Polmón

De Biquipedia
(Reendrezato dende Pulmón)
Ir ta: navego, busca
Articlo d'os 1000
Imachen d'os polmons obtenita con una tomografía axial computerizata (TAC).

Os polmons[1][2][3][4][5] u polbons[6] u pulmons[3], son una parella d'organos, os más importants de l'aparato respiratorio,[7] con aspecto de cono formatos por un teixito esponchoso de color rosa grisenca. Ocupan a mayor parti d'o tórax. Os polmons son cubiertos por una membrana dita pleura y son deseparatos la un de l'atro por os mediastinos.[8] D'una man, o polmón dreito ye dividito en tres partis, ditas lobulos; y d'atra, a cucha tien nomás dos lobulos.

Tienen arredol de 300 millons d'alviolos, tenendo una superficie total de bells 140 m2 en adultos (alto u baixo a superficie d'una pista de tenis). A capacidat pulmonar pende d'a edat, peso y sexo- ye en o rango entre. 4.000-6.000 cm3. As mullers gosan tener a capacidat pulmonar arredol d'un 20% u un 25% más baixa.

A función d'os polmons ye realizar o intercambio gasioso con a sangre, por ixo os alviolos son en estreito contacto con capilars. En os alviolos se produce o paso d'oxichén dende l'aire a la sangre y o paso de dioxido de carbonio dende a sangre a l'aire.[9] Iste paso se produce por a esferencia de presions parcials d'oxichén y dioxido de carbonio entre a sangre y os alviolos.

Os termins medicos relacionatos con os polmons gosan prencipiar por pulmo-, d'o latín pulmonarius ("d'os polmons"), u por pneumo- (d'o griego πνεύμων ("polmón"). L'orichen d'as formas en latín y griego se troba en a radiz indoeuropea *PLEU- ("fluir", "fluxo"). Manimenos a interpretación d'a parola latina s'explica de diferents trazas. Pa bell autor ye una parola compuesta formada con as radices de "fluxo" y "aire"; pa belatro u una parola derivada d'a radiz pa dicir "fluxo" con o sufixo -ONIS, (precursor d'o sufixo -ón en aragonés).

En muitas variedatz de l'aragonés se gosa emplegar a voz livianos fendo referencia a los polmons d'o bestiar, encara que tamién se puede referir a lo conchunto de visceras toracicas.

Se veiga tamién[editar | editar código]

Referencias[editar | editar código]

  1. (an) Secretum secretorum
  2. (an) Libro d'el Trasoro
  3. 3,0 3,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. A parola pulmón ye mayoritaria en as parlas altoaragonesas, as atras dos formas se troban sobre tot en l'aria oriental y centro-oriental.
  4. Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999). p 285
  5. Atlas Linguístico de la Península Ibérica (ALPI). Alzquézar.
  6. José Antonio Saura Rami:: Elementos de fonética y morfosintaxis benasquesas. Gara d'Edizions, Institución Fernando el Católico, 2003 p109
  7. (ca) Pulmó. Enciclopèdia Catalana
  8. (en) Mediastinum en o Diccionario de "emedicine"
  9. (en) Pulmonary+Alveoli. MeSH

Vinclos externos[editar | editar código]