Malgurguet

Malgurguet
Localidat d'Aragón
Os casaches de Malgurguet.
Entidat  • País  • Provincia  • Comarca  • Municipio	Lugar Aragón  Uesca Sobrarbe Boltanya
Población  • Total	47 hab. (2005)
Altaria	603 m.
Distancia  • 1 km  • 7 km  • 97 km	enta Boltanya enta l'Aínsa enta Uesca
Codigo postal	22340
Parroquial  • Diocesi  •Arciprestato	Balbastro-Monzón Sobrarbe

Malgurguet (Margurgued en castellán) ye un lugar aragonés en o municipio de Boltanya, comarca de Sobrarbe y provincia de Uesca.

A suya población ye de 47 habitants(2005).

Cheografía

O lugar de Malgurguet ye situato a 603 metros d'altaria dencima d'o nivel d'a mar, a una distancia de 97 km de Uesca, a capital d'a suya provincia, de 7 km de L'Aínsa y de menos d'1 km de Boltanya, auguas t'abaixo d'esta villa en seguindo l'Ara. O lugar se troba en a ripa d'o río Ara, en una plana aluvial de menor altitut que Boltanya, y se comunica con a villa capital con un puent per dencima d'o río, situato qualques decenas de metros auguas t'alto d'as zagueras casas de Malgurguet.

A planeta en a que se troba Malgurguet s'inunda con as creixidas más prencipals d'o río, por lo que a's suyos habitants se's ye meso tradicionalment a motada humoristica de venecianos, pos l'augua se les gosa pagar en a puerta d'as casas con relativa freqüencia. A popular canción de La Ronda de Boltanya «O viento rondador» fa referencia a ixe malnombre que en a val de l'Ara se's mete a os habitants de l'aldeya.

Si plebe vino y o río afoga la val,

á yo «veneciano» m'agradaría estar.
Ay! que beatón qu'iba a "volve'-me" en Malgurguet,

to'l día rezando a o santo que fa plever.

L'aldeya de Malgurguet sofrió importants estroces en a Guerra Civil espanyola, y se'n habió de reconstruir bellas casas, por lo que en l'actualidat no presenta o mesmo aspecto que teneba d'antes. D'as que enantes feban parte d'o nuclio, Casa Cambra, d'as zaguerías d'o sieglo XVI, ye la sola que encara se'n conserva en estando tan antiga.

Imachens

• 

  Malgurguet (primer termino) y Boltanya (dezaga), en a val de l'Ara, enviestos dende Guaso.

Molimentos

• Ilesia parroquial de San Pietro, d'os sieglos XVI-XVII., muit sencilla y de tipo rural.

Vinclos externos

• Se veigan as imáchens de Commons sobre Malgurguet.
• (es) Pachina web de l'Asociación de Vecinos y Amigos de Margudgued.