Sant Pavlo

Sant Pavlo
Icono bizantín
Información personal
Nombre	Sant Pavlo
Apodo:	{{{apodo}}}
Naiximiento	9 Tarso
Muerte	67 Roma
Información relichiosa
Festividat	29 de chunio (martirio chunto a Pero) 25 de chinero (conversión de Pavlo) 10 de febrero (naufrachio en a Isla de Malta) 18 de noviembre (dedicación d'a Basílica de San Pavlo Extramuros).
Venerato en	Ilesia Catolica, Ortodoxa y protestantismo
Simbolochía
Patronache	Roma, Grecia, Malta, Écija, teologos y prensa catolica
Centro de pelegrinache	{{{puesto pelegrinache}}}
Ordens	{{{orden}}}
Beatificación	{{{beatificación}}}
Canonización
Qüestions	{{{qüestions}}}

Pavlo de Tarso (orichinalment Saulo de Tarso y dimpués Pavlo), conoixito tamién como San Pavlo l'Apóstol d'os Chentils (Tarso entre o 7 y 10 - Roma 64 u 67) se considera una fegura clau en o desembolique, o evanchelismo y a pedricación d'o cristianismo en o mundo conoixito d'o Imperio Román.

Muitos cristians lo consideran un interprete important d'as amostranzas de Chesús de Nazaret. Pavlo ye descrito en o Nuevo Testamento como un chodigo helenizato y ciudadán román de Tarso, en a rechión de Cilicia (hue Turquía), erudito d'o chudaísmo d'a branca d'os fariseus, y perseguidor d'os cristians antis d'a suya conversión camín de Domás en a que Pavlo sintió a voz de Chesús, y se convirtió a lo cristianismo. Dimpués de ser aceptato por a resta d'os apóstols, recibió lo encargo de pedricar o evanchelio a los "chentils" (ye decir, os no chodigos) d'o Imperio Román, portiando lo mensache d'o cristianismo a numerosas rechions d'Asia la Chica y d'Europa incluindo Roma y, seguntes a tradición, encara que no ye escrito en a Biblia, tamién a Hispania.

Li s'atribuye a escritura de catorze cartas u epistolas, conoixitas como Epistolas Paulinas que constituyen o fundamento teolochico y eclesiolochico d'o Nuevo Testamento y d'orientar definitivament a comunidat relichiosa a superar a hipoteca d'un chudaismo nacionalista y zarrato que'n menazaba la universalidat. Pavlo ye venerato como santo por tota la cristiandat. A suya festividat se celebra o 29 de chunio chunto con la de Sant Pero, mientres que a festividat d'a suya conversión ye o 25 de chinero.

San Pavlo en fuents aragonesas

Ye nombrato en o "Liber Regum"

en aquel tiempo era Simon Magus l encantador en Roma. Est Nero fizo meter en cruç a Sant Per e fizo degollar a Sant Paul, e fizo matar a Senecha, so maiestro, qui era muit sage

En un testamento d'o 31 de mayo de 1353 d'o sinyor d'Alfacharín Tomás Cornel nombran una capiella de Sant Per y de Sant Pavlo en Zaragoza:

Primerament, esleymos nuestra sepultura en la eglesia del monesterio de los freyres predicadores de la ciudat de Çaragoça, en la capiella de Sant Per e de Sant Paulo, en la qual jace la noble dona Violant de Pallás, madre nuestra, e la noble dona María de Luna, muller nuestra, en aquel lugar es a ssaber do la madre nuestra es enterrada. La qual sepultura e expenssas de aquella, queremos que sia feyta bien e honradament, segunt que a nós conviene, por los espondaleros nuestros dius scriptos.

Lugars on se celebra

• Boltanya

Ilesias dedicatas a San Pavlo

• Ilesia de San Pavlo de Zaragoza.
• Ilesia de San Pavlo de Perafita.