Murviedro

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Murviedro
Municipio d'o País Valenciano
Entidat  • Estau  • Comunidat  • Provincia  • Comarca	Municipio  Espanya  País Valenciano Valencia Campo de Murviedro
Superficie	132 km²
Población  • Total	68 066 hab. (2013)
Altaria  • Meyana	49 m.
Distancia  • 25 km	enta Valencia
Alcalde	Alfredo Cesareo Castello Saez
Codigo postal	46500, 46520
Chentilicio	Saguntino/a
Río	río Palancia
Coordenadas	39°40’35’’N 0°16’23’’U
Murviedro Murviedro en País Valenciano
Web oficial

Murviedro u Sagunto (Sagunt actualment en valenciano y historicament Morvedre; Sagunto actualment en castellano y historicament Murviedro) ye un municipio de la provincia de Valencia, situato en la comarca de lo Campo de Murviedro. La suya población ye de 62.702 habitants(2006), en una superficie de 132 km² con una densidat de población de 475,02 hab/km².

Historia

Fue fundato en l'anyo 219 aC. Ya se parla de la ciudat de Sagunto en bells textos de la literatura clasica, relacionando-la con cosas que pasoron en la Segunda Guerra Punica. Esta ciudat ibero-edetana yera conoixita como Arse pero con lo tiempo esdevendría la ciudat hispanorromana de SAGUNTUM. La historia de Sagunto como ciudat portuaria ye muito extensa, ya en lo sieglo III aC (n'ixa epoca una ciudat d'orichen griego y aliata de Roma) yera un punto estratechico en lo comercio por la mar Mediterrania. Ya en ixa epoca comerciants de Sagunto viviban instalatos a man de lo Puerto (fuera de la ciudat amurallata), pa fer prosperos lurs comercios a costa de los mariners que plegaban ta Sagunto. Este puerto antigo ye l'actual barrio dito Grau Vell.

Lo cheneral Aníbal asitió la ciudat ibero-edetana d'Arse en l'anyo 219 aC por la suya situación estratechica. Lo setio duró meses, y los habitadors d'Arse basoron a suya estratechia en que Aníbal no podería atravesar las grans murallas arredol la ciudat en poco tiempo. Encara que la chent de las redoladas a man d'Arse no los aduyoron, podioron resistir los ataques cartachineses. La situación se fació insostenible dimpués que los romanos se negasen a ninviar aduya. La ciudat desmoralizata podió resistir bells meses més, debant un exercito més gran en numero y en recursos.

Toponimia

En a epoca de dominio musulmán la decadencia de l'antiga ciudat romana yera gran, fendo-se més gran Valencia. En esta epoca ya no se deciba Sagunto y s'emplegaba Morbyter y variants. O toponimo SAGUNTUM probablement pervivió en o nombre d'a comarca Val de Segón. Morbyter vien de lo latín MURI VETERES que quier dicir muros viellos. Los aragoneses adaptoron este toponimo mozarabe como Murviedro y los catalans lo adaptoron como Morvedre.

En 1868, lo nuevo Gobierno Provisional modificó lo nombre de la ciudat, dita Murviedro dende feba més de diez sieglos, por l'antigo nombre romano de Sagunto, seguindo los canons romanticos y clasicistas de la epoca: se restituyó a Murviedro el glorioso nombre de Sagunto.

Demografía

Evolución demografica

2003 2004 2005 2006 2007 2008 2009 2010 2011 - - - 62.702 - - - - -

2021 2022 2023 2024 2025 2026 2027 2028 - - 68.066 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.