Azerbaichán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Republica d'Azerbaichán Azərbaycan Respublikası
(En detalle) (En detalle)
Lema nacional:
Himno nacional: Azərbaycan marşı
Situación d'Azerbaichán
Capital  • Población  • Coordenatas	Bacú 2.100.000 40°22'N, 49°53'E
Mayor ciudat	Bacú
Idiomas oficials	Azerín
Forma de gubierno President Primer ministro	Republica presidencialista Ilham Aliyev (İlham Əliyev) Ali Asadov (Əli Əsədov)
Independencia Declarata Reconoixita	d'a URSS 19 de noviembre de 1990 30 d'agosto de 1991
Superficie  • Total  • % augua Mugas	Posición 113º 86.600 km² 0% 2.013 km
Población  • Total (2014)  • Densidat	Posición 89º 9 511 100 110 hab/km²
PIB (PPA)  • Total (2011)  • PIB per capita	Posición 78º US$ 94.318 millons US$ 10.340
Moneda	Manat azerín (AZN)
Chentilicio	Azerín/a u azerbaichanos
Zona horaria  • en Verano	UTC+4 UTC+5
Dominio d'Internet	.az
Codigo telefonico	++994
Prefixo radiofonico	4JA-4KZ
Codigo ISO	031 / AZE / AZ
Miembro de: ONU, OSCE, OCE, COE.

Azerbaichán (en azerín Azərbaycan) ye un país d'Asia situato a lo sud de lo Caucas y a l'ueste-sudueste de la Mar Caspia. Actualment fa parti d'a Comunidat d'Estatos Independients.

Mugas

Muga a lo norte con Rusia, a l'ueste con Cheorchia, a lo sudueste con Armenia y a lo sud con Irán. Bi ha un enclau clamato Naxçıvan u Nakhchivan situato entre Armenia y Irán.

Etimolochía

O toponimo Azerbaichán d'as luengas actuals provién de l'antigo Atropatene, nombre antigo d'un territorio correspondient a l'Azerbaichán iraní. O toponimo orichinal ha sufrito diferents modificacions pasando a traviés d'as luengas de cultura d'a rechión: as fases propias d'as luengas iranicas, l'arabe y as luengas turquicas.

Historia

Cuan la Revolución Rusa remató con lo rechimen zarista ruso, lo territorio de l'Imperio Ruso a lo sud de lo Caucas formó la republica de Transcaucasia. Pero como i heba diferencia d'intreses entre los diferents pueblos, sobretot en un tiempo de guerra contra los nacionalistas turcos d'Anatolia, los azerins, que yeran tamién musulmans y d'orichen turquico estioron los primers que se deseparoron, fundando a republica d'Azerbaichán. Los nacionalistas azerins colabororon con los rechimens nacionalistas turcos en o Chenocidio armenio.

Cuan los exercitos zaristas empecipioron a perder la guerra civil, l'Exercito Royo Sovietico abanzó enta lo sud, plegando ta lo Caucas y ta Azerbaichán. Los bolchebiques sovietizoron la republica d'Azerbaichán y dende alavez fació parte de la URSS dica la suya independencia en 1991.

Dimpués d'independizar-se esta republica, de mayoría turca azerina y musulmana y on s'han feito historicament mortaleras d'armenios, los armenios de l'Alto Karabakh s'independizoron y ocuporon tamién un corredor entre Karabag y Armenia con a conoixida como Primera guerra de l'Alto Karabakh y ocasionando continos enfrontinamientos entre los dos países per la disputa d'este territorio conoixius como Conflicto de l'Alto Karabakh, as mugas continaron mas u menos estables dica a Segunda guerra de l'Alto Karabakh en 2020, cuan en a suya finalización y con o reafirme de Rusia, se sinya un alto al fuego y s'estableixen nuevas mugas con o control d'o corredor entre Karabaj y Armenia por parte de Rusia.

Esporte

• Azerbaichán en os Chuegos Olimpicos.

A suya participación internacional ye recient, porque dica 1991 perteneixeba a la URSS y os esportistas azerbaichans partecipaban con os equipes d'iste país. Os esportes mes practicatos son l'aixedrez, con a figura de Gary Kasparov como referent, l'halterofilia y a luita. Tamién o fútbol y o fútbol sala son populars.

En os Chuegos Olimpicos ha conseguito 16 medallas en cuatre partecipacions.

Referencias

• Datos: Q227
• Multimedia: Azerbaijan / Q227