Serbia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Republica de Serbia Република Србија Republika Srbija
(En detalle) (En detalle)
Lema nacional: No'n tien
Himno nacional: Bože Pravde
Situación de Serbia
Capital  • Población  • Coordenatas	Belgrado 576.124 (2002) 44º 48' N 20º 28' E
Mayor ciudat	Belgrado
Idiomas oficials	Serbio 1
Forma de gubierno President Primer Ministro	Republica parlamentaria Aleksandar Vučić (Александар Вучић) Miloš Vučević (Милош Вучевић)
Independencia  • Declarada	De Serbia y Montenegro 3 de chunio de 2006
Superficie  • Total Mugas Costas	Posición 113º 88.361 km² 599 km 0 km
Población  • Total  • Densidat	Posición 74º 6.926.795(2020) 78.81 hab/km²
PIB (PPA)  • Total (2018)  • PIB per capita	Posición 91º EUR€42.885.500.000 EUR€ 6,158.38
Moneda	Dinar(RSD) Euro (€, EUR) (En Kosovo)
Chentilicio	Serbio/a
Zona horaria  • en Verano	CET (UTC+1) CEST (UTC+2)
Dominio d'Internet	.rs
Codigo telefonico	+381
Prefixo radiofonico	YT–YU, YZ, 4N–4O
Codigo ISO	688 / SRB / RS
Miembro de:
1 Tamién se i charran albanés en Kosovo y hongaro en Vojvodina.

A Republica de Serbia (en Serbio, Република Србија u Republika Srbija) ye un país d'o sudeste d'Europa, un d'os seis estaus resultants de l'antigua Yugoslavia. A suya capital ye Belgrado.

Cheografía

Mugas

Serbia muga con Hongría, Rumanía, Bulgaria, Albania, Macedonya d'o Norte, Montenegro (país con o cual formó un estato confederal dica 2006), Bosnia y Herzegovina y Croacia.

Politica

Divisions administrativas

Ta más detalles, veyer l'articlo Organización territorial de Serbiaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Serbia ye un estau unitario composau por municipios y ciudaz agrupaus en districtos y con dos rechions autonomas, a Vojvodina situada a lo norte d'o país, y la Provincia Autonoma de Kosovo y Metohija a lo sud (encara que ista zaguera proclamó la suya indepencia unilateralment como Kosovo). Os municipios, clamaus opštine, son un total de 145, amás de 29 ciudaz (gradovi) que s'agrupan en 29 districtos, amás d'a ciudat de Belgrado que forma un districto propio; os districtos no poseyen garra competencia propia y nomás fan funcions de divisions purament administrativas.

Tanimientres, se gosa considerar que Serbia Central (ye decir, o territorio que no fa parte de garra rechión autonoma) ye una provincia, que chunto con as dos rechions autonomas forma lo conchunto de tres provincias d'o país.

Districtos

Serbia Central

Districto	Centro administrativo	Superficie en km²	Población en 2002	Población en 2011	Densidat de población	Ciudaz y municipios	Localidaz
Bor (Borski okrug)	Bor	3507	146 551	123 848	35.3	Bor Kladovo Majdanpek Negotin	90
Braničevo (Braničevski okrug)	Požarevac	3865	200 503	180 480	46.7	Veliko Gradište Požarevac Golubac Malo Crniće Žabari Petrovac Kučevo Žagubica	189
Jablanica (Jablanički okrug)	Leskovac	2769	240 923	215 463	77.8	Leskovac Bojnik Lebane Medveđa Vlasotince Crna Trava	336
Kolubara (Kolubarski okrug)	Valjevo	2474	192 204	174 228	70.4	Osečina Ub Lajkovac Valjevo Mionica Ljig	218
Mačva (Mačvanski okrug)	Šabac	3268	329 625	297 778	91.1	Bogatić Šabac Loznica Vladimirci Koceljeva Mali Zvornik Krupanj Ljubovija	228
Moravica (Moravički okrug)	Čačak	3016	224 772	212 149	70.3	Gornji Milanovac Čačak Lučani Ivanjica	206
Nišava (Nišavski okrug)	Niš	2729	381 757	373 404	136.8	Aleksinac Svrljig Merošina Ražanj Doljevac Gadžin Han Niš	285
Pčinja (Pčinjski okrug)	Vranje	3520	227 690	158 717	45.1	Vladičin Han Surdulica Bosilegrad Trgovište Vranje Bujanovac Preševo	363
Pirot (Pirotski okrug)	Pirot	2761	105 654	92 277	33.4	Bela Palanka Pirot Babušnica Dimitrovgrad	214
Podunavlje (Podunavski okrug)	Smederevo	1248	210 290	198 184	158.8	Smederevo Smederevska Palanka Velika Plana	58
Pomoravlje (Pomoravski okrug)	Jagodina	2614	227 435	212 839	84.8	Jagodina Ćuprija Paraćin Svilajnac Despotovac Rekovac	191
Rasina (Rasinski okrug)	Kruševac	2667	259 441	240 463	90.2	Varvarin Trstenik Ćićevac Kruševac Aleksandrovac Brus	296
Raška (Raški okrug)	Kraljevo	3918	291 230	300 102	76.6	Kraljevo Vrnjačka Banja Raška Novi Pazar Tutin	359
Šumadija (Šumadijski okrug)	Kragujevac	2387	298 778	290 900	121.8	Aranđelovac Topola Rača Batočina Knić Lapovo Kragujevac	174
Toplica (Toplički okrug)	Prokuplje	2231	102 075	90 600	40.6	Prokuplje Blace Kuršumlija Žitorađa	267
Zaječar (Zaječarski okrug)	Zaječar	3623	137 561	118 295	32.6	Boljevac Knjaževac Zaječar Sokobanja	173
Zlatibor (Zlatiborski okrug)	Užice	6140	313 396	284 729	46.4	Bajina Bašta Kosjerić Užice Požega Čajetina Arilje Nova Varoš Prijepolje Sjenica Priboj	438

Vojvodina

Districto	Centro administrativo	Superficie en km²	Población en 2002	Población en 2011	Densidat de población	Ciudaz y municipios	Localidaz
Banato Central (Srednjebanatski okrug)	Zrenjanin	3256	208 456	186 851	57.4	Novi Bečej Nova Crnja Žitište Sečanj Zrenjanin	55
Bačka d'o Norte (Severnobački okrug)	Subotica	1784	200 140	185 552	104.0	Subotica Bačka Topola Mali Iđoš	45
Banato d'o Norte (Severnobanatski okrug)	Kikinda	2329	165 881	146 690	63.0	Kanjiža Senta Ada Čoka Novi Kneževac Kikinda	50
Bačka d'o Sud (Južnobački okrug)	Novi Sad	4016	593 666	607 835	151.4	Srbobran Bač Bečej Vrbas Bačka Palanka Bački Petrovac Žabalj Titel Temerin Beočin Sremski Karlovci Novi Sad	77
Banato d'o Sud (Južnobanatski okrug)	Pančevo	4245	313 937	291 327	68.6	Plandište Opovo Kovačica Alibunar Vršac Bela Crkva Pančevo Kovin	94
Srem) (Sremski okrug)	Sremska Mitrovica	3486	335 901	311 053	89.2	Šid Inđija Sremska Mitrovica Irig Ruma Stara Pazova Pećinci	109
Bačka de l'Ueste (Zapadnobački okrug)	Sombor	2420	214 011	187 581	77.5	Sombor Apatin Odžaci Kula	37

Kosovo y Metohija

Se tracta d'una división de iure, en estar de facto Kosovo un país independient, encara que la suya independencia no ye reconoixida por Serbia.

Districto	Centro administrativo	Población en 2002	Ciudaz y municipios
Kosovo (Kosovski okrug)	Pristina	672 292	Pristina Glogovac Kosovo Polje Lipljan Obilić Podujevo Uroševac Štimlje Kačanik Štrpce
Kosovo-Pomoravlje (Kosovsko-Pomoravski okrug)	Gnjilane	217 726	Kosovska Kamenica Novo Brdo Gnjilane Vitina
Kosovska Mitrovica (Kosovskomitrovički okrug)	Kosovska Mitrovica	275 904	Kosovska Mitrovica Leposavić Srbica Vučitrn Zubin Potok Zvečan
Peć (Pećki okrug)	Peć	414 187	Peć Istok Klina Đakovica Dečani
Prizren (Prizrenski okrug)	Prizren	376 085	Orahovac Suva Reka Prizren Gora

Historia

Etnochenesi

Os serbios yeran descritos en o libro De administrando Imperio como os habitants d'unos principaus entre os croatas y os bulgaros. Beluns d'estos principaus son descritos en atras fuents como part de Croacia, y Bosnia en fuents posteriors será distinguida de Serbia u d'os principaus serbios. A base d'a organización social d'os serbios yera a zadruga u familia ampla, como en atros pueblos eslaus. Cualques zadruge aplegadas yeran baixo o mando d'un župan ("mainate"). En bel caso uns cuantos župani podeban unir-sen y estar en a subchección d'un veliki župan u "gran župan". Rematan predominando dos estaus serbios, Zeta, en l'actual Montenegro y Raška, en l'interior, en a zona d'o Sanchac de Novi-Pazar. O cristianismo plega a los serbios dende Agrida, y a conversión remata a zaguers d'o sieglo IX.

Estau serbio uniu

Ta más detalles, veyer l'articlo Raškaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En a segunda metat d'o sieglo XII Esteban Nemanja, Župan de Raška, consigue absorber Zeta y fer-se independient de Costantinoble. En 1217 un legau apostolical lo corona rei, pero Serbia continará estando ortodoxa. Sava, un fillo d'Esteban Nemanja que yera monche d'Athos, consigue creyar una ilesia ortodoxa autocefala serbia, y cuan n'esdebién arcebispe corona a lo suyo chirmán en 1221 como rei d'alcuerdo con o rito ortodoxo. Ye o principio d'a dinastía Nemanja. Esteban I y os suyos succesors costruirán entre os sieglos XIII y XIV una serie de grans monesterios (Studenica, Decani, etc...).

O reino serbio d'os Nemanja puet resistir o expansionismo d'os bulgaros y os bizantins, y con Esteban Dušan plega a lo suyo apocheu. Esteban Dušan estendilla o suyo reino por Macedonya y Grecia, plegando a conquerir part d'o Ducau de Neopatria a los almogávars. En 1346 Dušan empenta que Peć se convertise en seu patriarcal, y ixa mesma anyada y en Skopje l'arcebispe de Peć corona a Dušan como emperador de serbios, griegos, bulgaros y albaneses. A creyación d'a seu patriarcal ortodoxa pa os serbios en Peć fa que i haiga un schisma con os griegos bizantins (con seu patriarcal en Costantinoble), dica 1375. Dušan muere en 1355 sin poder conquerir Costantinoble, una anyada mes tarde que os turcos otomans conquieren Gallipoli.

Ocupación otomana

Os succesors de Dušan no pueden mantener a unidat d'un territorio tan extenso, que s'esminglana. Os diferents territorios serbios van cayendo u baixo sobiranía otomana u baixo sobiranía d'un reino bosnio en expansión. En 1389 o principe serbio Lazaro Hrebeldjanović ye derrotau en a batalla de Kosovo Polje. O suyo fillo Esteban Lazarević se sozmete a lo soldán pero demanda l'aduya d'o rei d'Hongría pa poder mantener-se independient. Os hongaros aduyan a creyar en 1412 una plaza fuerte en Belgrado. Dimpués Chorche Branković establix a capital de Serbia en Smeredevo, pero os otomans la prenen en 1439 y en 1459 la ocupan de pa cutio. Serbia se converte en un pachalik otomán y o patriarcato de Peć queda suprimiu dica 1557.

En o periodo de dominación otomana o centro politico d'os serbios se treslada enta o norte, a lo mesmo tiempo que bi ha migracions enta o sud d'o Reino d'Hongría, a lo norte d'o Sava y d'o Danubio, podendo plegar a estar mayoritarios en zonas que enantes yeran habitadas por atros pueblos, (croatas, hongaros, vlacos, etc...). En 1521 os otomans vencen a los hongaros en Mohacs, y os serbios emigraus tamién son baixo dominación otomana.

En 1683 os otomans son redotaus en Viena y esto tien consecuencias pa os serbios, como habitants d'una zona que puet dixar d'estar baixo dominio otomán. En 1688 os austriacos prenen Belgrado y dimpués abanzan ta Kosovo, posando en canción a los serbios pa que se rebelasen. Manimenos os otomans reaccionan y os austriacos s'han de replegar en 1689-1690 chunto con 37.000 familias serbias que s'establixen en l'actual Voivodina. En 1694 plegará atra ondada.

Os otomans fuoron vencius en 1697 y por o tractau de Karlowitz de 1699 abandonan Batchka y lo norte de Sirmia. O patriarca serbio s'establix en Karlowitz (Sirmia). Os otomans ceden a los austriacos o sud de Sirmia, o Banato y Serbia en o tractau de Passarowitz (1718) dimpués d'atra derrota.

Os otomans contraatacoron en 1736 y por o tractau de Belgrado Austria habió de tornar-lis Serbia. Por este tractau se creya a muga norte de Serbia, que ya no cambiará dica a Primera Guerra Mundial.

Totas estas guerras facioron que os serbios emigrasen dende a rechión d'o Kosovo (que dende alavez de conoixe como Viella Serbia) y que o vueito poblacional lo plenasen os albaneses. Beluns d'os serbios que i quedan se converten a l'islam convertindo-se en os gorani actuals. Os serbios no toz os serbios refuchiaus en o reino d'Austria se quedan en a Voivodina, muitos d'ellos s'establixen en os confins militars: centro d'Eslavonia, sud de Croacia, en o que se conoixerá como a Krajina croata. En Voivodina os serbios habrán de convivir con repobladors de diferents orichens etnicos a parte d'os serbios: rutens (rusins) eslovacos, alemans, franceses, catalans, (en Nueva Barcelona) etc...

Os otomans posarán a un griego en o patriarcato de Peć en 1739, y lo suprimirán en 1767. En Belgrado bi ha una guarnición de chenizaros que Estambul no controla güaire.

Autonomía

En 1804 esclata una insurrección en Chumadia dirichida por Karadjordje, que prene Belgrado en 1806 y se fa proclamar en 1808 principe hereu. Os otomans reaccionan pero o soldán ha de reconoixer l'autonomía de Serbia en o tractau de Bucarest firmau con Rusia en 1812. Manimenos en 1813 contina a guerra y os otomans prenen Belgrado, fan mortaleras y Karadjordje s'ha de refuchiar en Austria.

En 1815 Miloš Obrenović diriche una insurrección en Chumadia, y baixo a presión de Rusia os otomans acceptan que Serbia siga un principau vasallo, con Asamblea (skupstina) y exercito. Os otomans encara mantendrán a un gobernador turco, guarnicions y imposarán o pago d'un tributo anyal.

A primera intervención de l'Imperio Ruso en os Balcans fa que se firme o tractau d'Adrianopoli en 1829. En 1833 Serbia ixampla o suyo territorio por o sud. O soldán reconoix a Miloš como principe hereu, y abdica en 1839, pasando o títol a Aleixandre Karadjordjević. En o Tractau de París de 1856 Aleixandre obtién una garantía internacional pa Serbia. A familia Obrenović tornó a lo poder en 1858, pero qui dirichirá o gubierno será o partiu liberal (1867-1893) En 1868 os otomans evacuan as suyas tropas de Serbia.

Independencia

Serbia declaró a guerra a l'Imperio Otomán en 1876 cuan os disturbios de Bosnia. Encara que os serbios fuoron vencius a lo principio, a zaguers de 1877 tornan a la ofensiva, favoreixius por a intervención rusa en os Balcans. O tractau de Berlín de 1878 reconoix a independencia de Serbia, que queda ixamplada con a rechión de Niš. O Sanchak de Novi Pazar queda baixo administración austriaca chunto con Bosnia-Herzegovina pa fer de zona tampón entre Serbia y Montenegro.

Encomienzan os conflictos d'os serbios con atras nacionalidaz balcanicas que tamién se liberaban d'o dominio otomán. A unión de Rumelia Oriental con Bulgaria ye vista como periglosa por a Serbia independient, (distribuita por territorios historicament bulgaros que podeban reclamar en o futuro una Bulgaria mes poderosa). Os serbios atacoron a los bulgaros en 1885 y fuoron vencius.

En ixos tiempos ya i heba problemas internos por una sublevación d'a chent d'a tierra en 1883 y una presión d'un nuevo partiu radical refirmau por os sublevaus. A constitución de 1888 fa de Serbia cuasi una monarquía parlamentaria, y a politica posterior bien marcada por a luita entre liberals y radicals, dica un inte que o rei Aleixandre Obrenović restableix l'absolutismo monarquico con a Constitución de 1901, pero ye asasinau en 1903.

O nuevo rei ye Pero I Karadjordjević, que con l'aduya de lo ministro Nicola Pasić, d'o partiu radical, restableix a constitución de 1888 y enforteix os ligallos con Francia y Rusia. En politica exterior Serbia ye obligada a reconoixer l'anexión de Bosnia-Herzegovina por l'Imperio Austrohongaro y preba d'estendillar-se enta o sud, declarando a guerra a l'Imperio Otomán o 18 d'octubre de 1912 chunto con Bulgaria, Grecia y Montenegro, encomenzando a Primera Guerra Balcanica. Os serbios ocupan a part occidental de Macedonya y a mayor part de Kosovo y os montenegrins Peć. Serbia pretende tener una salida a la mar a traviés de tierras albanesas, pero l'Imperio Austrohongaro se i oposa. En o tractau de Londres de mayo de 1913 ye reconoixiu un estau albanés independient pero quedando Kosovo dentro de Serbia. En chunio os bulgaros encomienzan a Segunda Guerra Balcanica, son derrotaus y por o tractau de Bucarest d'agosto de 1913 a part de Macedonya correspondient a l'actual Macedonya d'o Norte y o norte d'o Sanchac de Novi Pazar son adchudicaus a Serbia.

Primera Guerra Mundial

Dimpués de l'atentau de Sarajevo de 1914 organizau por serbios. Austria-Hongría adreza un ultimatum a Serbia, y li declara a guerra o 27 de chulio. l'Imperio Ruso refirma a Serbia y encomienza a primera Guerra Mundial. Os serbios no resisten que a lo principio, y reblan. En noviembre de 1914 ya no controlan Belgrado, pero en aviento lo reconquieren. Bulgaria entra en a guerra pa anexionar-se Macedonya, y esto fa que os serbios ya no puedan defender-sen. L'exercito serbio se retira t'Albania y ye evacuau por os aliaus en Corfú, pa ser adrezaus a lo frent d'Orient dende chulio de 1916. O frent d'orient se creba en setiembre de 1918, y Austria-Hongría se rinde o 3 de noviembre. L'1 d'aviento de 1918 Aleixandre Karadjordjević proclama a formación d'o Reino d'os Serbios, Croatas y Eslovenos.

Os serbios en a Yugoslavia d'entreguerras

Un comité yugoslau formau en Londres por dirichents orichinarios de l'Imperio Austrohongaro y d'o gubierno serbio de Pasić firmoron o 20 de chulio de 1917 a declaración de Corfú, que preveyeba a unión d'os eslaus d'o sud baixo a monarquía d'os Karadjordjević. L'1 d'aviento de 1918, o fillo de Pero I de Serbia, Aleixandre, proclama o Reino d'os serbios, croatas y eslovenos.

En as prebatinas de redacción d'una Constitución en 1919-1920 se vei de seguida o conflicto entre os centralistas panserbios y os federalistas orichinarios de l'Imperio Austrohongaro. O partiu croata d'a chent d'a tierra fa boicot a l'Asamblea y Pasić puet conseguir una constitución centralista o 28 de chunio de 1921. En a decada de 1920 i habrá crisis politicas por o conflicto entre croatas y serbios, (o lider d'o partiu croata d'a chent d'a tierra será engarcholau y asasinau).

O 6 de chinero de 1929 o rei Aleixandre disuelve o Parlamento y la constitución de 1921 ye abolida y bi ha dictadura. O reino prene o nombre oficial de Yugoslavia. O 9 d'octubre de 1934 o rei Aleixandre muere en un atentau obra d'os ustaixas. O principe de Pavlo exerce a rechencia. En 1938 se creya una banovina autonoma croata con tierras de Bosnia-Herzegovina. Os serbios controlan atras partes de Bosnia-Herzegovina.

Segunda Guerra Mundial

A primers de 1941 Hitler ordena a Yugoslavia que s'adhiera a lo Pacto Tripartito pa atacar Grecia. O rechent Pavlo accepta pero uns patriotas serbios se sublevan y o 27 de marzo o cheneral Simović obliga a lo rechent a exiliar-se. Pero I ye proclamau rei y denuncia o pacto. O 6 d'abril os exercitos alemans, italianos y hongaros invaden Yugoslavia. O 17 d'abril o gubierno se rinde. Os invasors dividen Yugoslavia y se creya una Serbia independient que se reduciba a la Serbia posterior a 1878 pero con o Banato Serbio y sin o districto de Pirot, que s'han quedau os bulgaros.

O cheneral Nedić, ministro d'a Guerra entre 1938 y 1941 dirichiba o gubierno. O Banato Serbio yera baixo control d'os alemans locals, suabios d'o Danubio. Os chodigos de Serbia son eliminaus. Se creya lo Estau Independient de Croacia, que ocupa Bosnia-Herzegovina, o Sirmio y a mayor part de Croacia. En este estau controlau por los ustaixas son eliminaus los opositors y sobretot los serbios, seguntes bella fuent o numero de serbios exterminaus plega a 750.000.

Dende a primavera de 1941 s'organiza una resistencia en o norte de Kosovo. Dimpués i habrá dos resistencias. Os chetniks, nacionalistas monarquicos serbios dirichius por o cheneral Draža Mihailović que se negó a capitular en abril y os comunistas dirichius por Josip Broz Tito. En agüerro de 1941 una ofensiva alemana fa que se dividan Mihailović negocia con os alemans y Tito pasa ta Bosnia.

Os chetniks luitan contra os ustaixas croatas y se dedican a fer mortaleras de croatas y sobretot musulmans en as zonas de Bosnia-Herzegovina que controlan. Cuan os partisans comunistas iban prenendo importancia os chetniks plegoron fer liga con os ustaixas.

Os partisans comunistas combaten contra italianos, alemans y os ustaixas croatas. A zaguers de 1943 Tito creya en Jajce un Comité nacional de liberación, que será l'embrión d'o futuro gubierno federal. Pero II reconoix en 1944 a Tito como jefe d'a Resistencia. Cuan l'Exercito royo sovietico plega ta Belgrado os partisans ocupan gran parte d'o país. A Conferencia de Yalta en febrero de 1945 planteya que i haiga un compromís o rei y Tito que sería o president. En 1945 os partisans dominan Yugoslavia y l'11 de noviembre a lista unica d'o Frent d'o Pueblo obtién o 90 % d'os votos. A monarquía ye abolida y se creya a Republica popular federativa de Yugoslavia.

Os serbios en Federación Yugoslava de Tito

Tito pretendeba evitar que Serbia y os serbios tenesen un peso excesivo en a federación yugoslava y no unificó territorialment a los cristianos ortodoxos de luenga serbocroata, que quedoron distribuitos por as republicas socialistas que establió: Republica Socialista de Serbia, Republica Socialista de Bosnia y Herzegovina, Republica Socialista de Montenegro y Republica Socialista de Croacia. Dió categoría de republica a Macedonya, deseparando-la de Serbia y dio autonomía a las rechions con minorías no serbias numerosas como a Voivodina y o Kosovo, a on permitió que entrasen nuevas poblacions albanesas. Lo predominio albanés en bella zona perchudicaba a los serbios.

Pero china chana os serbios iban fendo-se con o poder d'a Republica Federal Socialista de Yugoslavia, y ya en a decada de 1960 os serbios controlaban l'exercito federal.

A unión yugoslava se torna insostenible

Dende 1986 Slobodan Milošević, d'o partiu comunista de Serbia prene un discurso nacionalista serbio chauvinista y aproveita a tensión entre serbios y albaneses en o Kosovo, y os ataques albaneses a la minoría serbia pa mover sensibilidaz. Os eslovenos y croatas deseyan cada vegada mes a independencia. En chinero de 1990 os eslovenos creban os ligallos con os comunistas de Yugoslavia, y farán o mesmo os croatas.

En 1990 dimpués d'un referendum Serbia prene una constitución que remata con l'autonomía d'o Kosovo y a Voivodina, encara que permite o multipartidismo. Slobodan Milošević ye esleito president o 23 d'aviento de 1990 en as Eleccions parlamentarias serbias con o 65 % d'os votos.

Os serbios cuan s'esminglana Yugoslavia

O 25 de chunio Eslovenia y Croacia proclaman a independencia y encomienza una guerra entre l'Exercito Federal Yugoslau y las republicas secesionistas. Los serbios de Croacia proclamoron la independencia d'a rechión de Krajina centrada en Knin, que esdendría la Republica Serbia de Krajina. Lo gubierno federal yugoslau refirmó a los serbios de Croacia con la presencia de l'exercito federal. Bi habió mortaleras y operacions de limpieza etnica contra la poblacion croata mientres duró la Guerra d'independencia croata, devez que en lo territorio controlau por la Croacia independient se forzó a muitos serbios pa que se'n fuesen. Beluns se refuchioron en Serbia.

Dimpués proclama a independencia Bosnia-Herzegovina. En Bosnia-Herzegovina se repetirá o mesmo proceso pero con mayor rapideza y violencia. Os serbios de Bosnia y Herzegovina son mes numerosos que en Croacia y son mayoritarios en amplas zonas: Bosnia occidental, Herzegovina oriental y zonas de Bosnia oriental mugants con Serbia. A población bosnia musulmana y croata fue forachitada u exterminada de muitas d'estas zonas y las zonas de mayoría serbia prenioron continuidat territorial a traviés d'o corridor de Posavina, a costa d'os croatas. Igual como en Croacia, buena part de la poblacion serbia en territorios baixo control de croatas y bosnios fuyó. Lo resultau estió que durant las guerras de succesión yugoslavas en lo norte de Serbia bi habió bels centenars de mils de refuchiaus serbios.

En Kosovo no bi ha guerra mientres bi n'ha en Croacia y Bosnia-Herzegovina, pero muitas zonas son controladas por os albaneses locals. Macedonya se deseparó pacificament y os serbios no podioron organizar o mesmo procedimiento.

En abril de 1992 Serbia y Montenegro forman una nueva Republica federal de Yugoslavia que no fue reconoixida por a comunidat internacional. A situación de guerra en Croacia y especialment en Bosnia-Herzegovina permite a Milošević enfortir o suyo poder. En as eleccions lechislativas d'aviento de 1993 o Partiu socialista (en realidat excomunista) consigue 123 d'os 250 botos. Bi heba una oposición ultranacionalista y una oposición democratica.

Cuan remató a guerra en Bosnia-Herzegovina encomenzó a guerra en o Kosovo con una rapida limpieza etnica, manimenos a OTAN intervinió y obligó a l'exercito serbio a retirar-se'n. Muitos serbios de Kosovo han teniu que ir-se-ne.

Esportes

Os esportes mes practicatos son o baloncesto, o handbol y o fútbol, a primera división ye conoixita como SuperLiga Serbia.

Referencias

• Datos: Q403
• Multimedia: Serbia / Q403