Sieste

De Biquipedia
Ir ta: navego, busca
Ista pachina tracta sobre Sieste. Ta altros emplegos d'o toponimo «Sieste» se veiga Sieste (desambigación).
Siest rendreza en ista pachina; t'o municipio occitán en as Landas dito Siest en francés, se veiga Sièst.
Sieste
Localidat d'Aragón
072.Sieste.JPG
A plaza de Sieste.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
Boltanya
Población
 • Total

32 hab. (2010)
Altaria 713 m.
Distancia
 • 2 km
 • 8 km
 • 98 km

enta Boltanya
enta l'Aínsa
enta Uesca
Codigo postal 22340
Patrons Sant Chuan Baptista
Parroquial
 • Diocesi
 •Arciprestato

Balbastro-Monzón
Sobrarbe
Sieste en Aragón
Sieste
Sieste
Situación de Sieste en Aragón

Sieste (/'sjæste/~/'sjeste/) ye un lugar aragonés d'o municipio de Boltanya, en a comarca d'o Sobrarbe y a provincia de Uesca. A suya población ye de 32 habitants (2010[1]).

Sieste estió capital d'o municipio de Sieste dica que, en a decada de 1960, o termin municipal se dividió en dos y una d'as partes s'integró en o municipio de l'Aínsa-Sobrarbe, y l'altra, en o de Boltanya.

Cheografía[editar | editar código]

Sieste se troba en l'altura d'un cerret que fa de divisoria d'entre la valle de Boltanya y a de Sieste. O cerro, que ha nombre de «monte d'a Madalena», se prolarga, a menor altaria, dende o sarrato de Campodarbe, que a la suya vegada ye una estribación conectada con a sierra d'o Gabardón.

En norte de Sieste se troba la valle de Boltanya, con a villa de Boltanya concarada en a man cuentra de lo río Ara, chusto adebant de lugar. En sud, a valle de Sieste queda deseparada de la de Boltanya por o cerro que sinyorea lo casar de Sieste, tot trazando lo barranco homonimo un trampo quasi paralelo a l'Ara, d'antes no mete un recolón y chira unaltra vegada cara ta'l río, a on que desemboca.

Urbanistica[editar | editar código]

Sieste presenta una disposición urbana con miras, posiblement, defensivas. Dende l'altura a on ye, cosira por un costau a valle de Boltanya y por l'altro la valleta d'o barranco Sieste, que ye defensada, en a cuentra, por o despoblau medieval de Morcat.

As casas cierran o nuclio urbano por o norueste, contra l'acceso por o sarrato de Campodarbe. As caras norte y sud de lugar, millor protechidas por o desnivel d'a montanya, son acondicionadas como miradors en l'actualidat, con anvistas sobre las dos valles. O conchunto urbano guarda en o centro a ilesia y as casas nobles de lugar, como casa l'Abadía y casa Raval, que en l'actualidat s'han fusionau ta reconvertir-las en un hotel rural.

As casa tradicionals en Sieste son: casa Cavero, casa Piquero, casa Tomás, casa Chusta, l'abadía y casa Raval (actualment, un solo hotel), casa Chil y casa Albars. Por a tradición oral, se sabe que i existiba unaltra casa, que se deciba casa Solano, pero que no s'ha conservau.

En l'actualidat, s'ha gosau construir-ie belaltras casas, que i son nuevas y destinadas a segunda residencia u periodos vacacionals de familias foranas, por o que lo casco urbano ha creixido. En i ha a on que enantes i heba las eras de Cavero y de Raval, y en l'antiga huerta de casa Tomás. Tamién s'ha substituido con nuevas viviendas l'antiga casa-escuela y a casa de la Villa, y a ferrería.

Historia[editar | editar código]

O lugar de Sieste ye documentau dende la Edat Meya (quan diz que lo nombre s'escribiba «Siest»). A tradición popular fa dir que yera en o puesto a on que actualment se puede trobar a ermita de Sant Vicient, pero que se despobló por unas pestes, y que, en refundar-lo, lo fizon en l'altura que ye como se'l puede trobar huei.

Se sabe, tamién, que Sieste estió capital d'o municipio homonimo dende os primers censos mudernos de 1842,[1] y que l'achuntamiento incluiba belaltros lugars y pardinas que i ha en a redolada, como La Valle, Sant Martín, Sant Velián, Luparuelo, Morcat y Puimorcat. Os tres zaguers heban tenido un achuntamiento de conchunta, con seu en Puimorcat, pero fuén absorvidos por Sieste cara ta 1857.[2]

O municipio de Sieste cambeó de nombre en 1857,[1] en alternando-se con o nombre d'A Torriciella (que tamién en feba parte), dica que se tornó a rebaptizar como «Sieste» en 1877.[1] Desapareixió en a decada d'os anyos 1960,[1] en estando absorvidos Morcat, Puimorcat, Sant Velián, Sant Martín, La Valle y Sieste por o municipio de Boltanya,[1] y A Torriciella por l'Aínsa-Sobrarbe.

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 21 20 20
2003 2004 2005 2006 2007 2008 2009 2010 2011
22 23 25 27 15 17 35 32 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Monimentos[editar | editar código]

A ilesia de Sant Chuan Baptista, en Sieste.

A ilesia, d'estilo gotico aragonés, ye consagrada a l'advocación de Sant Chuan Baptista.

Anque en a suya forma actual data d'o sieglo XVI, en existió unaltra anterior (lo menos, d'o sieglo XII) que yera romanica y que fué substituida por l'actual. En a ilesia actual se puede restas de ixa ilesia romanica anterior.

Imáchens[editar | editar código]

Fiestas[editar | editar código]

  • 31 d'agosto, Fiesta Mayor,[3] fendo-le honras a Sant Remón Nonato. A fiesta se mira ta celebrar a zaguer semana d'agosto, por estar a más amanada a lo día de Sant Remón. A fiesta mayor se fa de conchunta con Sant Martín y La Valle, por o que tamién ye fiesta d'ixes lugars.

Referencias[editar | editar código]

Vinclos externos[editar | editar código]


Lugars d'o municipio de Boltanya
L'Aligar | Alastrué | Ascaso | Bibán | Boltanya | Campodarbe | Casa bco. St. Martín | Espierlo | Sant Fertús | Luparuelo | Malgurguet | Santa María d'Ascaso | Sant Martín de la Valle | Matidero | Mesón d'Albars | Mesón d'o Barranco Fondo | Mesón de Fuevola | Mesón d'o Piojo | Miz | Montalbán | Morcat | Moriello de Sant Pietro | Sant Pietro | Puimorcat | Seso | Sieste | Silves | Torrulluela de la Plana | Torrulluela de lo Vico | La Valle | Sant Velián