Sant Chuan de Plan

De Biquipedia
Ir ta: navego, busca
Sant Chuan de Plan
Municipio d'Aragón
073.Sant Chuan de Plan.jpg
Sant Chuan de Plan.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Huesca (province).svg Uesca
Sobrarbe
Superficie 55,5 km²
Población
 • Total

162 hab. (2012)
Altaria 1.122 m.
Distancia
 • 150 km

enta Uesca
Codigo postal 22367
Parroquial
 • Diocesi
 •Arciprestato

Bp. de Balbastro-Monzón
Sobrarbe
Ríos Cinqueta
Coordenatas 42°34’48’’N 0°20’24’’E
Sant Chuan de Plan en Aragón
Sant Chuan de Plan
Sant Chuan de Plan
Situación de Sant Chuan de Plan en Aragón
Start hand.svg Esta fuella ye escrita en chistabín.

Sant Chuan de Plan (San Juan de Plan en castellán), u per un regular nombrau Sant Chuan en la propia val, ye un municipio aragonés de la provincia de Uesca, en la comarca d'el Sobrarbe.

La población suya ye de 153 habitants (2008) en una superficie de 55,5 km² y una densidat de 2,76 hab/km².

El lugar[editar | editar código]

Sant Chuan ye un lugar d'a val de Chistau, a 1.120 metros d'altitut, feto en las feixas y costeras tot pasando Plan, a menos d'un kilometro d'ixa villa, en la ribera d'el Cinqueta, que se va documentar la suya existencia la primer vez en l'anyo 1020. Heba teníu importancia minera historica con minas de Cobol y de Plomo y ye un puesto con a-saber-las tradicions bien conservadas.

Una casa de Sant Chuan con escaleras y carreras de diferents alturas.

El lugar de Sant Chuan presienta una forma particular debiu a un terreno irregular y costerudo, ya que ye feto en una costera que baixa enta el Cinqueta.

Una faloria tipica d'el lugar diz que en primerías existiba un lugar que le deciban Ligüés y que la chent se'n va marchar perque se va empestuciar de "Lacuercos", unas cullebrotas que lis feban la vida imposible, más que más hipnotizaban a las mullers que daban de tetar ta zorruspar la leche de las mais. Alavez las chents van decidir d'edificar el lugar de Sant Chuan en el puesto an que ye agora.

La ilesia de Sant Chuan, consagrada a'l mesmo santo que el lugar (Sant Chuan Bautista), ye romanica, bien conservada, anque como tantas ilesias de l'Alto Aragón, se va reformar n'el siglo XVI y va perder belún d'es rasgos tipicos d'es suyos orichens. La ilesia, feta a la entrada d'el lugar, a'l canto d'el río, tiene el fosal debant, en una era, y ye bien curioso y siempre decorau a esprés ta diya de Totz Santos con flors replegadas ta la ocasión.

El Puent Pecador ye una construcción bien antigua que pasa per alto d'el río Cinqueta tot pasando de Sant Chuan enta Chistén bell centenar de metros, y cruza el río ta'l Tozal de la Mosquera y las feixanas y praus de Don de la Part.

Sant Chuan ye, chunto con Plan, el lugar que tiene el drecho d'emplegar es campos d'a ribera d'el Cinqueta, per las cincas de La Cuesta y tot ixe rumal de fincas que traviesa la Semierre, y ye per debant d'es suyos casalucios el puesto per on la val de Chistau ye mes ampla. I hai una pista que fa la puyada ta las bordas de Sant Mamés per el nort-este d'el nuclio.

El Cinqueta y es campos de Chistau debant de Sant Chuan, con es claros de las Bordas de Sant Mamés en el fundo.

A canto d'el Barranco d'el Sen i hai un puesto que dicen El Cobol a on i heba una mina d'ixe mineral (cobol).

La Orquestina, el Corro y la cultura chistabina[editar | editar código]

l'Articlo prencipal d'este apartau ye La Orquestina del Fabirol.
l'Articlo prencipal d'este apartau ye El Corro d'es Bailes.

Habe ya bella trentena d'anyos, se van prestar una colla de mullers d'este lugar a fer que reviscolasen atra vez las tradicions d'antes más, que la val de Chistau teneba, per part d'alavez no guaire vivas encara, pero yeran conservadas en la mente d'es goletz más goletz. La fayena de fer debantar tot un argüello que la val teneba ya olvidau no va estar mica de buen fer, pos d'ixes tiempos es güelos d'el lugar (como tamién en atros) no les teneban guaire aprecio a las suyas cosas d'antes, pos les heban dito siempre que yeran bastas, que bien poco valeban.

Un simbolo de la unificación de las tradicions y la modernidat en Sant Chuan. La penya que diz S.Ioan que ye bien antigua, y la fecha d'el 1928 quan se va construir l'edificio e la Casa de la villa.

En primerías, la fayena de meter-se a investigar y a parlar d'es dances ("bailes") que de Chistau y Bielsa es grans en heban vistos quan yeran chovens, se va fer con tiento, y bien poco a poco, talment como si vencesen es prechuicios que es viellos teneban, se van dir ganando la confianza suya ta que en pasar es tiempos tenesen una recopilación bien maja d'ixas cantas y d'ixes bailes que heban feto ya talment decadas que no s'heban vistos, como s'heban feto d'es tiempos d'antes. L'esfuerzo, que en primerías heban feto només que una colla de poquetas mullers, se va dir ixamplando y va ganar-se mans nuevas que le metesen més empenta y el fesen dir creixendo, ta'l punto que han allegau ta'l repertorio actual, que el bailan quasi 40 personas (d'una población de 150) quan s'achunta la ocasión. L'actual asociación que se compone d'aquelas mullers, y tot el conchunto d'es nuevos bailadors que s'han incorporau en es zaguers anyos, s'ha feto El Corro d'es Bailes un motor que mira per las tradicions chistabinas tant bonicas, y paset a paset, una da las mes importants formacions que llegan a exportar el folclore aragonés difuera de las buegas nacionals, perque ye de saber-se que han feto actuacions en no sólo que puestos diferents d'a cheografía espanyola como Badajoz, Lugo u Ebiza, sique tamién les n'ha fecho actuar n'es Países Baixos, Francia u encara Rusia, que s'ha de pensar qué leixos que ye ta una formación d'un lugar tan chicot.

El catalizador de tot este movimiento ye tamién la parte mes famosa d'el conchunto, es suyos musicos, que chunto con bells musicos de difuera de la val que s'achuntan, fan La Orquestina del Fabirol. La Orquestina ye una formación singular, chistabina de la suya parte mes gran, fendo sonar es vriolins, tarotas, gaitas y atros chufletz en van salir d'animar es bailes d'el Corro, y que agora tamién marchan per es puestos fendo galanar la musica d'a suya val y tamién el suyo parlar. El producto més prencipal de la singular simbiosi d'es musicos y es bailadors y documentadors d'El Corro va cristalizar en forma d'un disco conchunto que va amaneixer n'el anyo 2000 ta acompanyar el libro de la musicologa belsetana Isabel Riazuelo, dito Danzas de Sobrarbe, un tractau extensismo y bien ilustrau de las danzas, cancions y homenaches no només que de las dos vals prencipals de l'alta Cinca y Cinqueta, sique tamién d'atras vals sobrarbencas. Cascabillos, Cadrils, el Tin Tan u el singular Villano de Bielsa, mazurcas, valses y atras piezas d'autentica colección s'han puesto refer, ta dintrada d'el siglo XXI con voz y musica, con es anyos que portaban en las espaldas suyas con l'esfuerzo conchunto d'es musicos, es danzantes y las mullers d'el Corro.

Tamién, con l'esfuerzo d'esta asociación s'ha puesto fer, de recuerdos, el Diya de la cultura chistabina, una representación fecha en chunio d'es vestuajes d'antes que mutas casas de la val n'han conservau.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido Aragonés 2
Partido de los Socialistas de Aragón 2
Partido Popular 1
Total 5

Alcaldes[editar | editar código]

Lista d'alcaldes
Lechislatura Nombre Partito politico
19791983
19831987
19871991
19911995
19951999
19992003
20032007
20072011
20112015 Navidad Puértolas Porta Partido Aragonés

Fiestas[editar | editar código]

  • 23 de chunio, Fiesta Mayor fendo es honors ta Sant Chuan Bautista, patrón d'el lugar, que culmina en prender-se La Falleta per alto per San Mamés y pretar a correre es chóvens con tiedas ta baixo ta'l lugar, fendo una cursa, que remata quan s'apilan las tiedas y altros maderos en a plaza u una era y se i mete una fogata.

Viyer tamién[editar | editar código]

Vinclos externos[editar | editar código]


Municipios d'a comarca Sobrarbe
L'Abizanda | L'Aínsa-Sobrarbe | Barcabo | Bielsa | Boltanya | Broto | A Buerda | Chistén | A Espunya | Fanlo | Fiscal | A Fueva | Palo | Plan | Puértolas | O Pueyo d'Araguás | Tella-Sin | Sant Chuan de Plan | Torla