a celebran en un salón. Se gosa mirar ta celebrar-la lo sabado más amanau a iste día, pus quan gosa cayer en laborable no se puede celebrar.
  • Bell cabo de semana, que gosa estar itinerant d'entre os meses de frebero y marzo, se celebra la Feria Pirenenca d'o Chabalín (en convocatoria oficial, en castellán, «Feria Pirenaica del Jabalí»[2]) con exposicions sobre caza y un concurso de cocina en o que a protagonista cal que sía la carne de caza.[2]
  • O quatreno cabo de semana de chulio, feria «Pirenostrum»[8] (dica 2008 se deciba «Conspiremus»). A feria pirenenca de luthiers y constructors d'instrumentos tradicionals, que convoca participants de muit diferents paises. No se celebra sique en os anyos pars (ye bianyal).
  • O tercer cabo de semana d'agosto, «fiesta de la Convivencia».[8][10] Se tracta d'una fiesta de penyas que actúa como fiesta mayor oficiosa ta la villa, que en tiene la formal de plen hibierno. A choventut, agrupada por peñas, obren os locals que a sobén no son si que os patios de qualques casas acondicionaus ta la ocasión, y fan barra de bar. L'achuntamiento colabora economicament con as banderetas, os servicios municipals, y monta tamién l'escenario ta las actuacions, por lo que ye similar a como la resta de lugars fan a suya fiesta mayor.

Se veiga tamién[editar | editar código]

Lista de municipios de Uesca

Referencias[editar | editar código]

Vinclos externos[editar | editar código]


Lugars d'o municipio de Boltanya
L'Aligar | Alastrué | Ascaso | Bibán | Boltanya | Campodarbe | Casa bco. St. Martín | Espierlo | Sant Fertús | Luparuelo | Malgurguet | Santa María d'Ascaso | Sant Martín de la Valle | Matidero | Mesón d'Albars | Mesón d'o Barranco Fondo | Mesón de Fuevola | Mesón d'o Piojo | Miz | Montalbán | Morcat | Moriello de Sant Pietro | Sant Pietro | Puimorcat | Seso | Sieste | Silves | Torrulluela de la Plana | Torrulluela de lo Vico | La Valle | Sant Velián


Municipios d'a comarca Sobrarbe
L'Abizanda | L'Aínsa-Sobrarbe | Barcabo | Bielsa | Boltanya | Broto | A Buerda | Chistén | A Espunya | Fanlo | Fiscal | A Fueva | Palo | Plan | Puértolas | O Pueyo d'Araguás | Tella-Sin | Sant Chuan de Plan | Torla