Tierrantona

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tierrantona
Lugar d'Aragón
A plaza de Tierrantona
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	126 hab. (2011)
Altaria  • Meyana	634 m.
Distancia  • 127 km  • 17 km	enta Uesca enta l'Aínsa
Codigo postal	22336
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Sabastián
Coordenadas
Tierrantona Tierrantona en Aragón

Tierrantona ye un lugar aragonés d'o municipio de a Fueva, en a comarca de Sobrarbe y a provincia de Uesca. A suya población ye de 126 habitants (2011).

Tierrantona ye a cabecera u capital municipal de o municipio d'a Fueva, ye a on se troba a Casa d'a Villa y o nuclio con mas servicios municipals, a demés d'estar o mas poblau d'o municipio. Se tracta d'un nuclio que aparenta tener nueva planta, tot y que se o ha puesto trobar mentau en documentos tan antigos como en primerías d'o sieglo XII.

Cheografía y historia

Tierrantona ye en o plano de a cul d'a Fueva, en a zona de baixa altitut, en a riba dreita d'o barranco d'a Usía, a bels 3 kilometros en sud-este d'o tozal de Sant Salvador y por a par d'a on remata l'antigo termin municipal de Ranyín. A la contra de como pasa con a mayoría de nuclios de población de a subcomarca de a Fueva, Tierrantona no pareix que haiga tenido nunca un plantiamiento defensivo, pus se troba a poca altitut y ye bien accesible dende toz os costaus.

Seguntes o medievalista Agustín Ubieto, o nombre de Tierrantona amaneix en os documentos historicos de tan antigos como de l'anyo 1102, cuan que diz que daba nombre a un castillet («Murel de Terranthona») que s'heba de trobar en os arredols, y que él va identificar con l'actual Moriello de Monclús. En o fogache de 1495, se a documenta con o nombre de «Tierra Anthona», y en 1488 s'ha puesto saber que teneba 11 fuegos (casas).

Manimenos, a ilesia de lugar ye o solo edificio medieval que i queda. Data d'ixe mismo sieglo XII de cuan Ubieto troba documentacions, y ye consagrada a l'advocación de l'Asumpción de María. Ye un templo romanico d'una sola nau, con a estructura muit bien guardada y o tellau con bastida de fusta ha gosau mantener-se fiel a os plantiamientos regulars d'o sieglo XII. En o sieglo XVII y en o XVIII le se van adhivir dos capilletas laterals, de as cuals, a que miraba t'a plaza de lugare se va eliminar y ha gosau deixar a marca en a frontera. Ye una ilesia gran en comparanza con as de belaltros lugars de Sobrarbe en ixas envueltas, o que fa veyer que Tierrantona no debeba d'estar un lugar guaire chicorrón, lo menos en os tiempos en os que se va construir.

A man de o lugar, no fa guaires anyos se va trobar as enrunas d'una villa romana, que podría estar a oríchen d'o toponimo «Tierrantona», («Tierra d'Antonius») y que confirmaría as tesis de o difunto investigador Manuel Benito Moliner, que va indicar como posible ixa presunta relación de pertenencia a bel personache de nombre «Antonius» u «Antoninus».

Demografía

Evolución demografica

1992 1994 1996 1997 1998 1999 2000 2001 2002 - - - - - - 124 124 127

2003 2004 2005 2006 2007 2008 2009 2010 2011 122 121 118 119 117 123 121 126 126

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens

• 
  A ilesia de Sta. María de l'Asumpción, en Tierrantona.
• 
  O claustret d'a ilesia, d'o sieglo XVI.

Fiestas

• 20 de chinero, Fiesta Mayor, fendo-le honras a Sant Sabastián.
• O segundo cabo de semana de chulio, fiesta menor, fendo-le honras a Sant Cristóforo.

Vinclos externos

• Se veigan as imáchens de Commons sobre Tierrantona.