Torta
| Torta |
||
|---|---|---|
 Torta ribagorzana de frutos secos |
||
|
|
||
| Coca | ||
|
|
||
| Cocina: | Gastronomía aragonesa | |
| Orichen: |  Aragón Catalunya |
|
| Se mincha en: | Aragón, Catalunya | |
|
|
||
| Ingredients: | Farina, augua, levadura, uevo, aceite, zucre | |
A torta u coca ye un producto de repostería y masadería tepico d'Aragón, emparentau con os bizcochos, que presenta diferents formas en as diferents comarcas.
Per un regular, a presentación ye como un pan tovo de dimensions diversas (de 30 dica 60 cm), plano, que se cuece más u menos en seguntes qué preparación. A caracteristica comuna de todas as tortas ye en a masada que s'emplega ta fer-las, que sole levar farina, augua, levadura, uevo y una porción d'aceite. A proporción d'o uevo meso en a masada ye la prencipal cosa que destingue las tortas ditas "de uevo", que son tan consumidas en o Sobrarbe.
Bellas preparacions precisan d'espardir un poquet d'a zucre en alto d'a masada d'enantes no se meta ta'l forno de masar, ta fer que caramelice en chunto con a crosta. Dempués, en quitar-la d'el forno, tamién pende a on que s'elabore, se n'esparde un poquet más ta dar-le l'apariencia nevada que las fa de millor gana.
En a Ribagorza, per contra, no se solen fer tan cluixients, fendo-se forniar menos tiempos, y se sole estimar más de deixar a masada más tova con presentación familiar d'un bizcocho. En esta zona, amás, s'afechan rayaduras d'a piel d'o limón como forma probablement más recient, u d'a forma tradicional, con avellanas, almendras u nuez picadas en dintro.
