Uesca

De Biquipedia
Ir ta: navego, busca
Uesca
Municipio d'Aragón
Bandera Escudo d'armas
Huesca - Fuente de las Musas.jpg
Fuent d'as musas.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Huesca (province).svg Uesca
Plana de Uesca
Superficie 161 km²
Población
 • Total

52,296 hab. (2012)
Altaria 488 m.
Codigo postal 22.001-22.006
Chentilicio uescano
Patrons Sant Lorient
Ríos Isuela
Coordenatas 42° 7’58’’N 0°25’ 1’’U
Uesca en Aragón
Uesca
Uesca
Situación de Uesca en Aragón
http://www.huesca.es

Uesca (en castellán Huesca) ye una ciudat d'Aragón y capital d'a provincia d'o mesmo nombre u tamién clamata Alto Aragón y d'a comarca d'a Plana de Uesca. Situata en o centro d'una depresión clamata tamién Plana de Uesca teneba, en 2010, 52.347 habitants[1] en una superficie de 161 km2 a 488 m. dencima d'o mar d'Alicán y a una distancia de 70 km d'a vicina Zaragoza. O clima de Uesca ye mediterranio con matices continentals y as precipitacions son arredol os 550 mm anyals.

A suya fiesta mayor ye Sant Lorient y se celebra a semana d'o 9 al 15 de agosto. Ye caracterizada por a vestimenta de color blanco y panyoletas verdes. O dia 9 ye o chupinazo y o dia 10 ye Sant Lorient y os Danzants bailan enfrente d'a basílica de Sant Lorient.

Simbolos[editar | editar código]

Se veiga ta más información l'articlo sobre o escudo de Uesca

O escudo d'armas de Uesca ye formato por un chinet en un campo de azul, o chinet que mira a la drecha d'o escudo con casco y vestito de blanco, armado con una lanza y montato a caballo. En a punta d'o escudo diz la siguiente leyenda en latín: "V. V. OSCA" - "URBS VICTRIX OSCA"- (en aragonés "Ciudat Vencedora Uesca") . A corona reyal ye ubierta con piedras preciosas, con ueito florons, interpolatos de perlas. Ye rodeyato por dos ramas una de palma de oro y atra de laurero.

A bandera ye de quatro colors; blanco, royo, amariello y verde. Ye composata por a cruz de Sant Andreu y tamién en o centro tien a leyenda "V. V. OSCA".

Historia[editar | editar código]

Antes de plegar os romans, a redolada de Uesca yera tierra d'os ibers ilerchetz, que heban tenito una expansión recient a costa d'atros pueblos relacionatos con os suesetans d'as Cinco Villas. La ciudat se clamaba allora Bolskan y ya emitiba moneda en o sieglo II aC.

A Osca d'os romans, en o sieglo I aC ya yera una ciudat de raso romanizata y Sertorio en fació a suya capital quan esdevenió un rebel contra la Republica Romana de Sila. Sertorio fundó una Academia en Osca pa la educación romana de los fillos de l'aristocracia indichena en a mesma plaza on se troba huei lo museu arquelochico. Roma ninvió a Pompeyo contra Sertorio, y prenió Osca en l'anyo 72 aC. Augusto puyó de categoría a Uesca nombrando-la municipio.

Dimpués d'a etapa visigoda, y a invasión arabo-musulmana, Osca la controlarán os musulmans en o contexto d'Al-Andalus. En tiempos d'Al Andalus en arabe s'escribiba Wasqa prenendo la pronunciación proto-romance. Os historiadors musulmans destacoron que Uesca teneba una doble muralla de piedra. Tamién dan noticia que un río traviesa a ciudat, por o que se deduz que a ciudat creixió enta o nordeste en ixe periodo ixamplando-se por a marguin ezquierda d'o río Isuela. Bi heba un barrio mozarabe en o sud d'a ciudat. Esdevenita muga debant a los reinos cristians d'o norte, serán ternes as prebatinas d'encorralamiento d'a ciudat, lo qualo la obligará a convertir-se en una base melitar de primer orden.

En l'anyo 1094 o rei cristián Sancho Remíriz prebó de conquerir a ciudat costruindo o Castiello de Mont Aragón. O rei Sancho Remíriz morió por una sayeta mientres reconoixeba la muralla. En a primavera de 1096 o exercito cristián con o rei Pero I debant, metioron cerco a Uesca mientres seis meses. A ciudat fue entregata a lo Rei Sancho, vencedor en a Batalla d'os Plans d'Alcoraz, conforme a l'alcuerdo previo entre musulmans y cristians.

En o sieglo XIII Uesca yera dividida en uns districtos ditos quartons por estar-ne quatre: Alquibla, Mont Aragón, La Magdalena y Remián, cadagún as suyas parroquias y os suyos barrios.[2] O Quartón de L'Alquibla yera o sud d'a ciudat y con buena part d'a suya superficie fuera d'a muralla, yera o quartón mes poblau. Teneba os barrios que en a documentación medieval figuran como los oleros, los ferreros, los ballesteros, los anajares, Barrio de don Fertuyn de Vergua y atros vecindatos, destacando dos barrios de recient creyación como ixamplamiento d'a ciudat: Barrio de los Saccos y La Población. A meyaus d'o sieglo XIII os monches de Mont Aragón empentoron a repoblación d'o espacio d'a Zuda viella de Uesca.

Cheografía[editar | editar código]

Uesca dende a Seu.

Uesca se situa en a depresión de 20 km de redolada clamata a Plana que ye rodiata por chicotas elevacions y en o nurueste ista a sierra de Guara una d'as principals sierras exteriors d'o prepireneu con una maxima altaria d'o tozal situato a 2.077 m d'altaria.

Se troba a 488 metros d'altaria sobre o ran d'a mar y ye trescruzato por os ríos Isuela y Flumen.

Mugas[editar | editar código]

O termin municipal de Uesca ye de 161,0 km² y muga con Almudévar, Vicient, Monflorite-As Casas, Tierz, Quicena, Loporzano, Nueno, Igriés, Banastás, Chimillas, Alerre, Barbués y Albero Baixo.

Barrios[editar | editar código]

Uesca tien 10 barrios; La Catedral, María Auxiliadora, Perpetuo Socorro, San José, San Lorenzo, San Pedro, Santiago, Santo Domingo y Sant Martín, La Encarnación y San Francisco de Asís. Os más poblaus son San Lorenzo y Santo Domingo y Sant Martín.

O Barrio de Sant Martín ya lo mencionan en un texto de 1286:

El secundo campo es al plano de Maçana, que affronta en campo de Sancta Maria, et en via publiga, et en campo de Johan de Gavardiella. El tercer campo es en el barrio de Sant Martin, que affronta en via publiga et en campos de lo grado. El quarto campo es a la padul menor, et affronta en campos de Sant Martin et en la dita padul.[3]

En a Edat Meya bi habió un Barrio de Sant Cibrián arredol d'una ilesia ya desapareixida y a on teneban propiedatz los monches d'o Monesterio de Sant Chuan d'a Penya:

...yes a saber un huerto quel monasterio ha e aver deve en la ciudat d'Uescha en el barrio de Sant Cibrian pertenescient al officio de la claveria...[4]

Os poligonos industrials son La Mangatina, Monzú, Sepes, Martinez de Velasco y o Parque Tecnolochico Walqa.

Vicos rurals[editar | editar código]

O municipio de Uesca tamién tien os vicos rurals de Apiés, Banariés, Bellestar d'o Flumen, Bunyals, Forniellos d'Apiés, Huarrios, Quarte y Tabiernas d'Isuela.

Climograma de Uesca.

Clima[editar | editar código]

O clima de Uesca ye un clima mediterranio continental. En verano as temperaturas son calidas y en hibierno son fredas, con minimas baixas que a vegatas baixan d'os -6º. A temperatura meyana anual ye de 13,6º. A ciudat tien 2.682 horas de sol al año, 23 días de tronatas y 35 días de chelatas.[5]

As precipitacions son arredol de 550 mm anyals y tienen o suyo minimo en verano y o maximo a la fin d'a primavera. Puede haber-ie nevazos en hibierno pero no son muit comuns.

Os records de temperatura rechistratos en l'Observatorio de Uesca son os 42,6º d'o 7 de chulio de 1919 y os -13,2º d'o 12 de febrero de 1956.[6]

Observatorio de Uesca
1971-2000 chi feb mar abr may chun chul ago set oct nov avi TOTAL
Temp. maxima (°C) 8,5 11,5 15 17,2 21,3 26,5 30,8 30,2 25,4 19,1 12,9 9,1 19,0
Temp. meya (°C) 4,9 7,0 9,6 11,4 15,3 19,7 23,4 23,3 19,5 14,3 8,9 5,6 13,6
Temp. minima (°C) 1,3 2,5 4,2 5,7 9,3 12,9 16,1 16,3 13,5 9,5 4,9 2,1 8,2
Precipitacions (mm) 39 32 34 53 62 47 20 38 54 54 50 51 535

Demografía[editar | editar código]

Uesca ye una d'as capitals de provincia con menor población d'o Estato Espanyol, con 52.296 habitants en l'anyo 2012.


Evolución demografica
1362 f 1495 f 1842 1857 1860 1877 1887 1897 1900
- 616 10.566 10.160 10.069 11.416 13.041 12.264 12.626
1910 1920 1930 1940 1950 1960 1970 1981 1991
12.419 13.921 14.632 17.730 21.332 24.377 33.185 44.372 44.165
1992 1994 1996 1997 1998 1999 2000 2001 2002
- - 45.607 - 45.485 45.627 45.653 45.874 45.462
2003 2004 2005 2006 2007 2008 2009 2010 2011
47.609 47.923 48.530 49.312 49.819 51.117 52.059 52.347 53.049
2012 2013 2014 2015 2016 2017 2018 2019 -
52.296 - - - - - - - -
1362-1495: fuegos; 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Chentilicio[editar | editar código]

O chentilicio d'os habitants de Uesca y d'a suya provincia ye uescano. En castellán ye oscense[7] y proviene d'o antiguo nombre en latín de "Osca". Tamién se usa "fato" que significa presumido en castellán pero en a cultura popular significa tonto.

Administración[editar | editar código]

Gnome-searchtool.svg
Ta más detalles, veyer l'articlo Concello de Uescaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Reparto de concellers[editar | editar código]

Eleccions municipals[8][9]
Partito 1979 1983 1987 1991 1995 1999 2003 2007 2011
Partido Popular - 9 5 5 7 7 6 7 11
Partido de los Socialistas de Aragón 7 11 10 8 5 7 12 9 9
Partido Aragonés - 1 4 5 6 3 1 2 2
Chunta Aragonesista - - 0 0 1 3 2 2 2
Partido Comunista de Aragón/Izquierda Unida 1 0 0 2 2 1 0 1 1
Centro Democrático y Social - 0 2 1 - - - - -
Unión de Centro Democrático 10 - - - - - - - -
Independients 2 - - - 0 - - - -
Movimiento Comunista de Aragón 1 - - - - - - - -
Total 21 21 21 21 21 21 21 21 25

Alcaldes[editar | editar código]

Gnome-searchtool.svg
Ta más detalles, veyer l'articlo Lista d'alcaldes de Uescaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Lista d'alcaldes
Lechislatura Nombre Partito politico
19791983 José Antonio Llanas Almudévar Unión de Centro Democrático
19831987 Enrique Sánchez Carrasco Partido de los Socialistas de Aragón
19871991 Enrique Sánchez Carrasco Partido de los Socialistas de Aragón
19911995 Enrique Sánchez Carrasco Partido de los Socialistas de Aragón
19951997 Luis Acín Boned Partido Aragonés
19971999 José Luis Rubió Gracia Partido Popular
19992003 Fernando Elboj Broto Partido de los Socialistas de Aragón
20032007 Fernando Elboj Broto Partido de los Socialistas de Aragón
20072010 Fernando Elboj Broto Partido de los Socialistas de Aragón
20102011 Luis Felipe Serrate Partido de los Socialistas de Aragón
20112015 Ana Alós López Partido Popular

Puestos d'intrés[editar | editar código]

Frontera en estilo gotico d'a Seu de Uesca.

Molimentos relichiosos[editar | editar código]

Cerclo uescano.

Molimentos civils[editar | editar código]

Museus[editar | editar código]

Museu provincial.
  • Museu Arqueolochico Provincial de Uesca, se troba en l'antigo palacio d'os reis d'Aragón. Bi ha una important colección d'arqueolochía, una sección de pinturas medievals y lienzos de Goya.
  • Museu Diocesán de Huesca
  • Centro de Arte y Naturaleza, (CDAN)
  • O Museu Pedagochico incluye bellas muestras de temas d'o zaguer sieglo como o nino y os maestros, primer tercio d'o sieglo XX, a segunda República, guerra civil espanyola y dictadura y recuperación d'as libertatz.

Fiestas[editar | editar código]

As fiestas de Sant Lorient (d'o 9 al 15 d'agosto) y a Semana Santa uescana han estato declaratas Fiestas de Intrés Toristico. Amás d'as fiestas de Sant Lorient, o 22 de chinero se celebra a festividat de Sant Vicent. Os uescanos gosan d'encender fogueras, rustir trunfas y minchar-se-las.

Esporte[editar | editar código]

L'Alcoraz.

A Sociedad Deportiva Huesca ye l'equipe mas important de fútbol d'a ciudat, chuega actualment en a segunda división. En baloncesto destaca el Club Baloncesto Peñas Huesca que chuegan en a LEB Oro. O BM Huesca ye o equipe de balonmán que iste anyo chuega en a Liga ASOBAL.

Instalacions esportivas[editar | editar código]

  • L'Alcoraz ye o estadio que alberga a la SD Huesca con un aforo de 8000 personas.
  • O Palacio Municipal de Esportes con una capacidad de 5000 personas que incluye pistas de baloncesto, balonmán, fútbol sala; voleibol, antimás de usarse ta eventos culturales.
  • A Ciudat Esportiva de José María Escriche con pistas de fútbol, atletismo, tenis, natación y voleybol.
  • O complexo esportivo San Jorge con pistas de fútbol 11 y fútbol 7; natación y frontón corto.
  • O complexo esportivo Ruiseñor con pistas de tenis, natación y patinaje.
  • A piscina municipal Almeriz.

Medios de comunicación[editar | editar código]

En a televisión ista Huesca Televisión que emite dende a plegada d'a TDT. Radio Huesca se encarga d'emitir por l'as ondas. Y o medio escrito mas important ye o diario del AltoAragón establito en 1985 con una tirache de mas de 8000 exemplars.

Ciudatz achirmanatas[editar | editar código]

Presonalidatz naixitas de Uesca[editar | editar código]

Entre os uescanos mas destacatos se troban:

Veyer tamién[editar | editar código]

Vinclos externos[editar | editar código]

Bibliografía[editar | editar código]

  • Altoaragón.Huesca Portal Web,historia del escudo oscense medieval y actual
  • Blog ElOscense, historia de la bandera de Huesca y sus curiosidades

Referencias[editar | editar código]


Vicos rurals de Uesca
Apiés | Banariés | Bellestar d'o Flumen | Bunyals | Forniellos d'Apiés | Huarrios | Quarte | Tabiernas d'Isuela


 
Municipios d'a comarca Plana de Uesca
Agüero | Albero d'Alto | Alcalá de Gurrea | Alcalá d'o Bispe | Alerre | Almudévar | Angüés | Antillón | Argavieso | Arguis | Ayerbe | Banastás | Biscarrués | Vicient | Blecua-Torres | Casbas de Uesca | Os Corrals | Chimiellas | Gurrea de Galligo | Uesca | Ibieca | Igriés | Lobarre | Lopinyén-Ortiella | Loporzano | Monflorite-As Casas | Morillo de Galligo | Novals | Nueno | As Penyas de Riglos | Pertusa | Piracés | Quicena | Saliellas | Santolaria de Galligo | Sesa | Sietemo | A Sotonera | Tierz | Tramacet