Fútbol sala

De Biquipedia
Ir ta: navego, busca
Partito de fútbol sala.

O fútbol sala ye una variant d'o fútbol practicata entre dos equipes de cinco chugadors, en un terreno de chuego duro y con unas dimensions de 24 a 28 m de longaria y de 13 a 15 m d'amplaria.

O fútbol sala , ye un esporte derivato d'a unión d'atros esportes: o fútbol, que ye a base d'o chuego; o waterpolo; o voleibol, o balonmán y o baloncesto, esportes de que prenen no nomás os regles, sino tamién bellas tacticas de chuego.

Os chugadors d'iste esporte amenistan d'una gran habilidat tecnica y dominio sobre a pilota, asinas com velocidat y precisión en a execución tanto en fer como en recullir pases u en realizar accions tecnicas.

D'antis más yera cordinato por a Federación Internacional de Fútbol Sala (FIFUSA), pero hue existen dos organismos internacionals: l'Asociación Mundial de Fútbol Sala (AMF) y a Federación Internacional de Fútbol Asociación (FIFA). Ista zaguera creyó una modalidat esportiva dita "Fútbol 5" (tamién dita Showbol), muit pareixita a lo fútbol sala d'a FIFUSA, que gosa practicar-se más que más en Mexico y Estatos Unitos (a on que se diz Indoor Soccer).

Encara que s'han feito esfuerzos tanto dende l'AMF como dende a FIFA por unificar as diferents modalidatz y mirar de trobar o reconoiximiento d'iste esporte por o Comité Olimpico Internacional, denguna d'as dos entidatz ha aconseguito lo suyo obchectivo.

Enlaces externos[editar | editar código]