Partido Aragonés

De Biquipedia

Partido Aragonés
Líder	José Ángel Biel Rivera
Periodo	{{{periodo}}}
Establito	27 d'abiento de 1977
Seu	Coso, 87 - 50001 Zaragoza
Ideyolochía	Rechionalismo aragonés Nazionalismo aragonés (seguntes os suyos estatutos)
Coalizión de	{{{coalizión}}}
Afillatura europeya
Afillatura internazional
Partito Politico	{{{partito}}}
Chobenalla	Rolde Choben
Colors	Amariello y royo
Web	Pachina ofizial

O Partido Aragonés (en aragonés Partito Aragonés) ye un partito politico rechionalista de zentro-dreita aragonés, establito lo 27 d'abiento de 1977.

En suzesibos congresos, iste partito s'ha definito como nazionalista moderato e de zentro, e se clamó Partido Aragonés Regionalista dica 1990 en que, antiparte d'o cambio de nombre, pasó á definir-se como nazionalista. O suyo obchetibo, seguntes siñalan os suyos estatutos, ye "lograr cuantas fins promueban e premitan a esfensa e lo enriqueximiento sozioeconomico e cultural d'Aragón ".

O PAR reclama o reconoximiento d'os dreitos istoricos e una autonomia plena (con un sistema de finanziamiento sufizient) ta Aragón. As custions de politica idraulica han estato claus en l'azión d'o PAR, á trabiés d'o suyo refuse á lo trescole de l'Ebro encluyito en suzesibos plans idrolochicos nazionals. A suya organizazión chobenil ye o Rolde Choben - Jóvenes del PAR

Figuras relebants d'o PAR han estato o suyo primer president, Hipólito Gómez de las Roces, que presidió lo Gubierno d'Aragón entre 1987 y 1991; o suyo secretaire cheneral en diferens epocas y president d'o Gubierno d'Aragón de 1991 a 1993, Emilio Eiroa García; o suyo president en dibersos periodos y autual Senador, José María Mur Bernad; u entre atros, o suyo president dende 2000 y bizepresident d'o Gubierno d'Aragón, José Ángel Biel Rivera.