Coordenadas cheograficas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mapa d'a Tierra amostrando os meridianos y os paralelos, seguntes a prochección Eckert VI

As coordenadas cheograficas permiten determinar a posición de cada punto en a Tierra por meyo de tres coordenadas, emplegando un sistema de coordenadas esfericas. As dos primeras coordenadas corresponden a la latitut y a la lonchitut d'o punto, a tercera a l'altaria sobre a superficie (u sobre o centro d'a Tierra).

A lonchitut d'un punto P d'a superficie terrestre ye l'arco d'ecuador comprendiu entre o punto d'intersección d'o meridiano de Greenwich con o ecuador y o punto d'intersección d'o meridiano local de P con o ecuador terrestre.

A latitut de P ye l'arco d'o meridiano local de P comprendiu entre o ecuador terrestre y P, mesurau de 0° a 90° en cada hemisferio a partir d'o ecuador terrestre.

A Tierra no ye esferica, sino que tien una forma irregular que s'aproxima a un elipsoide. D'ista manera, a extensión d'un grau de lonchitut u de latitut ye diferent en diferents puntos cheograficos, por o que cal fer correccions sobre o sistema de coordenadas ta que cada punto quede determinau de forma no ambiga por as tres valors de coordenadas.

A latitut y a lonchitut pueden amostrar-se en tres formatos equivalents:

• Graus.Decimals (en anglés Decimal Degree, DD) eixemplo 41.333- 106..500
• Graus:Menutos (en anglés Degree Minute, DM) eixemplo 41:20- 106:30
• Graus:Menutos:Segundos (en anglés Degree Minute Second, DMS) eixemplo 41:20:00- 106:30:00

Referencias

• Datos: Q22664
• Multimedia: Geographic coordinate system / Q22664