Bacú

De Biquipedia
Ir a la navegación Ir a la búsqueda
Bacú
Bakı
Localidat d'Azerbaichán
Escudo d'armas
Bacú
Estato Flag of Azerbaijan.svg Azerbaichán
Superficie 1.000 km²
Población
 • Total
 • Densidat

2.074.300 hab. (2003)
1.280 hab/km²
Altaria -28 m.
Azerbaijan-Baku.png
http://www.bakucity.az/

Bacú (en azerí Баку o Bakı; en persa باکو) ye a capital y a ciudat con mayor numero d'habitants d'Azerbaichán, con una población de 2.074.300 (2003). Ye situata en o cabo oriental d'o país, a o canto d'a mar Caspia, en a parte sud d'a peninsula d'Abşeron.

O casco historico d'a ciudat, que ye una antiga fortaleza, ye declarato Patrimonio d'a Humanidat por a UNESCO. Fa parte d'a Organización d'as Ciudatz d'o Patrimonio d'a Humanidat.

Historia[editar | editar código]

As primeras citas historias de Bacú son d'o sieglo VI. Dende o sieglo XII a ciudat ganó importancia porque esdevenió a nueva capital d'o canato de Chirbán en enronar-se l'antiga capital por un tierratremo.

A prencipios d'o sieglo XIX a ciudat fue encorporata a o Imperio ruso. Dimpués d'a declaración de guerra de Turquía a Rusia, o 30 d'aviento de 1806, as tropas turcas ocuporon a ciudat.

Tenió una comunidat armenia relacionata con a espleitación d'o petrolio ya a principios d'o sieglo XX. Esta comunidat fuyó a partir de 1989 dimpués d'uns pogroms promovitos por o mesmo gobierno d'Azerbachán.

Economía[editar | editar código]

Os alazetz d'a economía d'a ciudat se troban en o petrolio. Ya dende o sieglo VIII s'en conoixeba a presencia de petrolio en a redolada, pero dica 1872, con a Revolución industrial, no prencipio a suya explotación comercial. Asinas, a prencipios d'o sieglo XX, yera en Bacú a on se produciba a mitad d'o petrolio mundial. Por ixo a ciudat estió un obchectivo melitar d'a Wehrmacht d'o Tercer Reich en a Segunda Guerra Mundial, encara que as tropas alemanas no plegoron a Bacú, y a suya amenaza desaparixió con a victoria d'o Exercito Royo en a batalla de Stalingrado en chinero de 1943.

Vinclos externos[editar | editar código]